一教瞓醒變妹妹<<少少甜，卜卜脆>>: 第六十二章 店長
搵我？我除左岩岩將佢從小依既“魔爪”裡解救出黎，之後都好似冇見過佢！而且我地根本冇點依個蛋包飯，難道係佢要感謝感謝我？特登送？咁真係太好喇！
我望左佢一眼，順便將我想問佢既問題通過萬物通靈話佢知，佢臉上一驚，傳回來既意思！“好神奇，竟然唔洗講是就能理解大家既意思，我地果然有緣分！好喇，店長係度等緊你，快d跟我行喇。係喇，果位小姐亦要去哦！”然後指一指正在食緊紫菜卷既小依。
店長？依間店既店長？佢搵我地咩事？ ！因為頭先我地太嘈投訴我地？我好好奇。
我回頭同小依對望，大家表示好疑惑。
“主人！係店長要搵我地嗎？！太好喇！”小依一臉興奮！
我本能覺得依樣野貌似“伏味濃"！
“你做乜咁興奮？快d話我知，你係咪知道d乜野關於依間店既店長既事！”我疾風驟雨般“逼問”小依
“主人，你有所不知哦！依間店之所以全國聞名，就係因為依位傳奇店長啊！店裡每一位女僕都係店長親自去各大學校邀請，能被挑中黎依間店打工簡直係被視為一種榮譽哦！！話唔定係店長想請我地去就係想招攬我地呢！主人咁靚女，一定會吸引到佢！”小依眼中閃閃發光
“小依你唔好講笑啦，就算人工再高，亦未至於會成為一種榮耀！再講我唔想黎依度工作！我地而家係偷渡犯呀！”我斜著眼望住一面興奮既小依
我唔相信小依講既野都唔得，因為依間店生意確實非常好！如果唔係我地同捉妖人擠埋一枱，恐怕就冇位比我地坐！諗到依一點我就真係想睇下依位店長既樣！起碼佢係一個成功商業人士吧！
同眼前依位甜美可人女仔交流中，我知道，佢個名字叫松下惠，當然依們係中文既叫法啦。
店長既辦公室係二樓，有一段單獨走廊通向辦公室，顯得好有公主式既味道，走廊上明亮整潔，以此可以多少推斷出依位店長性格同喜好。
推開門，令我意想不到既事發生，依店長竟然係一位個女人！雖然現在背對住我地，但從佢曲線苗條分明背影同長髮上我就感覺到佢應該係一位美人！只係佢既氣場讓我感到好唔尋常，唔似係一般普通人！
惠向店長叫左一聲，應該係話比佢知我地黎左。
店長慢慢轉身過黎，係佢將臉露出黎既時候，我心臟幾乎都要驚訝飛出黎！屌！我完全冇估到，依位店長竟然係，，東山墓主！
即使我只見過東山墓主一面，但佢個極好身材同美麗絶倫既靚樣，早已牢牢刻在我腦海裡！絕對冇錯！眼前依位店長除左冇長狐狸耳朵（高級狐族一般係將尾巴收埋）以外，生得同東山墓主係一模一樣！
只係我，旁邊既小依嚇呆左，兩個企係度O哂嘴巴！
店長微笑講左一句“惠，你先離開一下，我要單獨同兩位傾一傾。”，惠就點點頭，然後轉身出去。
奇怪啊！依句話我明明我聽得明白，應該係廣東話，點解個日本小姐都聽得明白？？ ！唔好理佢住！真正既大問題係眼前啊！係人有相似，物有相同？
我偷偷用通靈萬物問一問小依依個人係咪真係東山墓主，因為狐族散發氣息狐族係能夠知道的，所以我想再確認一下到底係咪佢！因為如果係！咁係點解會，
“唔洗估喇，我就係你地所講既東山墓主。”店長突然微笑著望向我地
佢依一眼簡直令我把心跳加速。因為對以往幾個老妖既了解，都係想加害我地，唔可以唔提高警惕！
“你，你想點呀？！”我盡量顯得鎮定
“哈哈哈，新上任既南山墓主到我既領域內，我點可以唔打聲招呼呢？”佢笑住坐係張梳化上
“只係打聲招呼咁簡單？！”我當然唔會相信佢會有只簡單既理由！
"小女孩如果聰明，確實有兩件事，我要問問你地。”
佢一咁講，我立刻加強警覺，果然仲有其他目的！
“有d咩事，你問啦？但我地好似冇乜交情咋喎”
“哈哈，唔洗黑哂臉喎，岩岩你地係樓下既對話我都聽到哂喇，其實你係我地南山墓主主人，係咩？”佢笑住望向我，但笑容裡冇一d殺意同惡意，令我又覺得佢真係只想問一問。
不過比佢我知小依係我僕人好似唔係太好！四個狐王裡最強一個知道佢地狐族一方墓主竟然係我一個人類既僕人！會令小依比佢地睇唔起！
“咁仲有另一件事呢？！快d講埋出黎。”我既戒備仲係唔可以鬆懈，儘管依個東山墓主現在有冇惡意都好，知人口面不知心，點知道人家心裡諗緊乜，依通靈萬物亦只係對方傳達意思既時候，我先可以了解到對方心意，並唔似係讀心術咁樣使用。
“哦，好啦，好啦，你唔洗咁緊張，我地狐族可比你地人類民主得多，南山墓主想做乜佢既自由，我亦唔會干涉佢依方面既事，我搵你地黎係最後一件事，就係，，，”東山墓主既聲音低沉，令我岩岩放下心又再度緊張！
“係乜野？”我焦急地等著
“係想請你地來我店裡做女僕啊！嘿嘿嘿，東山墓主突然笑得似天然呆一樣！！！
乜話？我冇聽錯吧？！我簡直唔相信自己的朵，居然真係搵我黎做女僕！你係度玩我咩？！我仲要諗辦法返屋企呀 ！
“好啊好啊！我願意！我願意！”我仲未講野，一邊既小依已經高興地跳起身！屌！你依個死女包見“女僕衫”就喪失理智！
“喂，喂！小依，咁唔太好，我唔願意！”我不斷搖頭地講
“嘿嘿，現在唔係到你講願唔願意就得！你睇下張單！你地頭先既食飯錢換已經係二萬yen係你個人，未計你朋友！我估，你身上冇咁多錢吧！”東山墓主一臉壞笑望住我
屌，佢一講我就醒起！本人冇帶銀行卡！只有錢包少少錢，換成日元，加埋只有一萬yen！邊有咁多錢付款！
“洗唔洗同時聯絡警察順便研究研究偷渡犯罪要判多長時間呢？”店長又係一臉奸笑，
點解，，，好似跌落一個萬劫不復既陷阱一樣.....