校園單純的小美好(新手故): 我鍾意左人？

如無意外，我地個次踏單車就平平凡凡咁過左去，乜浪漫野都無發生，之後我地生日都無話點大慶祝，11月到左，我用未來初戀做借口唸住同超鈴寫交換日記，咁佢地都同意啦，之後開始寫嘅時候都無乜野嘅。
可能係我對超鈴好感愈嚟愈大？好似每次到我寫嘅時候唔係講緊自己就係講緊佢咁。
後來未來初戀就唔開心，down左一排，我以為佢測驗成績唔理想，之後發現一個禮拜之後佢都仲係咁，咁作為一個貼心嘅暖男我就緊係要關心下佢㗎啦。
我夜晚就sc左佢問佢做乜啦，佢就話佢覺得我對超鈴太偏心，偏到有d忽略左佢，之後仲打左一大段野同我講佢到底因爲呢件有幾唔開心，講到我都有d唔好意思，其實我份人不嬲受軟唔受硬，對女仔嘅眼淚特別無抵抗力。咁我就應承左佢會care佢多d。
之後我就當然有履行承諾，我愈嚟愈care佢，到左一個我都覺得有d似朋友以上戀人未滿嘅程度。11月嘅時候我地學校就話遲d全級會有個去大陸嘅2日1夜trip,叫我地自己分組，10個人一組兩個人一間房。
咁我就唸住小息就去同我兩個好兄弟傾啦，點知我未來初戀快過我，轉堂就嚟問我可唔可以同佢一間房，仲話佢地組已經有7個人，叫埋我地3個join。咁我又真係無乜理由拒絕姐。
好快就到聖誕前一個星期，咁我就喺IG到po問邊個想要聖誕卡，講完10分鐘就後悔啦，一睇電話已經20個人話要，我就拿拿㝝話名額滿，之後就死死地氣咁去寫啦。
求其寫完16張唔熟嘅，就寫左4篇千字文比我兩個老死，未來初戀同超鈴啦。唔經唔覺，寫完就已經凌晨4點幾5點。
唉屌，我次次咁遲瞓都無好結果，一係就醒唔到一係就開始病。當然我都無令自己失望，病左，第二日反學，未來初戀一嚟就發現我帶左口罩😷，一直好擔心我。咁啱，我今日就同佢食飯，又咁啱我地去左麥當勞，之後我買左個麥樂雞餐，拎反學校一齊食。
一坐低我就無啦啦開始咳，唔咳都仲好，一咳就死得，我咳完唸住開始食野，點知我未來初戀呢樣又唔比食嗰日又唔比食，佢話我病喎。比著其他人我就理都懶得理佢，但唔知點解呢刻我反而一d反感都無仲有d warm。仲感覺到有d奇怪嘅感覺，唔通呢d就係所謂嘅心動💓？