校園單純的小美好(新手故): 聖誕前夕

自從我嗰日病左之後我就請左兩日假喺屋企休息，話就話係休養生息，其實係因為我未來初戀佢就快生日我唸住比個驚喜佢，有一次上堂無聊同佢吹水嘅時候佢講過中意皮嘅銀包，哇估唔到我都有對一件事上心嘅時候，我去apm間log on到買左個材料包，唔整都好d，將支針dok 嚟 dok去搞到我眼都花埋，用左兩日時間，終於我整好左，同時我10隻手指有7隻壯烈犧牲，於是第二日我就痴左7塊膠布咁反學。

估唔到未來初戀一見到我無好似平時咁搣我，反而攬住我同我講話佢好擔心我，我生得唔矮，應該已經有176，仲持續生長中。未來初戀得156，佢一攬落嚟，我個嘴就錫左落佢額頭到啦，不過佢就好似察覺唔到，咁我咪當無野發生囉。[你聽日就14啦喎，大一歲有乜想要呀]我問佢，[想出pool呀]佢望住我講，唔知係咪我錯覺，佢好似有d面紅tim。

話咁快就到左佢生日，今朝太陽都未出嚟我就叫我司機車左我去一個地方，唔經唔覺我就喺張椅到瞓左，[喂，點解你喺到嘅]，嚇到我即係起身話我無瞓呀，佢笑左出嚟，仲有兩粒酒窩tim。突然發現呢個笑容可能就係我一直追尋嘅野，[有人今日生日呀嘛，我咪送禮物嚟比佢囉]。[你唔係想講你就係我嘅禮物d咁老套嘅野呀嘛😂]，今次絕對唔係錯覺，佢面紅[真係可愛]死啦我唔小心連唔應該講嗰句都講埋出嚟[你講乜話]好彩我細聲講佢聽唔到姐[你唸左去邊呀，邊有人要送自己比你咁蠢，遇到嘅話同我講聲我要可憐下佢]我即刻扯開話題[哼]佢嘟起個嘴扮嬲個樣令我更加想挽佢。

行啦，我借d意拖起佢隻手攞左個銀包出嚟送比佢，我指住扮相嗰隔話[呢隔要留反嚟扮我同你Christmas party嘅相㗎]，[嗯]出乎我意料，佢竟然無唸住要反駁我。[行啦]，佢又真係乖乖地跟住我行架喎，上左車之後我司機都好識做咁慢慢駕等我地多d時間相處，到左學校門口，我一打開門同佢一齊落車嗰陣，就聽到d人喺到哇，突然間全世界嘅目光好似都望住我地咁

原本我都以為佢生日一定會過得好特別，但徐左接佢反學之外都好似無乜特別，講真幾失望，[放學有無野做呀]，[你叫到點會有呀，做乜呀]，[如果有人同我睇出戲之後送我反屋企就好啦]，想我陪咪講囉，咁怕羞做乜姐😂，[嗯，咁我一間幫你問下有無]唔知點解一對住佢我就成個小學雞咁忍唔住想挽佢。咁當然我最後都同佢睇完戲之後送左佢反屋企，至於出戲講乜，我點記得姐，我淨係記得佢係咁叫我喂佢食爆谷，係咁攞我杯野用同一支管飲野。。。