來，一場書展殺人遊戲: 第五十二章

「如果唔係得返信你呢個方法，我都唔會咁做。」陳新放下了飛刀，袋回口袋裡。
 
「所以……係咪只需要殺晒呢到啲人之後，就可以離開呢到？」
 
JOEY打從知道這會展除了我們之外，再無人類，便放下心頭大石。
 
殺人？來吧。
 
「遊戲規則講到明係要殺晒其中一方既人先贏，所以就算殺晒呢到啲人都冇用。」我搖頭嘆息道。
 




「直接去主持人嗰到，嗰到一定有我地離開既方法﹗」嘉穎靈光一現並提出這方法。
 
「我都知，不過我地身處會場入面，冇可能出到去。咁樣又點去到主持人嗰到呢？」子銘攤開雙手無奈地說。
 
「咁唔通點呀？一直留響呢到過世呀？定係……」
 
呀俊死死的盯著陳新口袋，他之後那句話是什麼，想必所有人都清楚。
 
「咁你又唔洗諗到咁偏激，呢個方法唔得咪諗過個囉﹗」子銘搭著呀俊的肩膀，示意保持冷靜。
 




不知謂何，我總是認為我們不能一同平安離開。先不說子銘的話的可信度，光是我們等人的角色已不同，再加上這會場可說是危機重重，想離開也許必須跟隨遊戲規則。
 
嗯……大概我的計劃，也差不多將要實行了……
 
「聽你咁講，你似係有個可行既方法喎。」陳新依舊對他有著基本的戒心。
 
「我都唔知可唔可行，不過我認為除咗呢個方法之外，再冇第二個。」子銘眼神堅定，給予人們一種可靠的感覺。
 
「願聞其詳。」
 




「天機不可洩漏。」子銘故裝神秘，就像胡老伯般呆望著上空。
 
「去到呢個地步，你都仲可以賣關子，你都幾好野架喎﹗」
 
呀俊厲眼望向子銘﹕「唔好冇料扮四條啦。」
 
「係，我係未諗到有咩方法，但係我知道如果你地唔跟我既話，只有死路一條。」子銘自知自己是我們的救世主，便開始變得狂妄。
 
「你知唔知你講緊咩……想吊起嚟賣呀？」呀俊握著拳頭，正準備給他一記直拳。
 
「夠啦，你地可唔可以唔好再嘈呀﹗」要化解兩個男人的口角紛爭，女人出口總是最好的方法。
 
我倒坐在地上，心裡不解為何子銘突然變得如此。這個人……鐵定是有什麼隱瞞未有跟我們說。
 
「算……呀豪，你專心啲睇吓電腦入面有冇啲咩漏洞可以偷到主持人啲資料，只有咁樣我地先可以有辦法出到去﹗」




 
說實話，我根本沒法相信子銘所說的話，甚至是他的身份。
 
若果他真是這遊戲的工作人員，有什麼可能那些保安會不認得他？更甚者，他理應對這遊戲瞭若指掌，不可能現在才要呀豪為他找尋漏洞。
 
可是呀豪所說的話也不是沒有他的道理，子銘和我們也只不過是平水相逢，不需要全告訴給我們。我們也沒有理由強迫他……
 
但係我一定會知道你有咩居心……我一定知﹗
 
「咁多位，其實你地只要跟住個遊戲規則就得，根本唔需要諗咁多野，更加唔需要諗有咩方法離開呢到，你地需要既就只係……」
 
一位似曾相識的男人不知從何步近。
 
「好好享受。」
 




「我記得你，你係呢到既保安。」呀俊指著那男人的臉孔﹕「我認得你個死人樣。」
 
「放心，我未死，你都幾好記性呀﹗」那位保安以微笑帶過呀俊的話。
 
「你想點？」我立馬下了戒心。
 
「同你地玩個遊戲呀，如果我贏咗你地是但一個，其他人都要跟住規則嚟玩呢個殺人遊戲。如果我輸咗，我會俾啲提示你地，等你地可以離開呢到。」保安跟我們打賭道。
 
「是但一個？」我恐防有詐，便把保安的話重覆。
 
「係，你地揀一個出嚟同我單挑。」保安脫去上衣，顯得一身肌肉。
 
「咁冇辦法啦，打爛仔交我就最叻既架啦，就等我嚟會一會你﹗」呀俊一貫用他挑釁的口吻檢查眼前的敵人。
 
但令我失笑道的是，呀俊你連站也站不了，如何對打呢？




 
「唔好……」呀豪伸手攔住呀俊﹕「等我嚟。」
 
咩話？