校園單純的小美好(新手故): 好感

就係咁，喺呢幾個禮拜入面，我地三個都同其他人熟悉左唔少，中文都好左，慢慢我都開始覺得香港d女唔錯，我仲對其中一個人産生左好感添🙈，話咁快就10月啦，我同June唧生日都就到，正當我地唸緊點慶祝14歲生日嘅時候，我對佢有好感個個人嚟約我地去踏單車，咁我就緊係死都死過去架啦，嗱講明先，我一直只係對佢有好感，覺得佢好好人，絕對無乜非份之想架。而且仲有其他人一齊去添！
兩個禮拜之後，正正就係我生日前一個weekend ，我地約左喺學校門口等，之前都講過啦，我之所以會嚟香港做交換生都係因為我地老豆洗左d錢，咁佢地就自然幫我地請埋司機，工人比我地架啦。所以我地就好有台型咁一人一個司機，一人一架車🏎咁去接佢地架啦。
講反正題先，今次徐左我地3個，我有好感個個，仲有我未來嘅初戀同埋一個幾爽嘅女仔。
咁我就理所當然咁車我有好感個個架啦，順帶一題，佢姓楊超鈴，以下就簡稱叫超鈴了，咁我就第一個到，車走左超鈴之後同佢去左海濱長廊行，無計啦，佢鍾意呀嘛，行下坐下大概半個鐘之後我地先到集合地點，被mars 同june兩個話我有異性無人性🤦🏻‍♂️。之後我地就唸住開始踏單車。仆街啦，淨係掛住我部愛駒，無唸過佢地3個都無車架添，咁無計啦，周圍又無車租，我地3個咪唯有抽籤一人載一個囉。咁好彩我又抽到超鈴喎，之後我地3個就慢慢由沙田踏去大埔。
我地3個嚟左香港無耐嘅人又點會識路呀，咪唯有用手機導航囉，到左最後10分鐘路程，june嚟個神助攻，提議我地鬥快，咁我就緊係無異議㗎啦。
話明係鬥快呀嘛，我就緊係加速架啦，我唸超鈴都驚會跌所以索性攬住我條腰，我緊係唔介意架啦，哇好彩我平時有做開健身，身型都算ok姐，如果有肚腩嘅話我就真係情何以堪。
雖然我加左速，但都係以幾秒差輸左比mars，無計啦，佢挽開架嘛，講到呢到，唔差在順便提下我地之前喺英國嘅生活啦。我地3個都叫做家境唔錯，讀私立傳統名校，讀書唔差，運動唔錯，但係就唔係個d所謂嘅全能型運動員囉，我個人就偏愛足球⚽️籃球🏀游水🏊🏻‍♂️同滑浪🏄🏻‍♂️，其他球類運動，乜羽毛球🏸️，手球🤾‍♂️個d都算識，但我就係唔挽排球🏐️，自從細細個比排球打到流血之後就好抗拒排球，June就主要挽田徑囉，短跑長跑跳高跳遠擲項無一樣難到佢。至於Mars，佢只可以話勁囉，幾乎全部運動都識但唔知點解得單車🚴🏻同足球籃球特別好囉。
至於樂器方面，可能一般父母都望子成才啦，我綱琴，吉他，小提琴🎻同鼓都學到演奏級，june同我都差唔多，但係mars唔知點解淨係學中樂囉😂。