一教瞓醒變妹妹<<少少甜，卜卜脆>>: 第三十二章 準備迎戰

第三十二章 準備迎戰

“孫仔，團紫煙同中左毒冇乜分別，你唔會見到外表有咩異樣，如果唔盡快解除，毒性會慢延就會越來越嚴重，唔洗一個星期，全部就會升天。”

祖先聲線好似格外悲傷，係咪發生過d咩往事？但係我而家唔理咁好住，我最關心既就係點救佢地

“咁有咩方法解毒？！”我迫不及待問

“孫仔，只有兩個辦法，其一係狐妖自己將毒氣解除。”





“等狐妖自己解除？！佢又點會咁on9？！！”我打斷祖先，語氣已經有d激動

“其二呢，，，”祖先聲音突然講到好細聲，語氣也變得更加悲傷，好似諗起d悲傷既回憶，睇黎算二個方法一定同我祖先有一定既關係，而且係一個唔尋常既關係。

“第二個方法係，，，，”祖先再次開腔，聲音一下將我拉回現實

“就係咩？祖先你唔好講d唔講d啦！”我幾乎快要喊出黎

“就係，，就係，，就係要搵一個冇中毒既人自願將毒吸走，一命換一命！”祖先講到依度聲音已經顫抖，幾乎帶著一d哭腔，好似一個無比堅強男子漢諗起一件內心最不願回憶起既往意。





以我對祖先既了解，佢絕對係一個十分堅強同冷靜既人，就算有十萬人死係佢面前，佢可能會同情，但未至於會咁明顯表現出黎，所以第二個方法一定觸動過我祖先內心最脆弱既地方！至於到底係咩事，而家睇黎唔方便問，只能等以後有機會再問。

“Chok，chok，chok ....”突然有敲門聲，我下意識猛地向後跳一步，以防範突發情況。

“邊個？！”我沉住聲線問

“主人，係我，小依！我地係班長同學屋企返黎喇。”

聽到回答同聲音，令我鬆一口氣，我走過去開門比小依。





“果邊情況點？班長心情好d未？”我慢慢地問道，語調聽得出有d攰喇。

“主人，班長同學已經平靜一d，但，，，但，，但只比係學校好一d，對唔住，都係我勸唔到班長同學！”小依低著頭，一臉歉意樣子坐係沙發。

“傻啦，點會怪你呢，今日大家都好攰，你都早d瞓啦。”我說完就轉身順便手拎杯水飲，一飲落口，覺得好奇怪，點解軟既？

“孫仔，你唔好錫我至得架！知你孝順喇，你個杯係隔離！”袓先抗拒地講

What the Fxxk !! 我拎左飛機杯黎飲，屌！我即刻衝入廁所拎漱口水狂漱口！

我用左2/3支漱口水之後，終於從廁所走返出廳。祖先好似有d新諗法：“孫仔，我諗到一個方法可以化解今日既困境。”

祖先說話既語氣已經恢復正常，回復往日冷靜鎮定語調。

“咩方法？！”





“過黎，我慢慢話你知，”祖先講得神秘

經過我地密密傾之後，我意識到今次我去深入虎穴，挺而走險！但冇辦法，冇其他好d既方法喇！

而家離天光仲有幾個鐘，估計北山老妖一直都會等係天台附近。

睇黎早d出發準備一下，驚唔夠時間太短時間實施計劃！我同袓先定左1點出發，有咁長時間應該可以同狐妖周旋一陣。

於是我吩咐好小依，唔好一齊去，因為確保佢唔會被捉，小依聽得好仔細，默默地點頭，流住兩行眼淚，氣氛顯得好悲壯！

呃，氣氛好似d士兵準備要上戰場，九死一生既感覺！小依突然爆出一句“主人，等小依服待你沖涼，時間尚早，而家主人係女仔，女仔同女仔沖涼應該唔會尷尬....”講完之後，小依一手拉住我起我條校裙，我急跳後3,4步

“唔洗喇，我一陣打完又污糟過，我返黎再沖！”嘩，今日心臟已經好重負荷，我受唔起更多刺激！多得小依一鬧，緊張氣氛舒緩好多！





晚上一點，我拎起背書，將飛機杯袓先放好，走出了房門。“小依，乖乖地睇住屋企喇。嘿嘿”我回頭對佢一笑，見到身後既小依已經係度喊，兩行淚水緩緩流下。

“恩，，，恩，，，我一定會。主人，，，你一定要平安返黎，唔好拋低小依呀！”小依衝上黎攬左我一下

我保持著微笑“放心啦，我會冇事返黎!”之後向電梯走去。

“孫仔，我岩岩係屋企度講既野，你都記清楚嗎？”

“恩”