是咁的，我嘅職業係動物傳心師: 55.午餐肉

佢唔講我都唔知，原來我足足昏迷咗一日，咁就無咗個星期六。

綠燈同Dada都有嚟探我，不過我無醒唔知道；至於老豆，似乎認定我無大礙，所以直接唔嚟睇我。

返到屋企，喺門口已經聞到熟悉嘅香味。一開門，老豆就喺廚房伸個頭出嚟：「返嚟喇？煎緊午餐肉畀你送飯。」

出院就有自己鍾意嘅嘢食，其實都幾幸福。