[科幻][長篇]星際星塵: 4.初次調查

太空船終於降落係一個黃沙地區，阿洛比左個件太空衣星華，等佢換完先出去。
「拎去著，你適應唔到出面嘅環境架」
「依件好似係普通T-shirt咋bo，真係有用咩」
「換啦」
星華一踏出太空船就覺得身體非常輕盈，縱身一躍就跳到100米高。
「點解會咁嘅，我身體好似好輕咁」
「因為依個星球嘅引力比地球細囉」
過左十秒，星華終於落返地面。
「依個星球真係得意」
唔好再跳啦，我地唔係黎玩架，我地黎調查一啲野架」




「調查啲咩啊」
「一陣同你講」
星華同阿洛行左一段路，終於黎到一個沙漠小鎮，係踏入小鎮之前，阿洛示意星華停步。
「你見唔見到戈邊個外星人，你而家仔細望住佢5秒。」
「你話戈個隻眼凸左出黎，全身好似就石頭戈個？」
「望住佢啦」
星華望左唔夠1秒，身體就開始發現變化，皮膚開始變硬，10秒之後居然同岩岩望住嘅外星人差唔多。
「哇，點解會咁架，我變左外星人啊」
「地球人嘅樣貌太惹人注意啦，宜家咁咪幾好囉」
星華用隻石頭手，遮住自己凸起嘅眼，表示無奈萬分。




「我地而家就去酒吧先，認識下依個星球嘅人。」
星華一面無奈，只好跟住阿洛一直行去酒吧。
阿洛同星華到左一間叫做流沙酒館嘅酒吧，外表好殘舊，就好似石器時代嘅山洞咁。
「聽講依間酒吧係依個星球好出名架，啲酒好好飲架。」
星華望住依間破落嘅酒館不禁有啲質疑阿洛嘅講法，佢兩個人跟手坐左係前面bar台，準備叫幾杯野飲。
「伙計，我要兩杯你地最出名嘅酒啊，唔該。」
「前台嘅調酒師係一舊石頭入面詐取左啲液體出黎，然後擺係佢地兩個人面前
試下我地嘅Rockstopia」
「唔該曬」
星華對住依杯似石油多過酒嘅液體面露難色，同阿洛細細聲問左句，




「我真係要飲依杯野？」
「飲啦，唔飲會比人識穿架。阿洛壓低聲線同星華講，然後就一啖飲曬成杯，再同侍應叫多杯。」
星華飲左一口，啡黑色嘅岩石面轉眼變左紫水晶嘅模樣，幾乎將杯野嘔返出黎。
阿洛望左星華一眼，示意佢飲埋佢，星華只好強忍淚水，一下子飲曬成杯石油。
阿洛飲住佢杯石油，同侍應閒聊左起來
「你地依排生意點啊，我最近無野做啊」
「幾好啊，我地依間酒吧可以話係聞名全個星系。」
「你地就好啦」
個侍應講得無錯，佢地嘅生意確係好好，不斷有新嘅客人黎到。
飲完手頭上嘅依杯酒，阿洛就去左出面撩女，而星華就因為飲完杯野唔太舒服，留左係bar 台度。
「依位客人好似有啲唔舒服bo，你無野啊嘛」
「無事，有無其他野可以試下。」
「試下我地嘅Rubusto，好多人都話好飲架」
望住依杯紅色嘅液體，星華決定一口飲曬佢。對於地球人黎講，依啲飲品實在唔太岩佢口味，儘管已經好飲過岩岩嘅石油。
「唔知可唔可以問下你係邊度黎嘅呢」




「我，我遊客黎嘅」
星際旅客？你唔多似本地人bo
「我細細個就已經離開依度讀書，宜家返黎玩咋嘛」
「依個時候返黎玩，你真係識揀時間」
「發現左咩事吖」
「最近先發生左內戰，議會同總統被人推翻左吖。個侍應刻意靠近星華嘅耳細細講。」
「唔係掛。」
「你地依啲離開左咁耐嘅唔知架啦，最近我地嘅議會通過左將我地星球90%嘅礦產賣比宇宙聯邦。」
「真架？」星華大吃一驚
「跟住有一批人覺得議會出賣我地利益，就意圖推翻議會，跟住就變左一場內戰。」
「竟然係咁樣。」
「不過宜家內戰已經結束左啦，議會亦都已經被推翻左，不過而家嘅新政府控制曬所有嘅野，唔比任何同宇宙聯邦嘅人進入。好似你啲咁嘅留學生，最好就小心啲啦。」
星華繼續叫酒飲，不經不覺係阿洛返黎之前，星華已經入左十幾杯，佢亦都好似習慣左啲酒。
「多謝老細招呼，我地走先。」阿洛滿面春風返黎bar台，拍拍星華膊頭，叫星華行。
「我地走啦？我仲未飲完依杯」




「我出去等你」
「話說，戈個人係邊個」
「我留學識嘅朋友。」
「原來係咁，下次再見啦，年輕人」
星華同佢道別之後，就急步跑出去搵返阿洛
「阿洛，阿洛。」
「我咪係度囉，留心啲觀察隔離嘛」
星華尷尬笑左一笑。
「岩岩啲女呢，就同我講，我地去搭戈邊嘅沙鐵，就可以去到附近嘅首都架啦，我地宜家過去啦」
「係bo，你岩岩做咩賣甩左我，我幾驚比人識穿」
「我係去調查，如果你比人識穿，咁就證明你唔適合跟住我，宜家無事幾好ar
酒吧調查？調查依度啲女咋？」
「依啲都係調查嘅一部份，你有排學吖」
「咁你調查到啲咩吖」
「今晚同你講，依度太多人」




佢地一直行到一個山洞面前，貫徹依個星球嘅建築風格，非常簡陋，門前只係刻左塔普拉站，依四隻字。
「我地入去喇。」