[科幻][長篇]星際星塵: 3.星海奇遇
星華逐漸甦醒，張開眼望到頭上白色嘅牆。
你真係好彩，係咩保護裝置下，居然係宇宙之中漂浮左接近一分鐘都無死。一把好似地球人男聲係星華旁邊咁講。
星華張開眼望向聲源，發現係一個地球嘅男人。
「我而家係邊度，你可唔可以帶我返地球？」
「你而家係我架飛船入面，返地球嘅事，等你好返先啦，你知唔知你因為缺氧同輻射，你全身器官都幾乎報廢。不過好彩遇到我，已經幫你換過曬啦。」
星華聽到依句之後，心頭一震
「咁我仲係唔係人類」
「你覺得係咪係」
星華即刻瞄一瞄自己嘅身體，發現同以前無咩分別，就體力不支暈左。
星華暈迷左整整一個星期，再次醒來，見到嘅同樣係白色嘅牆
「你醒返啦？叫左你休息架啦」
「你究竟係咩人，你係。。」係依個時候，戈個男人打斷佢嘅說話
「你講嘅地球係咪即係E435438-B8-S492801」
「咩黎」
「比宇宙高等智慧星系聯邦岩岩毀滅嘅戈個星球」
「係」
「咁你仲想返地球，你依啲星際難民應該有咩保育區安置架嘛」
「我本來搭緊太空船去保育區，但唔知點解會變左係太空入面。」
「我都無聽過依啲咁嘅事，不如我而家送你去保育區啦」
「其實我唔想去，可唔可以送我去其他地方」
「Err.但你可以去到邊先，你無身份架bo」
「你都係地球人啦，但你都可以周圍去」
「我幾時話過我係地球人，我根本就唔係地球人」
「但你地球人咁嘅樣」
「咁係費事嚇親你姐」
「咁你到底係咩人啊」
「我吖，其實我係一個四周圍旅遊嘅遊俠，穿梭宇宙嘅旅者。」
「我可唔可以跟住你遊走依個宇宙，我都想探索依個宇宙，我一直都好想咁做架啦。」
「你咁細個，同埋其實我做嘅野好危險架」
「你唔係旅遊姐咩」
「其實我真正嘅身份係星際使，遊歷宇宙只係表面我做緊嘅野，其實我真正做緊嘅野係監察依個宇宙嘅秩序。」
「星際使，我可唔可以做架」
戈個男人隨手一揮，一張立體投影嘅海報就出現左係星華眼前
「我地有全宇宙招生，不過以地球人嘅智能，都係無可能架啦，我地嘅要求好高架。佢一邊指住需要通過嚴格測試戈欄一邊講。」
跟住佢繼續講解有幾難成為星際使
「星際使需要最少第四級嘅智能，地球人呢，就只係僅僅第一級，連宇宙聯邦都進入唔到。我呢，就第五級嘅，姐係最高級。除左智能有好高要求，體能都好高要求架，要克服到極嚴苛嘅環境，例如高達200度嘅沙漠，零下負200度極地等等啦；又要有優秀嘅格鬥能力，地球人根本無可能做到架。」
「我都唔完全係地球人啦」
「可能啦」
「話說我都仲未知你叫咩名，你叫咩名吖」
「洛，你可以叫我洛」
「阿洛，我可唔可以參觀下依架太空船，同送我去保育區戈隻好唔同」
「隨便，不過好快我地就到終點。」
星華離開張床，然後走到窗邊，窺探下依個宇宙之大，出面係一個類似太陽系嘅恆星系統，主要恆星比太陽更加大，至少有兩個太陽咁大，但顏色比太陽紅得多；一共九個行星圍繞住依粒恆星旋轉，第四個行星同地球好相似，但係海洋嘅面積好似比地球仲要大，所以幾乎全個星球睇落都係海藍色。
星華掉轉頭問阿洛，用手指一指藍色戈個星球
「依個就係我地要去戈度？」
「仲有一陣先見到我地要去戈度，你參觀住先啦」
星華離開左自己一直身處嘅戈間房，發現出面係一條好長嘅走廊，而整架太空船原來有好多間房。星華走入對面間房，發現原來係一間書房，入面擺左好多唔同文字嘅書，但無一本係。星華隨手拎左本睇左兩眼，擺低然後又拎起左本，書名叫做宇宙簡史。星華隨便翻開一頁，入面寫住：
宇宙高等智慧星系聯邦，簡稱宇宙聯邦，由接近二百萬個智慧物種組成。當某物種被鑒定位第三級智能，將會有權加入聯邦….
星華對依本書非常著迷，連企係後面嘅阿洛都無注意到。」
「我帶你睇到好野啦，依本書有咩好睇啊」
「依度就係監察室，依個室連接左全個宇宙不同嘅時空，不同嘅領域，可以隨時監察到成個宇宙發現左咩事。」
「依個咩原理黎架，乜有野可以快過光速傳送嘅咩」
「直接連結兩個時空就得啦」
阿洛又揮一揮手變左地球嘅畫面出黎
「點解會有我嘅？依啲唔係已經過左去嘅咩，點解好似而家發生緊嘅？
「時空就好似一舊方包咁，你中意睇幾時，就向邊度切，就係咁簡單，邊有過去，現在，未來之分。」
圖解宇宙之謎，原來你中意睇依啲書架，以地球現時嘅科學，有排都未解決到宇宙之謎啦。就算好似我地個種族咁，都未明曬所以野啦。
「帶你睇多個地方，你訓戈度係休息室，岩岩係監察室，我地去緊嘅就係裝置室，入面好多神奇嘅野架。」
「咁有無控制室架」
阿洛突然變左五個腦出黎，指住其中一個，然後話
「依個咪控制室囉」
行過一條好長嘅走廊，終於到達戈間房，一如阿洛所講，依間房真係有好多神奇嘅設備。
入到間房，第一眼見到一個好大嘅樽，入面裝住一啲藍色嘅液體。
「依個係咪培養皿之類嘅野，我係電影見過類似嘅野」
「緊係唔係啦，依個係裝飾黎架，啲液體會變色架」
「真正要比你睇嘅係依個，阿洛靠住條柱，手指一條大氣喉。」
「依個呢，係用黎製造太空船嘅燃料嘅，條管會吸取真空中嘅一對反粒子同粒子，利用佢地嘅互相煙滅所釋出嘅能量，去提供飛船嘅動力。」
星華望著依條管，擺出半懂不懂嘅模樣。」
「依個都好犀利架，依個唔係一般嘅吸盤，依個可以製造一個微型黑洞架。
仲有依個，依個係星際鐘，佢係可以計算出依個宇宙將會有咩災難，再估計宇宙仲有幾耐壽命。」
「你睇而家仲有超過120億年」
我地準備降落啦，返去休息室坐下先啦，下次再介紹其他野。