一教瞓醒變妹妹<<少少甜，卜卜脆>>: 第三十一章 人質

第三十一章 人質

“仆街喇！果團野向我地課室飄去！”我大叫

“課室？我家姐仲係裡面！我要返去！”班長立刻變得焦急了起來，臉上掛上驚恐的神情，並向課室衝去！

我拼命拉住班長，大聲對佢說“你唔要命呀？！而家返去等於自尋死路，Miss 都唔會比你咁做！”

“你唔好拉住我！我，，，”班長話未講完，臉上就的神情就變得更加驚訝，甚至表情都僵硬，O哂嘴





我順著佢既目光向上望 ，立刻感到毛管竪！！

紫色的雲霧中漸漸散開，露出一個個東西係課室飄浮，望清楚d，唔係其他東西，係我地的同學！佢佢一個個都被紫色雲霧所包圍住，排成一排慢慢地移出窗外，向天空飛出去！佢地全都不省人事，估計應該係暈左，同果日係芙蕾雅湖酒店裡情景很相似！令我立刻聯想到兩個字——狐族！

四周似乎除左我地以外，所有人都不省人事，好像都暈左？

“姐！！！！”班長一聲慘叫，抬眼望去，果一排人最後一個居然就係雋Miss！班長好似虛脫一樣，差點企唔穩，被我扶住。

“佢地應該只係暈左姐！好似我地果日係芙蕾雅湖酒店裡情況一樣！”捉妖人講





班長才又緩緩抬起頭，眼角蓄淚水，好細聲問道：“咁，咁而家點算？至信你識捉妖，求你救我姐，求你...嗚”

突然頭頂上傳來低沉一般聲音“我係北山古墓墓主，藍家後人！我知道芙蕾雅古墓既主人被你殺左，但係你唔洗要擔心，我唔係黎尋仇！你殺左佢即係幫左我，但是我要佢粒狐珠！我知道係你拎左！如果係明天早上太陽升起之前，我仲未見到你將狐珠送到依個天台，我就要依班人既命！記住，唔想傷及無辜既話，你一個人黎！”

聲音結束，我呆呆地望住天空，課室既人隨住紫色煙霧一齊消失，，，仆街乜鬼北山古墓墓主！要狐珠既話，就自己去打死臭狐，而家就黎威脅我！

睇黎頭先係樓梯見到既影，唔係我飛蚊症！

“星月，點算呀？！你話點算好？！”班長搖住我隻喊着問，班長既聲音將我拉回現實





其他人同班長一樣，都望住我。

咦？咁奇怪？隻北山老妖唔係講左佢捉左我地d人咩？唔通佢地冇聽見北山老妖既說話？ ！

捉妖人率先反應過黎：“星月，你係咪聽見或見到d怪影像？！”捉妖人一臉急切

睇黎大家真係冇聽到北山老妖講野，只係我一個人聽到！點解會咁？ ！

“冇，我冇聽到或睇到d乜野，我只係嚇到呆左。”我搪塞到

畢竟依件事係我而起，唔可以將大家捲入黎！要去解救大家亦只可以係我去，絶對唔可以再令大家陷入險境！我心裡默默下左決定

“咩聽到，聽唔到？龍躉你到底想講乜呀？！”係旁邊既靈風聽到一舊雲

“依隻應該係狐妖！一般狐妖將人捉左去，但唔會殺死，因為都係另有目的，好大可能係同我地依度既人有關，狐妖就會傳話比佢，依番說話，只有果個人聽到，其他人係聽唔到！”捉妖人解釋





“唔，唔會掛？我地依度邊有人同乜鬼狐妖有關事？”靈風詫異道

仲以為捉妖人on99咁，原來都係有d料到，其實我自己心知肚明，捉妖人講得好岩。

今天我地陪班長返屋企，一路上都唔再提miss被捉既事，但話題打圍觀同學被捉既事，因為大家都想諗對策救人。

今日香香，小依同佢地都去班長家裡，安慰下佢，而我假扮唔舒服，立刻衝返屋企，拎出袓先飛機杯，準備商量點對付北山老妖對策。

“祖先，而家狐珠確實係我地度，我地拎唔拎去救人！”我也顯得有d焦急，語速明顯變快

“孫仔，都叫你睇多d古書啦，世上有四大狐族古墓，代表左狐族四個勢力，同時都係狐族先哲諗出黎平衡狐族絕佳方法，一個狐王死了，會有另一個替補接替，萬一四大勢力其一多獲得了一份額外力量，會打破平衡，導致狐族動盪，危害人間！所以，狐珠千祈唔可以比另一個狐王！”

“但係Miss同班同學點算？！”我立刻追問





“先唔講依樣野住！今天學校除了你地以外，所有人都中左北山墓主紫煙，全部都係同一時間暈，你仲記得嘛？！”祖先語氣突然變得嚴肅起來

“記，記得啊，好似上次酒店咁，但有咩關連？”

“關係好大呀，孫仔，，，，”祖先嘆一口氣