一教瞓醒變妹妹<<少少甜，卜卜脆>>: 第六十九章 獨當一面
我同惠瞪大眼睛等待著祖先的回答。
“恩，本來唔想用依個辦法，但而家冇辦法啊！”祖先面露難色，睇黎依個辦法係會有一定風險的。
“冇事既！祖先，事到如今亦只能試一試，您快d講吧，到底有咩辦法？！”我向祖先說，其實背上已經痛到我有d喘氣！
企係一邊既惠仲係冇講野，估計暫時佢暫時仲係唔敢相信面前會動會講野既飛機杯！
“孫仔，我而家只有少少法力再用一次化虛為實，你可以用化虛為實變出藥品，亦即係之後，你要單獨面對眼前既環境。”祖先望住我流血背部慢慢地說
“下！！祖先你要暫時瞓教，只有我同惠單獨面對以後既危險？！”我問
“恩，係呀，可以咁講啦，但如果唔咁做既話，你背部既傷可能會更加嚴重，甚至發炎死亡！而家既情況，睇黎我地冇選擇既餘地！”祖先認真地望住我
一時之間大家陷入沉默！現在既情況真係好嚴峻，本來無端端黎到依個乜鬼亡靈幻境就夠黑仔，現在身上仲有傷！我即刻諗起細個睇老夫子所講既“禍不單行”
“但係祖先，我地先講一講我地要點做先可以走出依度？起碼大家有個目標方向！”我望向祖先
“恩，係喇，我岩岩唔記得同你講，依個亡靈幻境裡既亡靈捉人入黎既目的就係想活人幫佢地解除封印。”
“乜野封印？佢地既然有能將我地捉入黎既神通，佢地自己唔搵方法解除？”我疑惑道
“你有所不知喇，亡靈幻境裡面既亡魂大多數係被人施以法術禁錮係度，而果d封印就相當於係佢既枷鎖，封鎖住佢地既自由，雖然有極少數可能偶然接觸到人間，但係依個情況係極少數極少數！”
“亦即係話我地係要幫佢地解除封印先能夠出去？咁，，”我都未講完，祖先就先回話
“理論上係可以，但有邊個知道係咪一定出得返去呢！不過亦有個好消息，就係在幻境裡時間係唔會變，儘管會有晝夜交替，但係你係唔會衰老，總有一日你可以搵到出去既方法，出返去又唔會變老，咁諗咪開心一d呢？但係你要記住一點，係依度你唔可能變身！”
“啊，，啊，，”開心乜鬼呀！我剛想再問多d野，但係一郁，背部就痛到我趴街！
“對唔住！對唔住！都係我唔好！”惠哭聲突然打斷短暫沉默，啊！做咩又喊？依個女仔係咪水做架？！
於是我勉強打起精神，走到惠面前，用手輕輕拍一拍正在流淚佢頭說：“唔緊要啦，我願意！”
結果惠聽到我的話之後立刻大哭，走上前摟住我的腰，把臉埋在我懷裡，帶著哭腔弱弱地：“你真好蠢呀，，我仲好惡咁對你！嗚....”
嘩，依招冧女好掂！恩，依個時候儘管我已經快痛到標眼淚都好，為左面子我必須要堅強同忍耐！現在我可是惠唯一依靠啊！如果我也顯得驚慌同怯，咁佢咪會更加驚同不安！
“祖先，，，”我低頭望住在我懷裡輕輕抽泣既惠，慢慢地說：“我諗好喇，您先醫好我背脊，放心啦！我會保護大家。”
祖先先一怔，然後望一望我，突然一副欣慰的表情笑，然後向我點一點頭，接著用手輕輕一點，我背脊居然就已經被包紮好！身上纏著很多繃帶，但一d都唔會妨礙我運動。並且背上疼痛感也減弱好多！
我立刻抱住差d要倒地既祖先飛機杯，祖先不僅包紮好我身上的傷，幫我變一d替換用既新繃帶同藥水，佢仲幫我變一個背囊！確實係設想周到。
現在祖先已經進入休眠，安穩躺在我手上。
好喇，現在真正考驗男人獨當一面既時刻到喇！！
我怕背包撞到我背脊，將背囊揹在胸前。笑住對身邊既惠說到：
“走吧！我地一齊去搵果d封印，然後就會平安無事咁返出去。冇事既！”
“恩！”惠點一下頭，企起身，眼神裡的恐懼已經消失哂！！我地討論左一陣點行，點搵補給品，之後就整裝出發
於是我地開始尋找路線，祖先之前講過森林裡好危險，但係我地現在處在一個巨大峽谷之中，就只有兩條路比我地揀，一條通向森林，另一條通向身後唔知道乜野既地方，但我的直覺話我知，應該係森林裡面機會多一d，畢竟食物同水源比較多，而唔似一身後全部都係石頭，如果行另一邊有可能我地在途中就餓死或渴死！
再者，祖先岩岩講話惠一個人入森林會危險，但現在有我陪住，兩個人有個照應，應該會好睇得多！
望一望眼前的森林，並唔係電影中果種熱帶雨林，反而仰一種好有順序，空間好大的松林。我所講既空間好大係指樹葉下既空間很大，都係一根根直直的樹幹，依種地方即使有危險，都能夠及時發現，唔似熱帶雨林裡危機處處，時刻提防。
我同惠就肩並肩走入森林，從岩岩既石崖，現在走上泥土之地，腳下感覺舒服左唔少，感覺軟軟的，似行上在床墊既感覺一樣！因為赤腳行既關係，我同惠隻腳都極度污糟！
為左避免迷路，我每行一小段路都要停下，用石頭在樹上刻下一個標記，即使我地行左回頭路亦能即使發現，唔會浪費體力！
講起有d奇怪，自從我入左依片森林裡，總係有種比人望住我既感覺，可係我多次環顧四周，並冇發現任何野，連頭頂我都望左好多次，都冇任何異樣！心諗可能係我岩岩入到黎，同我地世界相異的地方太多，令我變得有d多疑吧！
我也就趁住依個空檔的時間，我將我同我祖先既事全部話哂比惠知，化解我地之間既誤會，雖然佢一開始根本不相信，但佢自己親眼見到依個奇怪的異世同祖先飛機杯之後，也冇辦法唔相信。
“等一陣，你有冇聽到有聲呀？”惠突然拉住我的手，悄悄地問
咦？惠都聽到，唔通頭先唔係錯覺？ ！我再一次抬頭環顧四周和天空，依然乜都冇！冇得變身既我，只能自己我用心聽下聲音既來源，
等左2分鐘之後，一陣“哈哈，，哈哈”聲音清晰更清晰，雖然聲音很小，用心聽既話好容易就能聽得見！好似有人講野一樣！