一教瞓醒變妹妹<<少少甜，卜卜脆>>: 第五十一章 鐘意邊個？

由於琴日我收到果張奇怪既請柬，搞到我今日上堂一直心不在焉，有幾次老師提問班長同靈風都話左我答案我知，我仲係呆住左，整個人似乎都處於一種游離狀態，心一直諗住我地家族歷史同請柬既意義。

“會唔會係咁多年喇，葉家終於冰釋前嫌，想搵我地敘敘舊？飲杯茶？”我心有種可笑既諗法，我其實明知道基本唔會出現依種情況，從琴日到而家我已經將我所諗到既所有可能幾乎都全都諗左一次，但仲唔太放心。

“星月，你今天狀態有d唔對路？！唔舒服？”班長聲音突然係我耳邊響，嚇左我一下好似釣緊魚比人嘈醒咁，我才發現上晝堂已經上完！

“你係咪鐘意左邊個男仔啦？！啊？哈哈哈”班唔理我，又補一句，之後狂笑，，，

“冇喇，班長你諗太多喇！”我無奈望左班長一下，





我點會鐘意男仔，我被你偷哂桃，我仲要同我香香女神係一齊呀！

“嗯，，一般女仔有鐘意既人都係你依種表情同答案，快老老實實講黎聽下，係邊個？靚唔靚仔？！”班長聲音變得壞壞，同時臉亦露出招牌“奸笑”，令人感到佢果種熊熊燃燒八卦之魂，，，

被班長一追問，我本來嚴肅思考內心環境頓時煙消雲散，依家要諗下如何回答依個無厘頭問題所取代！求其答下算，答“係”可以唔會有咁多狂蜂浪蝶

“係呀！我有鐘意既人喇，，，”我表情更加無奈面對班長回一句，本想係想盡快令佢脫離依個話題，但冇諗過，全班同學全都企哂起身，將目光轉向我！尤其係我係班既男同學，而家佢地一個個表情好似買左六合彩而等著開獎時既表情一樣！既有期待又有d怕，，

屌！我講依句野唔係好大聲姐！點解全班都聽見？！全部注意力集中都係我身上！我估我應該好難甩身！





“星月！你有鐘意既人嗎？！係邊個？可以話比我知嗎？！”我另一邊既靈風當然是最快對此有反應既人，聲音出奇大！隔離個班估計都能夠聽到！！

佢依一叫，估計同“軍團召集”冇乜分別，不出我所料，一分鐘未到，連我地教室外面都被圍得水洩不通！隔離個班既學生亦都聚集過黎！風紀亦黎唔切維持秩序 ！

我被突如其來既情況嚇一跳，屌！班長成日都比d伏我中既，我簡直欲哭無淚

我諗住求其講出一個人名，但馬上見到前面香香回頭望我既眼神，亦係充滿期待卻又有d恐懼，既希望聽到心上人意中人係自己，卻又害怕知道依個人唔係自己，依種心情係十分糾結。

本來我仲想藉此機會令香香對女生版既我死心，但見到佢楚楚可憐眼神同清澈眼睛時，唉，心就軟，實在唔忍心睇到佢咁難過，必須要諗一個其他辦法脫離而家依個困境！





“呃，，，點講得出口啊！？”我立刻假扮一副害羞既樣子，屌！根本就冇依個鐘意既人啊！起碼冇依個“男人”！

班長一見我依個表情，見“大軍壓境”陣勢，知道確實係自己講錯野，於是立刻同我統一戰線上對住眾人講：

“你地咁八封既？人地邊好意思講嗎？返歸啦！！”

班長係我地班裡威信好大，依一句話果然奏效，連門口既人都唔敢再圍觀，陸陸續續散走，，而班裡果班人亦無奈向門口走

“呼”我鬆左一口氣，今天好彩小依今日堅持要請假屋企我煮比我食，冇黎返學，如果佢係度就更加亂！唔小心整一句“主人”！足以玩死我喇！

我岩岩一坐低，一把熟悉既馨由門口傳黎“星月！！！”，我根本唔洗望，立刻就可以知道係捉妖人又黎喇，佢每天都黎我地班搵我，然後同靈風一路互相串送我返屋企，當然班長同我係同路一齊返屋企啦

岩岩你地班門口出面好多人，發生左咩事？”捉妖人好奇問我地，咁亦難怪，邊個見到咁多人聚集，都想知道發生咩事，

“龍躉，你知唔知道？！星月佢話佢有鐘意既人！！！”死仔包直接就講左出黎！我頂！捉妖人如果亦加入討論真係夠麻煩！





唔洗講，捉妖人立即亦變成“買六合彩”臉！

我屌，件事愈搞愈麻煩？ ！明明今日晚上我就要去“明月乜時”赴會，諗緊點應對！對住一個六百年人歲中既人歲要點做？ 如果兩家人講唔掂數要“開拖”點算呢？！而家一d緊張氣都冇，只有濃厚八卦新聞既感覺！

“你會話我知架可？星月？”捉妖人不停追問，又用小狗眼神攻擊？ ！但唔止係佢，我見班長，靈風，香香眼都唔眨望住我，睇黎想一探究竟！

“我，，，，”我抬眼望一望佢地