一教瞓醒變妹妹<<少少甜，卜卜脆>>: 第六十一章 捉妖人眼中既世界
一聽捉妖人咁講，我又差d又噴咖啡喇！屌，我又點會愛果個死老鬼，仲要搞到我做埋偷渡客！ ！
“咳咳，，點會！你點解會咁諗？！？”我抹一抹嘴角既咖啡瞪大眼望住佢。
“但，，你唔係要同人地訂婚咩？我見佢準備好盛大既party！”捉妖人低頭冇哂心機咁
佢咁既樣好似被我欺負，楚楚可憐咁，女僕們想走過黎安慰佢咁制
“唔好亂講！”我立刻澄清
“咁你點解又會走去同人地訂婚？”捉妖人眼睛一眨一眨望住我，又要開啟小狗攻擊模式！
“你問我，我問邊個？！我都係奇奇怪怪走左入去！係喇，仲有一件事！你同靈風點解會係果度？！你地唔係應該返緊學架咩？！”我趕快岔開話題，廢事比佢知道更多內容同細節
“哦！依個講起就長篇喇！你要聽？！”
“廢話！唔聽我問你做乜喎？！”
“哦，咁好啦，我就從頭講一次我地既“偉大項目”比你聽啦！”捉妖人坐正身體
“上午上完堂之後，被人追問有冇鐘意既人，你冇答到就走左！你走左之後班長就過黎鬧我，唔知睇人「眉頭眼額」！你有鐘意既人有乜出奇，唔好打到沙盤問到篤！女仔係有矜持嘛！始終係初戀呀，會有d怕醜，好正常姐！”
聽到依度，我手裡既咖啡好似隊啤酒咁狂灌！大班長，我依個女仔既身體唔知得罪你d乜（男仔既我當然係抽哂水啦，嘿嘿)！連我係咪初戀你都知？！！
“哎呀，星月你慢慢飲啦，唔急，你有幾次差d嗆親！”捉妖人望住急急講，同時小依又在拍我背
“恩，咳咳，我今日都係唔飲咖啡喇！你繼續講”我咳嗽住講
“恩，好啦，你飲野要小心飲啊，，”捉妖人繼續再講
“後來班長走左之後，我同靈風一路上都係度討論依件事，你咪睇我地平時嘻嘻哈哈，其實到對於你，我地係你心目中既地位係點我地都唔清楚，越講我地就越覺得係自己既機率太渺茫，本來想等下午換個方法問下你，結果你下午居然請假！而且又係依個咁關鍵時刻請假！我同靈風立即認為係你去搵你鐘意既人！”
我立刻打斷捉妖人既講話，“停！你地依個係乜鬼大神邏輯？！我請假就一定去溝仔嗎？”
“如果平時我地都唔會係咁諗，關鍵係果個時候我同佢心裡都諗緊早上既事，自然就向依個方向諗啦！再講佢地大家都係咁諗，，，”捉妖人直接用佢龍氏獨有無辜小狗目光望住我！令我唔忍心發佢火，我目前正深深地懷疑依招係咪天龍家既獨門絕技！
“咁後來呢？”我無奈
“你下午冇黎上堂係靈風send wht apps 比我，後來我立刻就想逃學去搵你！結果同靈風既諗法一拍即合，我地就組隊喇！”
“你地唔識打電話架咩？？二十一世紀少年人！”我就快比佢地兩個激死，仲有，組乜鬼野隊，家陣去打機咩，要唔要結埋夥？！
“打左，但冇人接，，，”捉妖人抬起頭望一望我
仆街！！我立刻就伸手去袋裡搵，果然冇，電話漏左係屋企！
“頭先唔好意思啊，你繼續講，，”我臉紅地講，因為覺得唔好意思
“恩，冇事呀，後來我同靈風爬過學校幅牆就一路先去你屋企，結果天助我也，岩岩好見到你同小依出門，我地就一路跟住你，想睇下你到底去邊度，跟住你一齊行到大樓既時候，睇你入左去，我就同靈風先用佢老豆既關係進左去，結果點知道裡面人太多，入左去之後就搵唔到你喇，靈風就又用佢老豆既名，令任何人都唔准坐果部透明電梯！心諗等你坐電梯既時候我地就可以發現你！果然，一陣我地就見到你坐電梯上去，我地個就跑到電梯門口睇下電梯到底去左邊一層，但當你上左天台之後，靈風就開始嚇親喇！”
我都覺得奇怪架喇，點解冇人會攔住我，坐電梯既時候一個人都冇，原來都係被設計好！一個大大伏！大伏！
“後來點解靈風會嚇親？”我疑惑地望住捉妖人
“因為今日天台係比一個重要合作夥伴葉氏作為訂婚場所用！但係你卻直接就坐到最頂層，所以佢嚇親。後來我地黎到天台之後，就為左唔比你發現，我地就柄埋一邊，順便偷偷聽你同果d人談話，但聽到一舊雲咁，唔知你地講緊乜。”
“何止你地，我自己都唔明白發生緊乜事！”我笑住講
“後來睇到你被葉恬拖手既時候，我同靈風就想上去打人啊！但無奈，我地見你冇抵抗，以為佢就係你鐘意既人呢，所以等到佢話同你訂婚，我地先衝上台！”
哦！現在一切都明白哂！靈風同捉妖人果時候既出現，原來就係兩條友下晝逃學跟踪我開始！等我仲以為我眼花，確實我係冇睇錯
“之後既，我相信你都知道發生咩事喇，不過葉恬如果唔係你鐘意既人，咁你係果度做乜？”捉妖人疑惑地問
仆街喇！又返到依個話題！
“依個呢，我都唔知道，我就係接到收到份請柬先去，但請柬上乜都冇講！我就係連乜野party都唔知道！所以先咁周圍去問人刮料咋！”我盡量顯得義正言辭
“乜野請柬？比我睇下！”捉妖人臉上顯現出了一種認真，
佢咁認真既樣我都係第一次見！仆街，點解將請柬既事講漏嘴！如果捉妖人睇得份請柬，咁我之前講既大話就前功盡棄？ ！
“啊，唔係呀，張請柬係我屋企！而家冇係手上面？！”好彩有緩兵之計！
“哦！咁，，，”捉妖人想繼續問，好彩女僕又上一道菜，打斷左捉妖人追問，係一份蛋包飯，依個唔係最重要，主要係上菜個超甜美女仔！講真話，比起蛋包飯，依個靚女更加秀色可餐。
“呃do，，，（日語裡“呢個”意思）”
我望一望個女仔，佢紅住臉，好似害羞既樣，更令佢顯得楚楚可憐。 ”
“Somimase, kuru koto ga dekimasu ka？”靚女細細聲問
日語唔識，但通靈萬物話我知，佢所講既係“您可以過黎一下嗎？”
搵我？咩事？ ！