來，一場書展殺人遊戲: 第二十五章

「今次我地咩人都見唔到……」呀豪一臉蒼白的喘著氣，其實呀豪根本不用說一句話，他早已把剛剛所經歷的事刻在臉上。
 
「如果係咁既話，可能性就得返兩個，一係就我地先後遇到既係兩班人，一係就佢地真係有兩條命。」陳新嘗試把所有的可能性例出。
 
「唔係……」
 
我天外飛過一個靈感，把我剛想的思緒串連一起﹕「如果呢個會展根本就唔係真既，我地係入咗一個不知名既時空……而呢個時空，正正就係做緊一個關於人既實驗……」
 
「你真係睇得太多網絡小說啦，會唔會真係天馬行空到咁呀……」
 




嘉穎輕輕觸碰我的頭頂，可能是覺得我撞得腦袋都不能好好運作。
 
「但係我想講，呢場殺人遊戲既存在已經夠不可思議，所以我都覺得唔可以再用常人既思想去推敲呢個遊戲既存在意義。」
 
呀豪首次正視著我並點頭肯定，恐怕他在這生終於找到一個奇異的同類吧。
 
「咁……我地依家有咩做？唔通真係要跟住個遊戲規則嚟玩呢場遊戲？」
 
JOEY倒坐一角抱著頭問了這道誰也答不上的答案。
 




「冇用，呀俊已經講過……」
 
「你仲信佢做咩？你連佢係咩人都未知呀。」陳新無奈地說著。
 
「放心，未到最後一刻我地都唔會行到呢一步，大家係咪都係咁諗？」
 
嘉穎希望可以挽留我們最後的人性，不讓人性隨波逐流而變得冷血。
 
「……」
 




嘉穎平放手掌於半空，等待我們和應。
 
我們也沒多說什麼，把手心放在嘉穎手掌之上，同時也把我的人性，保留在這數隻手之裡。
 
大家手疊手停在空中，彷彿把大家的心連在一起……儘管大家身份不同，到了最後還是要人鬼殊途。
 
但係……至少我地曾經都聯手過……
 
「雖然唔可以盡信，但係嗰條叫呀俊既人一定知道啲咩﹗所以我地要搵佢出嚟﹗」
 
我嘗試伸手拿取會場地圖，頭又是一痛，整個倒在手推車上。
 
「楊諾，你已經唔可以再郁動架啦，你為咗救我地而搞到你咁，我地都好唔好意思……」JOEY止住了話，恐怕是不想我傷心吧。
 
「總知呢，你就好好咁留響到啦，我地一定會同你一齊行出呢個會展門口，然後打撚死個主持人﹗」




 
「……」
 
我暗嘆了一口寒氣，便轉移話題道﹕「你地要搵既人呢，佢著住藍色T-shirt加條啡色短褲……」
 
「不過好老實咁講，我都唔知佢死咗未。」
 
的確，那次分離，是我望見呀俊的最後一面。
 
「依家唯一既線索就係佢，點都要試咗先。」
 
「我都陪你地去啦，免得你地又遇到啲咩危險野，到時都有個照應。」進哥拾起武士刀，加入他們的團隊。
 
「你記住唔好亂咁走呀﹗」
 




陳新一等人留下這一句話便離我而去。
 
我仲可以去得邊到呢……
 
我沒多想什麼，靜靜地躺在手推車上。頭突然一暈，果然……
 
「你一手停口停既話，你條命都會停埋架啦。」
 
禿頭男人拿著一杯像是中藥似的湯水，扶起我並著手叫我喝下。
 
「放心，就算想你死我都唔會用啲咁下流既招數。呢杯野係我家傳既藥方，飲完包你元氣咩都返晒嚟﹗」
 
禿頭男人向我舉起拇指。看著他如此落力地推介，我也不好意思拒絕，只好硬著眉頭咽下。