一教瞓醒變妹妹<<少少甜，卜卜脆>>: 第五十章 背景

第五十章 背景

屌！飛機杯講完依句，簡直分分鐘嚇死我既弱小心靈！

“祖先大大，冇咁可能！明朝建立到而家都有六百多年！佢冇可能咁長命掛！”我幾乎係驚呼，面對祖先依句話，我第一個諗法根本唔係乜野家族恩怨，而係最基本既壽命問題！一個人有幾長壽都好啦，都冇可能從明朝初期活到而家二零一七年！

“你講得有d道理，但孫仔，對於一個得道之人來說，上百年壽命唔係冇可能既事。”祖先望左我一眼，淡淡地講

“咁祖先您道術咁屈機，點解又瓜左既？！”依句話講出口好似好冇禮貌，但我實在太好奇喇，所以不禁脫口而出。畢竟岩岩聽完祖先故仔之後，心情仲係好興奮，好似睇左一場好長既歷史大片一樣！





“我？孫兒仔你又知我有幾長命？”祖先聽左我既說話，突然笑左一下，好似大人整蠱小孩子一樣咁望住我！

不過祖先既話還真係提醒左我！我好似從來冇問過祖先到底係幾時瓜左？同點解瓜左？更唔知道祖先生前既事情，所有對祖先既了解其實大多都係我主觀上在心裡想像。

“哦？祖先，您講黎聽下，您活左幾耐時間？”我故意壓低聲音好神秘問

“我生存既時間唔長亦唔短，只係三百六十五年左右啦，，”祖先笑著講

屌！三百六十五年左右！三個百年人歲嘛！應該拎佢化驗就真，研究下點解咁犀利





“老子我已經活左將近四個世紀，你唔服氣黎挑機囉！嘿嘿！”

算喇算喇，唔理祖先幾百歲人魔，睇黎得道之人果然係唔再受人世間既約束！

“好吧，就算依個葉恬真係當年葉家掌門人，佢點解又會搵到我？又點解比張請柬我？仲有明日月初之時係咩意思？！”我既問題像連珠炮一樣打出，都係我心頭上最直接既問題，亦係我最想現在知道既問題。

“孫仔，你要知道葉家雖然被滅，但由於家族太大，各地都會倖存者，估計佢地到而家都仲有一個機構，可以調查到你身份，但至於點解唔直接搵上門，反倒比張請柬你，依個我都唔太明白！至於咩野係月初之時，其實係你道行唔夠，睇唔明姐！呵呵！”祖先又笑起來

“即係話，話中有玄機？”





“當然啦！你睇下句話裡既“明”字，係唔係顯得好特別？”祖先一邊講一邊指比我睇

我拎起祖先手裡既請柬，仔細一睇之下確實發現面明日月初之時裡“明”字寫得好特別，只係我頭先拎到請柬既時候先入為主，下意識認為就係普通幾個字姐，冇多加注意，原來係暗藏玄機！

“孫仔，依個“明”字其實仔一種符號，佢並唔係代表著一個字，佢所指既係一句咒語，而這個“明”字一樣的符號就好似一個要解謎既一個咒語一樣。”

聽到依度，我先明白，原來我手中係一份高端既請柬，普通人係絕對唔會知道裡面既玄機，即使被別人睇到，亦唔會出現洩密既問題發生，我又不禁佩服起古人智慧！依個葉恬，如果真係活到現在，都唔知點叫佢老人家好，，，

“不過孫仔你亦唔洗太過擔心，唔一定係葉恬本人發既請柬，有可能係佢後人為左引起你注意而藉祖上名號引你上釣，畢竟當年葉家掌門到底有冇返黎，冇人知情同確定！”祖先睇我咁緊張，寬慰我講

“咁好啦，但依句咒語係乜野意思啊？恕孫兒愚鈍，我實在唔知寫乜鬼！請祖先大大賜教！”我扮起古裝片d人講野

“依件事非同小可，我地一定要慎重行事，話唔定係解決當年果件事既一個機會！如果真係當年葉恬，咁佢肯定知道一d我唔知道既內幕，依個困擾我幾百年既問題就可以解決！”祖先似乎有d興奮，說話語速快過平時。唔好話祖先，就連我只係聽聽當年傳奇故事既人都非常興奮，好似玩緊解謎game 咁，似乎根本都冇再顧及請柬到底點解要比我，同埋有冇危險，心裡只想早日解開依個謎題！

“仲有一件事！”祖先突然一句話





“咩事？”我望一望祖先

“我地收到依張請柬件事你暫時唔好話比天龍家後人知。”

講起捉妖人，我突然諗返起，係喎，北山老妖好似講過？捉妖人係天龍家後人，而且我確確實實見到捉妖人使用祖先所講既神器，可是捉妖人係姓龍，唔通佢老豆係入贅既？跟老婆姓？ ！

隨即我就問祖先提出我既疑問，祖先緩緩說：“哦，依一點岩岩我漏左冇講，而家補充一下，當年天龍家分裂成兩大派系，因為主張立新掌門果一派勢力比較強大，為左自己主張名真言順，所以逼迫另一派改變名號，想藉此將異黨排除，另一派冇得揀，從以後改名號為“龍”並且從天家集團脫離出黎，成為民間另一個家族。據講果一派人後來一直冇掌門，都係由代理掌門黎管理家族，後來就銷聲匿跡，冇參與風水界爭鬥，我估佢地暗地裡對當年果件事既追查係從未間斷過。”

祖先這依一番話又令我對捉妖人立刻充滿敬意同驚訝！估唔到佢家族係一個如此有故事性既家族！

“恩，好呀，但咒語既謎我地一定要盡快搵出黎啊！”我低頭對祖先講

“孫仔，依個你放心，交比我就好喇，好夜喇，你返上床瞓啦！”





我點一點頭