一教瞓醒變妹妹<<少少甜，卜卜脆>>: 第三十三章 計劃

第三十三章 計

一點鐘街上人流已經非常少，兩邊金黃色燈光光，如果唔係有麻煩事，係度漫步其實還幾寫意。

“祖先，其實北山老妖其實係一個點既人？”我一邊小跑步一邊詢問祖先

“孫仔，北山老妖呢，呀唔係，北山墓主，係狐族中最聰明，佢地依派狐族戰鬥能力唔係非常強，但個腦好醒，所以我地唔可以硬拼，一定要小心中計！”祖先既說話格外清晰，可能因為太靜

“前面就係學校，現在時間仲早。”，很快就黎到學校外面。





學校兩側用金屬柵欄作為校牆，依個圍欄有兩米幾高，我向後退兩步，然後一個助跑，緊接著一
個跳躍，直接跳入學校入面！“呀⋯⋯屌！好痛！”，落地果下差d仆街，因為頭髮太長，勾住個鐵絲網，屌！做女仔好麻煩，好彩學校而家冇人姐！

晚上既學校睇落去都幾恐怖，穿過停車場同操場，就到有天台既教學大樓。

望住黑麻麻既樓梯，我呑一下口水，一口氣直衝上天台。樓梯好靜，我每行一步都聽到自己腳步聲，依度靜得好唔尋常，不過我唔理咁多，做好心理準備，就推開左天台度門。

“現身啦！北山老妖，你要既野我拎左黎喇！你快d放人！！”我朝四周大聲喊道，同時不停周圍望，隨時做好應戰準備

“哈哈哈，藍家後人既果然有膽識！但係我未驗證你係咪帶左狐珠黎之前，我係唔會放人！”天空再次響傳黎低沉既聲音，隨之眼前出現了一個黑色旗袍，體態修長既女人。





“快將狐珠交出黎吧，唔好嘥時間！”女人目光聚集係我身上

屌！咁低沉既老牛聲竟然係個女人！聲線太核突喇！但樣貌上同二十幾歲既女偉冇乜分別，人妖嗎？

雖然把聲好難聽，但依個女人生得非常靚，唔知靚，而且氣質非凡，散發住一股智慧冷靜既魅力！唔怪之得祖先話北山老妖係最有智慧一位狐王。

個女人見我唔郁，就向我走過黎，我立刻警覺大喊：“唔好行過黎！有乜野講係度講清楚！”

穿黑色旗袍女人聽到，企係原地：“都好，咁快d將狐珠交比我。”





“咁唔得！如果我比左作，你到時候賴貓唔放人咁點？！仲有我要先確認我同學同老師既安全！”我下意識摀住書包，我心裡面係

黑衣女人望左我書包一眼：“真係麻煩，自己睇下！”

跟住天空出現一道紫色巨大漩渦，從裡面慢慢飛出一排人，全部都不省人事。

“點呀？我冇呃你啦，好喇，我地快d完成交易之後走，然後各自離開！”旗袍女顯得有d焦急，顯然唔想繼續講落去

“好！狐珠係度！你自己過黎拎！”我目光也變得嚴厲

狐妖慢慢行過黎，臉上也有不少謹慎的表情，也佢都係度忌憚我，畢竟我係收左南山死臭狐皮！

而家，佢距離我只不過只有一步之遙，我抬起手，將狐珠拎起手裡，然後慢慢將手移向北山老妖。





雙方而家都係一副非常謹慎。“你先放人！狐珠係你咁近距離，我冇可能再搶走，再講我要強搶都唔得，咁多人我亦都搬唔走，所以你先放人！”我要放手賭一舖，目光尖銳望住對北山老妖。

佢眼神閃過一絲不快，但最後都係同意，揮一揮手，一排人就安然睡到教學樓頂層上面。

終於，我將顆有住千年道行既狐珠放到北山老妖手裡，北山老一手拎住狐珠，嘴角閃現出一絲笑容。

突然間，我看到一排人旁邊突然閃過一道黑影！

我立刻瞬間凝結一團藍火包住狐珠。北山老妖立刻受到熱燙將手鬆開，狐珠就由藍火包裹著飛係半空之中。

一切都係事先安排，黑影就係小依，小依係公園裡埋伏觀望著學校既一舉一動，如果北山老妖放人，就即刻救人質，同時我可以利用藍火令北山老妖拎唔到狐珠，咁就可以一舉兩得！

“哈哈哈哈，藍家後人果然都係唔係蠢，有用下腦”北山老妖被被呃都可以坦然地笑！？但係依個笑聲裡帶住少少嘲諷同棋逢對手既感覺，聽到我毛管竪！

“真可惜，你d屎橋，你唔係天真到以為我事先冇諗過丫嘛？！哈哈.....”北山老妖向一我露一個微笑