一教瞓醒變妹妹<<少少甜，卜卜脆>>: 第七十章 亡靈之謎
第七十章 亡靈之謎
“依，，依d係咩聲啊？！”惠害怕向我身後躲，聲音似係從四周發出來，所以佢躲到我身後又覺得好似離聲音更近！
“祖先現在已經down 機，我地只可以靠自己諗辦法！我唔知道係乜嘢聲！”我向惠說
祖先down 機最大的危險唔係佢唔能夠保護我地，而係佢無法比我地關鍵的建議同解決困境的方法，好似失去一個軍師一樣！依個問題對於我地依種對道術和玄學世界幾乎一無所知的人黎講先係最棘手！
“你係邊個？！出黎啦！”我向著天空大叫，依度四周根本冇人，甚至連動物都冇一隻，我無奈地只能朝天空大叫！
叫完我其實心裡覺得自己幾好笑，連一個可以講野既目標都冇，自己係度9嗌！就算有人，佢能聽得明中文嗎？
我轉身就想拉住惠繼續向森森裡面走，岩岩想走出一步，一陣猶如溪水般動聽但沉穩的聲音立刻出現在我耳畔，我一聽就聽得出係岩岩果種似係有人講野既聲音！不過今次係確確實實有人係度！而且無疑係同我地講緊野！
“居然有人能聽得明我地講野，真係少見！”溪水般既聲音，聲音環繞在我地四周，但依然無法判斷係由邊度發出黎！
“啊！”惠嚇到大叫一聲，捉住我手拉的更緊！
屌，係喎！我諗返起，東山老妖比我既法術仲可以用啊！所以我地可以聽懂任何人的語言，也能夠令佢地聽得明我地說話！
“你真係唔簡單，你係點會識我地既語言？”果種聲音又響起來今次更近！也更加真實！絕對冇可能係我和惠聽錯！！
“你偷偷摸摸咁太冇誠意！大家開門見山講野啦！！你現身，我就話你知！”我再一次向著天空大喊。講真，我好討厭人暗我明的情況，不僅只是危險與安全的問題，更主要係令人有一種壓迫的緊張感，加上袓先唔係度，我又冇得變身，不安感更加強烈！
“恩，好！我地現身。”聲音頓一會，慢慢地說
佢地依一下現身，我同惠都嚇呆左！因為所有的樹居然突然都張開一個嘴同兩隻眼睛！然後仲轉身面對著我們！幾乎全部樹都係咁，簡直好似動物一樣，唔只有五官，身體仲可以移動！
“怪！怪物呀！！！”惠岩大喊出依兩個字就被我按住嘴，雖然我唔知道依班“樹”聽唔聽得明日語，萬一人地識聽，咁係極冇禮貌！我地而家冇把握去挑機，如果依班“樹哥”都係脾氣暴躁既話，我地就大獲喇！
不過，我估依班“樹”個個都神色和藹，眼神也清澈和善良，冇凶狠既意思，令我心情鬆一口氣。
“好啦好啦，我地都已經現身，你快d講吧！你係點會識我地既語言？”一種一個語速好急既樹人向我地問，見佢個樣，平時應該係一個好多野講既樹！
“好吧，我係某人施以法術先能聽得明你地講既說話！”我誠實地答
“哦！可以話我地知係邊一位高人向你施法術？”樹人中一個比較沉穩的聲音響起
“東山老，，，呃，，，東山墓主，你認識嗎？”我向那個樹人問
“東山墓主！呃，咁你，，”那個樹人竟然向身後退左幾步！好似畏懼依個人名一樣。
“哦？睇黎你地係識佢喎？”見到佢地反應竟然咁大，引起我既興趣，
“點止識得！簡直就係老朋友！”那個沉穩的樹人繼續講，睇個樣，佢應該樹人裡一個大佬首領。
一聽佢既回答，我立刻就估到少少點解我地跌入依個亡靈幻境，兩個應該同東山老妖有著莫大的關係！話唔定就係佢將我地弄入黎！
“我告訴你，依個亡靈幻境就係東山墓主建造！裡面所有亡靈都係佢送入黎！”為首的樹人望著我眼睛說，語氣裡有種不容置疑的感覺！
“唔通你地全部都係亡靈？”我驚訝！依群樹人唔會就亡靈吧？ ！完全冇d好陰森恐怖既感覺，亦唔係我地平時睇戲果d骷骨類型既亡靈！
“做咩呀？唔似咩？我可以話你知，亡靈如果係依度時間太長，都得成為依個世界一種實體才可以生存！不然根本保存唔住！依度一切事物，甚至係一塊石頭，都可能係有生命！”樹人們好像已經估到我剛剛唔禮貌既諗法，齊齊轉臉望向我。
聽佢咁一講，我同以惠嚇到即刻抬腳，睇下有冇石頭被我地踩住係腳底！
“哈哈哈，你地唔洗太認真啦！佢講既係其中一種情況，大多數亡靈都係化身成有生命 實體，想成為石頭或冇生命物件既亡靈幾乎都係傳說吧！嘿嘿，你地既反應好好笑！ ”另一個樹人忍唔住笑
呼，聽到依個“良心實話樹”的解釋後，我心裡感覺坦然得多喇，同時對“亡靈”有新的認識，原來係同我地想像既有好大差別！被困係依度應該好慘吧
“放心，我一定會救你地出去！”我挺一挺胸膛，做出一副神采奕奕既樣，並且自以為我肯定就係佢地既救世主！
“咩話？邊個叫你救我地？”岩岩果個樹人奇怪地望我一眼，唔只係佢，我發現周圍幾乎所有的樹人都係依個表情！
佢地個表情，令我更加不解問：
“唔通你地唔係被東山墓主封印係依度？”
“係！我地係被東山墓主封印係依度，但係我地都很感激東山墓主，如果唔係佢救左我地依d被放逐既靈魂，我地恐怕早就魂飛魄散！真係多得東山墓主製造亡靈幻境才讓我地可以係度安息，等待再次轉生既機會，雖然機率渺茫，點都算係個機會。”樹人望著我講
屌！依番說話無疑係直接潑我一盆冷水！完全同祖先講既唔同！按祖先講法我地黎到依度肯定係為左解救某個被囚禁的靈魂，但係現在點解變成依個局面？！咁我地黎係做乜？唔通係代表人間親切慰問一下亡靈？反正現正可以確認既有一件事，就係肯定有一方係度講大話！祖先既說話，一定冇可能係大話，但依班樹人亦唔似啊！唔通係連祖先都唔知道亡靈幻境既秘密？
“咁，咁，，好似我地依種活人點解會入黎依個亡靈幻境？！”我望住為首樹人，盡量鎮定地問
“哈？你地連入黎要做乜都唔知道就入黎？！哈哈哈，你地好好笑！”剎那間，所有的樹人居然同時大笑！好似聽到一個大笑話般望住我。
“到底點解？！”我著急又問多一次
“好啦，好啦，等我話你知，你黎依度既原因只有一個！就係亡靈幻境裡有你既有緣人，你係唯一可以將佢帶出去既人！當然啦，依個有緣人亦係一個亡靈。”