校園單純的小美好(新手故): 入學

今日就係我地三丁友去讀女校嘅日子，講真其實我地三個家境唔錯，樣又唔係差，所以我都有d擔心會被拜金女睇中，所以朝早坐車嘅時候我就同佢地講話不如我地係一條街前面落車自己行過去，順便熟悉下環境！佢地同意左，所以我地喺個商場落車，好彩香港嘅學生著曬校服，等我地可以跟住行。入去間學校嘅時候，我只可以講，「哇，細到」，成間學校就係個四合院形，足球場無，泳池無，連籃球場都無，迎接我地嘅就淨係得投球場。
一行入去，有個冬菇頭嘅中年婦女行過嚟我地到，心唸，學生都算啦，呢個做得我地呀媽嘅人唔會鍾意左我地其中一個掛🤦🏻‍♂️，好彩，原來佢係校長，㭍左tim，都好嘅証明我地有幾重要，「hi！」佢一直用英文喺到介紹佢地學校。校長塭個英文最好嘅人嚟接我地實在太好啦，如果唔係可能我地一句都聽唔明！
好快佢地就開始早會，我地係喺9月尾先過嚟所以基本上乜開學典禮之類嘅都無，校長自己用中文一輪嘴講左一大堆野之後就示意叫我地上台，佢好細心咁用英文叫我地介紹下自己，一行上台，我聽到一堆歡呼聲，唔講仲以為我地係明星🌟，我地簡單咁介紹左自己之後就講下會入form幾之後就走左。落台嘅時候依稀聽到我地個form啲人喺到討論，話我地唔知會入邊班。此時此刻我淨係想三個月快d過之後就可以反英國間學校歎。
佢地早會完左之後我地就自己去班房門口等，順便喺4樓觀察下我地嘅新同學，無幾耐之後我地班主任就嚟左開門比我地，無幾耐同學都嚟埋，每個學生入嚟望到我地都尖叫一聲，唔講仲以為我地係鬼👻，之後我地就坐左係最尾個行到，無錯係三個一齊！可能個老師驚我地溝通唔到掛😂，我地前面坐左兩個人，其中一個矮矮地幾可愛，我好兄弟話想識佢喎。既然June開到聲，我都無理由唔幫架，於是我拍一拍個女仔肩膀，用我有限嘅中文話：「halo，佢想識你呀」估唔到就係呢一拍，佢做左我初戀，拍完之後佢望住我地笑左笑之後用中文介紹佢自己，我地相視一笑，叫佢講慢d，講左好耐之後我地先搞清楚原來佢姓，老？咁特別嘅😂好快咁就開始左班主任嘅中文堂，最後我地都係一粒字都聽唔明🤦🏻‍♂️，就係咁，我地喺新學校嘅第一日就平安咁渡過左啦