是咁的，我嘅職業係動物傳心師: 81.報道

報道原文係咁寫：「面對這些，對部分自閉兒童來說是非常困難的事，如：出門、乘坐地鐵、喝水、進食、如廁、睡覺、綁鞋帶、說話、寫字等，他們有些會表現得發怒、叫喊、奔走、哭泣、甚至咬人。我們往往誤以為他們不聽話，完全忽略了他們只想表達內心的焦慮和驚慌的情感。最好的方法是，了解和跟隨他們的步伐和性格，從他們的角度看世界⋯⋯在我滔滔不絕的時候，我突然想起了陳先生。」陳先生就係佢隻貓。

第二朝，陳先生準時七點又叫，主人輕輕摸下佢，細聲同佢講嘢，問佢想做咩，跟住貓貓跑咗去自己嘅食物盤前。

原來，佢只係希望主人陪佢一齊食早餐。自此，依隻貓就無再喺主人床上屙尿，而日叫夜叫嘅情況都慢慢消失。

就算無超能力，仍然可以互相了解，但幾多人，根本捱唔過未能了解嗰兩年？主人同寵物尚且係咁，何況係陌生人同流浪動物？我又憑咩要求陳生去了解一隻非親非故嘅流浪動物？