來，一場書展殺人遊戲: 第五十一章

「其實子銘呀，你身為呢個遊戲既工作人員，你冇可能唔知點樣先可以走得出去架喎﹗」呀俊愈說愈覺不對勁。
 
「我知呀，咪就係殺晒是但一方啲人囉﹗你地願唔願意咁樣做呀？」子銘冷眼望道呀俊。
 
「我地依家係要殺出一條新既血路出嚟，如果我知既話，一早就修正咗呢個問題啦﹗」子銘咬著下唇，思考著有什麼方法。
 
「等等先……」
 
被呀俊這一問，也令我有所懷疑﹕「點解你會幫我地既？你明明就係呢個遊戲既人，係咩原因令到你肯幫我地？」
 




「你問咁多做咩啫？總知你就跟住我啦，包你平安出到去﹗」子銘開始不耐煩，便隨口回答。但這便讓人覺得此地無銀三百両。
 
「返出去？出面係咩地方？」
 
我突然回復清醒，才猛然發現我地正跟著一個不知所謂何人行動。
 
「……」
 
也許子銘猜想不到我會有如此一著，只能把口開得老大，但未能答上一句。
 




「你係唔係人類？」
 
這遊戲，絕不是由我們人類所想的。若然這遊戲目的是想對我們做實驗，這實驗根本不需把我們帶離地球。
 
「我……」
 
只見子銘頭上開始冒汗，我便知道他鐵定是知道什麼而沒說。
 
「你好一五一十同我地講清楚佢，如果唔係我唔會手下留情。」
 




這次，是由陳新用飛刀指住子銘說的。
 
「好，你地想知啲咩？」子銘低著頭，搖著頭說道。
 
「所有野。」
 
小希突然插話﹕「我地要知道呢個遊戲既所有野。」
 
小希？但她說的也沒錯，我們要知道這遊戲的所有事情，哪怕是有用還是沒用，我就是要清楚了解這遊戲。
 
「我地的確係地球人，我地想利用呢個遊戲嚟進行實驗，睇吓邊位地球人有資格可以成為新世界既新人類。」子銘為這遊戲簡潔地說明。
 
「新世界？」JOEY不解道。
 
「嗯，新世界。」說到這裡，子銘ㄔ亍了數步並回望了這會場﹕「大家仲記唔記得二零一二年，有傳世界末日呀？」




 
二零一二世界末日？這個傳聞在當年可說是傳得街談巷議，不少人都相信世界末日真的發生。但很明顯，現在回想，什麼世界末日還真是無稽之談。
 
「你咁諗就錯啦，世界末日真係發生咗，只係無聲無息咁發生，你地咩都唔知，如常返學返工啫。」
 
子銘冷笑了數聲，彷彿為地球人的愚昧而嘲笑。
 
「你知唔知你講緊咩野？」我還記得當時的我也對世界末日深信不疑，還大量購買午餐肉……
 
等我一心仲諗住咩手持午餐肉就有閪屌既日子……唔好再講啦﹗
 
「好快，地球人就會慢慢減少，直至去返一八零零年既人口水平。然而我地要確保剩低既人類質數同樣有返一定水平，所以就產生咗呢個遊戲。」
 
子銘彷似坐在榕樹頭的老人般說著故事。
 




「就係咁簡單？」也許這已不算簡單，畢竟這已關乎於全世界的事情，但我還是依舊認為這遊戲一定不只這麼。
 
「係。」子銘向我點了點頭，沒再多說什麼。
 
「但係你仲未解釋到，點解會冇啦啦會幫返我地。」陳新的飛刀依然指著子銘，沒有放下。
 
「好簡單，睇唔過眼。」子銘別了眼說道。
 
「你唔講，咁我都唔多問啦。」
 
呀豪走近子銘壓下聲線說﹕「反正我地呢到只不過係幾個生存者，唔需要向大家講晒自己啲野。不過同樣地，邊個對我地不利，我地都唔需要留手。」
 
「放心，我一定會帶你地出去﹗」子銘臉上重顯笑容，剛那緊張的臉早已放鬆。