一教瞓醒變妹妹<<少少甜，卜卜脆>>: 第四十九章 往事下

第四十九章往事（下）

“我有一d唔明白！既然係天龍家滅左葉家，咁點解葉家唔去搵天龍家報仇，反而予頭指向我地？”我提出我既疑惑

“就係依個問題我一直諗唔明白，但葉家似乎有一個非常堅定理由，我覺得其中一定有咩誤會或者係陰謀！”祖先回答道

“仲有一點，祖先，你依個葉恬就係你所講既葉家人？世界上好多姓葉！”我立刻又搶話

“唔好搭傘住，之後藍家因為掌門仲係度，所以仍然屹立不倒，而天龍家雖然是天下第一大世家，但掌門無故失踪，導致群龍無首，族裡幾個法力上成既後輩都想成為新一代繼承人，天龍家還分裂成兩個大派系，一派認為老掌門已經瓜左，主張再立新掌門，另一派堅持掌門只係失踪，要求各司其職等待掌門回歸。自此，天龍家就開始衰落，，，”





“最後果兩個掌門到底有冇返黎啊！”我焦急問

“葉家我唔敢非常確定，但天龍家掌門確實係從此以後再冇出現過。”祖先緩一口氣向我講“你個死仔包等我講完先再發表意見嗎！？好好聽著住！”祖先啤我一眼

“好好好！袓先大大，我用心聽！嘿嘿”我唔好意思笑一笑

“由於葉家突然倒下，風水界三大支柱就只剩下兩大支柱，三足鼎立局勢就被破壞，於是兩大家族之間就開始頻繁爭鬥，都想成為包攬天下中原王者，可惜爭鬥最後僅僅是兩敗俱傷！天龍家勢力逐步瓦解，道術亦逐漸失傳，天龍家一向以天契術被世人所尊重，就係戰天上神定下契約，約定成為神既從屬，就可以獲得神賜給神器，亦就係天龍家人從不離身既法器！只可惜千年流逝，唔知天龍家後人有幾多人會用道術。”

“至於我地藍家，，，哈，，哈哈哈哈”祖先講到依度居然失笑起來，但睇得出絕對係苦笑，一種睇通一切卻無可奈何既笑容





“藍家雖然最終通過五峰之戰打敗天龍家，但我地冇都冇得到！！！只係大家兩敗俱傷，犧牲無數人得到既天下第一狗屁稱號，天龍家敗陣但藍家亦到崩潰邊緣，令我睇清虛名並冇任何意義，從此唔做藍家掌門，甩手離開，從此開始遊歷四方既生活，只想追查當年既真相，可是直到我死時，我只發現一件同果件無法理解事係有關聯
！”

“咩事！”我現在簡直好奇到極點！

“就係當年出事之後，我曾經又去左多一次當年果個洞口地方，但係乜都冇發現，甚至連條龍脈都成個唔見左！無論我點搵都搵唔到！我地人類認知上只有兩種可能！第一，龍脈本身就係臥龍脈，可能隱藏到更深既地方去，第二，就係最可疑！我猜測是係有某位道行極深，甚至伸到人類文明都無法理解地步既高人改左龍脈，令佢“遊走左”

聽到依度，一個巨大的疑惑我不禁問道

“祖先，你唔係話你當年第一次進入支脈既時候發現人工做地宮入口嗎？！係咪有人將個洞穴填左，你有冇係果度挖兩下？！ ”





“我孫仔果然唔係腦殘，係呀，你諗既同我當年諗既幾乎一樣，我後來都懷疑過，足足係果度挖六個月土，乜都冇發現，而且我挖出既土一d好似冇挖到入去既痕跡。”祖先露出好奇怪表情，睇黎袓先都搵唔到一個非常合理既解釋

“仲有最後一件事！您係點解知道葉恬就係當年葉家既後人？”我立刻又插嘴

但我冇諗到祖先回答竟然係如此令人震驚，令人感到一陣徹骨寒意！聽左祖先回答，我只感到後背發涼，或頭皮發麻

祖先望左我一眼，只簡單講左一句話

”當年消失既葉家掌門，，，就叫葉恬。”