[科幻][長篇]星際星塵: 5.調查繼續
黃沙鐵道，簡稱沙鐵，係埃迪薩星嘅主要交通工具。由於整個星球都被黃沙覆蓋，地下鐵路成為左最好嘅交通，一般沙迪薩星人都係乘搭沙鐵往來各地。
依架地鐵真係好地鐵，就咁望出去就可以見到礦石，沙岩，真係好有地下鐵嘅感覺。坐係一舊石頭上嘅星華同阿洛講
「幾好啊，只要正常行到就得啦」
話口未完，前方一聲巨響，貌似地鐵撞上左一啲好堅固嘅岩石。
「架車停左啊，點算啊。星華急忙拍拍隔離嘅阿洛」
「咁我地就咁走啦。」
「你望住上面嘅假天花，我一陣會跳上去，你跟住我。」
星華嚇得目瞪口呆」
「會死架bo，上面有岩石架」
「跳啦。跟住，阿洛就一下跳左上去，就咁穿過左架車嘅天花。」
星華雖然緊張，但只好跟住佢跳上去。估唔到星華一跳就穿過左架車，到左岩石層。
「你上黎啦，我地宜家沿著依條路，就咁行上地面」
「沿著堆岩層行？你認真架」
「當然。」
阿洛跳左去一舊好大嘅石度，招手叫星華跳埋過去。星華望到阿洛上面仲有一舊更大嘅岩石，決定一下跳過去戈舊石度。估唔到，星華一跳，遠遠比佢想像中遠
「細路，小心啲啦，嘗試控制下你嘅能力。」
阿洛依靠幾舊小石頭，慢慢逐步跳上星華戈個大石。
「你終於上到嚟啦，咁樣睇啲岩層真係好得意。有啲好似地球嘅花崗岩，有啲似沉積岩。我都係第一次睇到咁嘅嘢。」
「我地仲有好遠嘅路，繼續行啦。」
星華同阿洛不斷係岩層間穿梭，不斷拾石而上，但始終見唔到一絲嘅光明。
「我地究竟要幾耐先可以上到去」
「就快啦，我記得上面應該係下水道，只要沿著下水道爬，理論上就應該會到大都會。」
果然，再爬多5分鐘，佢地就到左城市下水道，望住咁大規模嘅下水道，星華不禁驚嘆起來
「哇，好多水管吖」
依個城市所有嘅水都應該係靠依啲水管抽地下水上黎供應。
兩人沿著水管一直爬，終於搵到一個類似類似坑渠蓋嘅出口。阿洛扭開把手，伸頭仰望，發現佢地黎到行車道隔離個坑渠蓋。阿洛跳左出黎，望一望四圍，伸手示意星華一齊上黎。
我地宜家去食個晚飯先啦，一陣再去調查依度嘅環境。
食完道地嘅晚飯，星華同阿洛繼續啟程。
「點解依度嘅野食咁怪嘅，啲野食好似石頭咁嘅。
「你見識得少姐，依間野係依度好出名架。
「可能啦，我都係比較習慣地球嘅野食。」
「我地跟住去邊呢？」
「賭場」
「我地唔係去調查咩，點解要去賭場呢？」
「賭場咪就係我地嘅調查地點囉。」
對於阿洛嘅調查，星華總係毫無頭緒。
依度嘅賭場外在少左份燈紅酒綠嘅感覺，反而有種樸素嘅感覺，可能因為都係一啲岩石類嘅建築，睇落好似無賭場嘅格局。
當星華一入到賭場，佢就大嚇一驚，樸素嘅外表同佢內在形成左巨大反差。
用各種寶石雕砌嘅裝飾，紅綠相間，裸露嘅女士不斷挑逗男士們繼續下注。星華一見到依個地方，就恨不得即刻離開。
「轉頭之間，阿洛再次消失左。」
「阿洛，阿洛，你去左邊吖」
但今次，星華得唔到任何答覆。星華只好係依個人山人海嘅賭場入面搜索阿洛。星華不知不覺走道一張大賭檯前面，前面個荷官一手攔住星華。
「賭返鋪先走啦，依位先生。」
「我無賭注。」
「無賭注，咁依位先生請你離開賭場，唔該。」
霎那間，幾個大漢就出黎圍住星華，星華即時伸手落褲袋，試圖搵幾個賭注出黎，居然又佢搵到幾個出黎。
「我都係賭啦，唔好意思。」
「買定離手，買定離手啦。」
事實上，星華連佢賭緊咩都唔知，然後就細細聲問佢隔離戈位
「依個點玩架。依個咪量子球囉，你估返係邊出現就得架啦。
「原來係咁。」
「快啲買啦，今鋪下注嘅時間就快完架啦。」
星華隨手將所有籌碼買左落一號位到，一個完全無人投注嘅位
「哇，你使唔使咁搏吖。」
「買定離手，買定離手啦。
「好，我地而家開。」
個波居然落左係星華買嘅一號，爆左個大冷門。
「恭喜曬依位先生買中。」
全場即時起哄，而星華隔離戈位即刻同星華咬耳隻
「買邊度好，你咁犀利，比啲貼士黎。」
「隨心嘅姐。」
跟住黎嘅咁多鋪，星華每一鋪都估中左，贏左好大堆嘅賭注走。
賭場個荷官見星華連贏咁多鋪，即刻叫左人黎。
「依位先生好似都贏左好多，唔介意跟我地黎依邊玩啲高級啲野嗎？
兩位彪形大漢夾住邀請星華。」
星華只好就範，跟左佢地去一間大房入面賭。
「我地最憎就係啲出千架人，唔知你係好彩定係點呢？依位先生。
一個貌似老闆嘅人講。」
「我邊度有出千，我第一次賭咋。」
- 幾好吖。掩飾得幾好啊。」
「我真係無。」
「咁你介唔介意賭多鋪。」
「好，賭咪賭。」
「但賭注唔係依啲。」
「賭注係你條命同埋依幾個星際遊客。」
「關佢地咩事？」
佢地本來就唔應該黎，你應該知道我地星球暫時唔比宇宙聯邦嘅人黎架嘛，佢地居然違反禁令，扮成我地嘅樣。宜家比我捉到，係咪都死架啦，不過你真係「有趣，賭術咁出眾，咁就要睇下你救唔救到佢地啦。
「好」
「我地玩嘅係賭大細。」
「依度有幾粒宇宙粒子，你一打開佢地，佢地就會投影出一個數字，數字加埋最大，戈個就贏。」
「好」
星華一直望著依個盒子，心裏祈求一定要出到最大嘅數字。