是咁的，我嘅職業係動物傳心師: 133.真奇怪

「節哀。」

「你都係呀。」

「我還好，再過不久我也不在了。」

或者有啲嘢對住陌生人反而更容易講出口，只係閒聊咗幾句，我就已經可以將自己就死依件事講佢知。

反正我同佢嘅人生又唔會有深入交集，所以我可以好放心咁想講咩都得。





「你想自殺？寫咗遺書未呀，我可以幫你喎。」

睇到我笑咗一笑，乜有人自殺會搵人寫遺書㗎咩？ 「你小說看太多了吧？我不是要自殺，只是命不久矣。」

「點解會咁㗎？」

「腦腫瘤。」「無得救？」

「對呀，大概還有一兩個月命吧？」





根據巴膠嘅講法，如果我再用能力，係隨時會無命。就好似運毒咁，每一次都有被拉嘅風險，如果有一次被警察檢查就玩完。

「通常無得救嘅人反而唔會自殺。」

「也許吧？生命快到盡頭才覺得還有很多事要做。」

「咁我盡快幫你查嗰間café啦，你放心去做其他想做嘅事。」

「謝謝。真奇怪，對你說這麼多。明明只是剛wtsapp了一會。」





「我有特別嘅傾偈技巧，可以令人講好多自己嘅事。」

「是甚麼？」

「商業秘密～」

「真神祕。要是café那邊有甚麼進展，你再通知我吧。」

「無問題無問題！」

撳鐘，巴士到站，落車。