來，一場書展殺人遊戲: 第二十四章

還是……我們遇到的根本是兩群人，只不過他們的樣子是一模一樣呢？別傻了，那有可能會這樣？
 
「再去多次。」小希不知不覺間也加入了我們的對話。
 
「小希？你講咩話？」嘉穎一想到小希的經歷，一股可憐之心又再次萌生。
 
「再去多次，如果你地再遇到佢地班人，就可以肯定佢地可以死過返生﹗」
 
小孩果真是小孩，這世間怎麼會有人像貓般有幾條命？
 




「咦……諗真啲……雖然呢個方法聽起上嚟係幾低能，但係又唔係唔得喎﹗」陳新抬頭著我們，希望可得到一些意見。
 
「小希可能講得啱，反正呢個遊戲本身既存在已經夠不可思議，我都諗唔到仲有咩比呢個遊戲更加冇可能﹗」
 
呀豪舉手同意小希的計劃。
 
「你地……可唔可以理吓我先……」
 
我雙眼不時放空，嘴唇抖動著，活像個末期病患者似的……儘管，我還真的命不久矣……
 




「呀﹗唔好意思呀﹗」JOEY立馬轉過身來為我檢查傷勢﹕「楊諾，我諗你應該留響到休養生息，我怕你……」
 
事實上，雖然JOEY沒有把她怕看見的將來說下去，但我也大約能猜想一二﹕「我咁樣……你都唔係仲諗住可以我可以行出呢個會展門口呀嘛……」
 
我別眼看著小希﹕「我剩係要確保小希安全。」
 
「冇得傾。小希，你要好好睇住你呀哥呀﹗我地要再出去多一次。」
 
陳新把小希喚來，並把我的手與小希的小手牽著﹕「就算你地一個係數字牌，一個係鬼牌，你地兩個人都係同一條命。」
 




我看著沾染著鮮血的手牽著小希，此時，我只想靜靜地望著小希多一眼……
 
「呀哥……你覺得點解個叔叔會搞呢個遊戲出黎？」
 
小希一直都困惑地呆望著我的手，突然問道這條問題，劃破這刻的寧靜。
 
「唔知呀……可能佢無聊掛……」
 
我沒把小希的話放在心中，只是隨便回了一句打發了她。
 
「咁樣……點解我地又要聽佢講既？」
 
年小無知的小希再次問了一些讓人摸不著頭腦的問題。
 
「因為……」我隔了半晌，這次小希的話卻像刺青般留在我腦中，無法抹去……




　
「呢個遊戲要玩到幾時？」
 
「如果我肚餓咁點算？」
 
「我殺咗人，洗唔洗付負責任先？」
 
這三條問題，每一條都已假設這遊戲是真的，但正常人一聽到遊戲，不是應該好像我的反應般，感到詫異麼？難不成說……所有人都知道這遊戲的存在嗎？
 
「頂，一開始又唔見你諗到，你依家先諗有撚用呀？」我不禁責罵了自己的失誤。
 
呀俊﹗呀俊是第一個殺人，正常人會忽然殺人嗎？假如有一天，政府告訴市民強姦合法化，你會否馬上衝到街上尋找學生妹嗎？
 
「呀俊一定知道啲咩﹗」
 




「呀哥，你邊到都唔洗諗去﹗」我正想站起來時，小希卻一手把我推倒並字正腔圓的把話吐出﹕「你受咗傷。」
 
你話我應該好嬲定好笑？
 
「小希呀，你記住返到屋企之後，記得同呀媽講我只係跟咗同學去玩，唔好同佢講我……」
 
我再次止住了話，這種謊言，能瞞得一生麼？
 
「你自己同佢講啦。」小希不屑地說，彷彿看不起她的哥哥如此脆弱。
 
小希……