一教瞓醒變妹妹<<少少甜，卜卜脆>>: 第六十章 再遇見

第六十章 再遇見

“龍，，，龍至信！”

聽到我把聲音，捉妖人微微轉頭果黎，好似有d唔相信既感覺，但當佢見到係我之後，馬上就激動地跳起身！

“星月！你都黎左依度？！真係太好喇！”佢一臉歡喜

屌，乜鬼野“真係太好喇”！我地無緣無故莫名其妙做左偷渡犯，咁都叫太好？ ！





見到捉妖人總都係高興既，有種“他鄉遇故知”既感覺！

“快d過黎，我地一齊食d野先！”捉妖人招呼我

捉妖人果然唔錯，居然仲請我食飯，解我燃眉之急！

於我快步向過去捉妖人度，係佢對面坐低

“額，星月，你位朋友，，，係度做緊乜？”捉妖人一面呆滯，臉上有d紅





我一聽心知不妙！趕忙轉頭望過去，果然不出我所料！小依居然正在抱著一位非常甜美既“女僕”服務員身上磨黎磨去！ ！ ！手仲係人地身上到處亂摸！ ！ 屌！我都聽到果個被“磨”既女仔發出不停叫“哎咩嗲”！而四周既人都望住佢地，甚至拎出電話開始左“閃光大戰”！ ！唔怪之得捉妖人咁既表情！佢係想扮唔識小依！！

我立即彈起，我幾乎直接從梳化衝過去，一手將小依拉返過黎，然後不斷同人道歉！我鞠躬既頻率好似把電風扇咁！

“Gomenasai ！Gomenasai！！”同時我連臉都唔敢望人地一眼！


被摸女仔好似被打救般一樣，但冇嬲到，性格唔錯，抖左一口氣，對住我講：

“Arigato！”





我低住既頭現在先敢抬高，好彩平時有睇下AV同動漫進修一下，佢應該係同我講“謝謝您”。既然對我表示感謝，我估佢應該冇嬲到喇掛

依個時候我先可以望清依個女仔塊面，長相有日本女孩子獨有果種可愛同清純，係一個超甜美既女仔呢！現在臉還有d微紅，應該係比小依摸到有d唔好意思

我地相視一笑，我就帶住小依返回座位。一屁股坐落去之後，終於可以鬆一口氣，但四周既人依然將注意力集中係我地身上，本來我女仔身體長相就夠樣眼，再加上頭先果一幕！仆街喇，希望依堆人當中係冇記者，如果唔係聽日報紙頭條就係“某兩個變態美少女強行在公眾場合非禮一位可憐少女”！不過依標題倒幾符合日本娛樂新聞風格。

“喂，喂？星月，係度諗緊乜？”捉妖人見我諗到出哂神，係我眼前揮揮手。

“哦，，哦，冇諗d咩呀！講返你，你被傳送到係度？”我趕快岔開話題，咁犀利既標題都係唔好話佢知比較好！

“我啊，我一開眼就係依度！而且直接就被傳送到坐廁上面，我黎之前係坐住既姿勢！哎，，真係天衣無縫！”

我岩岩飲緊咖啡，本來聽到前半句話仲好好地，但一聽到佢形容到“天衣無縫”四個字，笑到將咖啡噴到對面既捉妖人身上，乜鬼野“天衣無縫”！“對唔住！咳...咳...”





“主人，您冇事吧？”小依趕快來幫我拍拍背！

“冇，我冇事！”我其實係怕佢再來一句“主人”，我地已經夠哂觸目，小依咁叫我，捉妖人更加覺得小依係變態

“係喇，你頭先係石台上想講咩架？你突然明白左咩？我見你好激動呢！”我現在最關心係依個問題！

“哦！你咁講我先記得，我想講之際，唔知點解就暈左！”

“呃，咁你果時想講d咩？”

“當時我就係想同你地講，果隻唔係一隻普通戒指，係心印之戒，只要戴上，就會將一片區域內既人傳送到戴戒指一方心中願景之地。”捉妖人慢慢地

捉妖人依番話令我有d失望，我本以為佢發現既野會能揭開我心中謎團！結果同冇講過一樣！

“但係，，”捉妖人繼續講“依個‘願景之地'唔係普通人有架喎？佢其實係一種玄學上既野，係人為“寫”進心人𥚃先會觸發到，但係你係一個普通人，點觸會觸發到架呢？”





依句話先係真正有d意義！但我由小到大，係我有記憶力開始，我記得從來冇人對我做過道術之類既野，如果係咁推測即係有人在我懂事記事之前就被“寫”進入我心裡，但係果段時間父母都陪住我，咁係邊個能夠寫呢？祖先？有可能，不過一諗起祖先，我現在更加肯定，祖先雖然冇呃我但一定係有d事仲未同我講。

等左一陣野食就到，我食左一啖炸雞，味道居然好到爆！雞肉鮮嫩多汁，外表黄金香脆，一咬落去d汁會喼哂出黎！現在我乜都唔想諗住，填飽肚再講！咁樣一諗，我即刻輕鬆哂。

“呃，，呢個，”捉妖人突然開口，只係講左兩字就又閉上，一副欲言又止既樣

睇到佢個樣，好似好唔好意思既表情，我係好納悶，亦好好奇，就對佢講：

“想講咩？唔洗咁顧慮喎！我地兩個既交情仲有乜野唔講得咩？”我開玩笑

捉妖人扭扭捏捏，唔似平日既樣子。

依條“龍”扭左一陣後，終於佢深吸一口氣，睇黎佢要講喇！“星月！葉恬就係你鐘意既人嗎？ ！ ”捉妖人一臉正經望住我“你愛佢？”