一教瞓醒變妹妹<<少少甜，卜卜脆>>: 第七十一章 魚鈎
聽完依位樹人首領的話之後，我似乎明白一樣野。依個亡靈幻境有一位係我或者惠的“有緣人”，依個同我地素未謀面但緣連千里既人，將我地從人間帶到亡靈幻境，想借助我地將佢再帶回到人間
如果係咁既話，祖先似乎冇講錯，只不過係對依個亡靈幻境的建造者有d驚訝。祖先既講法係亡靈被囚禁，而城依度的亡靈卻話自己係被拯救留低。其餘既事情貌似都差唔多，都能連接到成個故事。
“咁我地要點做先可以搵到依個'有緣人'？”我又問
“你問我，我點知道？但係有一點我可以話你知既”樹人向我地回答
“係d咩？”我抬一下頭，望向樹人的臉，因為佢地比我地要高好多，臉基本都長在距離地面兩米多高既地方。
“你地心裡自然會引導你地，畢竟你地係'有緣人'。”
依句話講左等於冇講冇乜分別！但依個方法未免太勉強喇，全憑著感覺走啊！
“好吧，總之多謝你地。”我無奈地笑一下，轉身就想拉住惠繼續走，身後既樹人突然講野
“等等，黎既人我見多，你點解就咁著條低褲？！你地連鞋子都冇？你地係咪好窮架？！”
我一聽無奈地笑，咁我可以點解釋？！唔通要同佢地講依條底褲得來不易，本來係裸體？！
“你,,你唔係同佢地講咁多！”惠突然扭一扭我隻手，我回頭望過，惠正微微低著頭，臉上還泛著緋紅，一睇就知道係怕醜。
惠依句話一離開佢個嘴唇，其他樹人立刻都一副恍然大悟的表情，仲同時發出“奧,,奧，”聲音！
“唔係！唔係丫！唔係你地諗既咁樣！”我一見佢地既反應，立刻就知道佢地肯定係誤會喇！本來依種事就越描越黑，結果惠依一句話正好令人地更加“確認”我地做過d愛做既事！
“得喇！得喇！你唔洗再講，我地明白架喇！有冇被人打擾到？”為首既樹人一邊嘿嘿地笑，一邊望住我問。
屌！！！我無言以對！我有做過都話姐，乜都冇做過就被人咁講！
“睇佢樣一定被人打斷啦，見你地咁慘，我估你地要繼續搵「有緣人」要搵一段時間，我地就送你兩對鞋比你地啦！”另一個樹人笑著對我說
“鞋？！太好喇！多謝你呀！”我聽到佢送鞋比我地，真係好開心，畢竟我地冇好似非洲人咁，訓練腳掌根本無法適應長距離長時間的赤腳旅行。我地行左三個鐘，我隻腳已經好似斷左咁，腳皮磨到好似生雞眼咁厚，加上沿途上好多碎石，根本上似係石春路上行左三個鐘冇乜分別
講完之後樹人就垂下佢頭上的細絲，一根根柳樹枝一樣粗細的植物，並且細絲竟然自己自動編成兩雙草鞋！遞到我地面前。
我簡直呆左，等鞋送到眼前我才一下子清醒過黎，忙收過兩份大禮！
一穿上，非常岩身，依位樹哥可能生前係鞋匠！
“惠，你著上感覺好d嗎？”我回頭看著惠
“恩，好合適啊，亦好舒服呢！謝謝你哦！”惠一臉驚訝，顯然與我一樣，冇諗到草鞋竟然會如此舒適。
謝過樹人兄弟以後，我同惠繼續向前，一路上不斷地同佢地道別，因為依個森林真係很大，從我地決定離開到現在，過了不下一兩個消失了，但是還沒有走出這片森林，所以我仲係度不斷地同樹人兄弟道別,d樹人都很熱心為我地指路，我地基本上冇行錯路，依條應該係最近既路，但係我地已經行到好攰
到最後我地終於走出森林的時候，我都已經口乾舌燥，最主要係不斷地同樹人“bye bye”導致
出左依片森林，眼前就係一片神奇既景色，一大片清澈湖水，但依個湖並唔深，僅只一米左右，水底全係鵝卵石一樣既圓滑石頭，湖面亦非常平靜，水面上有一d石頭做小路，天空非常晴朗，藍天白雲。
眼前的景色非常美麗，完全唔係想像中既窮山惡水，圍繞著一望無際的大湖四周，幾乎全部都係森林！可以話如果唔係班樹人兄弟，我同惠十日半個月都行唔到出黎！
“好靚呀！”惠忍唔住讚歎...
“我地都係小心為妙，雖然依度好靚，但始終係亡靈幻境，我地唔熟悉依度既地帶，話唔定有咩陷阱就大件事喇！”我都係覺得保守隱陣d好。
“我地而家去邊？”惠問道
其實的都唔知道，之前係森林裡面就諗住走出森林，而家出左黎反而唔知下一步要點行 “講真話，我自己都唔知點行！”我自己都感到前路迷茫
“頭先果個樹人唔係話我地自己會知道路點行嗎？”惠繼續講
惠依句話提醒左我，頭先個樹人話“有緣人”會引領我地，但佢指既有緣人係我同惠邊一個就唔知道，可能我地其中只係陰差陽錯入左黎。我做依個人應該係惠，因為惠之前係聽到有怪聲，所以搵我“陪瞓”
“惠，你覺得我地應該行邊個方向？”
惠諗左一諗，猶豫一下，慢慢地說“我覺得我地沿住湖邊一直向上行吧！可能上面唔係一片森林呢。”
果然，惠先係選中既人，我完全冇諗過向上行，話唔定惠被「有緣人」指引住
“好，我地根據你既感覺行啦！”明顯地剛才既迷茫一掃而空，感覺有一條生機線索
行行下，突然感到有耳仔好痛，好似被針拮一樣，我伸手去摸一摸，輕輕地拔下來一睇，竟然係一個魚鈎！？
依個魚鈎似乎鈎住左我一d野，我同惠仔細一睇，立刻感到背脊發涼，冷汗直流！魚鈎鈎住左一層好似薄霧似的物體，而依樣野，一直黏係我身上，，，，