一教瞓醒變妹妹<<少少甜，卜卜脆>>: 第三十章 先兆

“我，，哦，好呀，老師。”我趕忙抬頭對住Miss ，要繼續扮乖乖女學生，然後走返埋位。

返埋位途中，我眼尾一直在偷偷注視著香香，佢眼睛裡充滿疑惑，甚至可以講有一種危機感充滿係疑惑中間！而我一接觸到目光，不由自主就加快腳步。

“Wow , 我地班又黎多個靚女！”

“正呀，正呀！我要星月，新黎既你上！”狗公既世界就係咁，有新女女就分地盤咁！

“而且依個靚女係星月以前外國同學！究竟係邊間學校，出咁多靚女？！”班上同學又再次發出小聲又廣泛性討論，，，居然問邊間學校？我屌，成班咸蟲！古墓大學你地去嗎？ ！





小依既座位已經安排，係我的正前面，現在可以話除左靈風以外，附近幾面全部女仔！如果係以前真是夢寐以求，但係而家，，，哎，，講尼d，，，

早讀課我偷偷遞紙條比小依，想問佢今朝發生咩事，點解Miss已經提前知道佢今天要轉過來？

我偷偷碰一碰佢，將紙條塞到佢手中，然後埋頭假扮讀書，過左一兩分鐘，一個紙團子被小依送回來

上書“主人，您祖先從芙蕾雅湖到屋企就打電話到學校安排，順便話係(煙他叻)度將我入學手續辦法。”

我睇完後嚇一驚！入學手續我都唔知可以去網上辦！祖先竟然可以係網上造假，雖然唔知道祖先係咩年代既人，但佢生活的年代肯定係冇電腦！屌！祖先都比我先進，真羞家！！辦證應該幾麻煩，估計祖先多多少少用d道術之類。





落堂時，香香偷偷朝我依邊望左兩眼，搞到我臉一陣微紅，心跳一陣加快！如果我現在仲係男仔，我一定立刻就接受你啊！同埋你而家鐘意既係星月...唉

臨近差唔多上堂時，課室門外走廊上有一個飛奔身影，速度非常快，近喇，發現竟然係捉妖人，於此同時，祖先輕輕撞我隻腳一下

出事喇？？

“星月，你地快跟我走！學校唔安全喇！”捉妖人沖到我身邊對我地大聲叫“靈格風，快護住星月向前走！”

全班同學都被捉妖一喊嚇窒左，一時間嘈吵課室鴉雀無聲。不出二十秒，大部人就大笑“依條on 9 仔，睇武俠小說睇壞左個腦!” ,
佢地肯定認為捉妖人精病發作。





但相反，對於我地幾個黎講係真真正正見識過依d不可思議既事！於是我，班長，靈風和香和香以及小依一d懷疑都冇，立刻跟著捉妖人走！

我地一沖出教室，就聽到上課鈴聲，飛奔走廊時就迎面撞上了前來上課既雋Miss ！ ！

“你地係度做咩呀？仲跑黎跑去，仲唔快d返埋位上堂！”miss 立刻大聲對我地說

雋Miss ，我平時真係非常尊重你啊，但係現在我不得不違背您一次，而家係生死攸關！

雋瑩係班長的親生姐姐，所以班長當然會勸佢姐姐也一齊同我地走啦！

“家姐，而家情況唔係三言兩語可以解釋清楚！相信我，求你快d同我地走！依度有危險！”班長捉住雋Miss隻手，一臉的認真同時帶著非常懇切請求語氣

大概依位姐姐也從來未見過自己妹妹咁認真請求過自己，加上佢知道班長唔係會亂作大話呃佢，所以佢並冇懷疑的神色，反而很認真地回了一句“我知道了。”





聽到自己姐姐咁講，班長鬆一口氣，卻突然見到miss 向我地班方向飛快衝去！

佢一邊奔跑一遍大聲的喊道：“你地快d走吧！我必須通知我既學生，唔可以令佢地留係d咁危險既地方！”

“姐！，，，，”班長衝著Miss 背影大聲喊道！老師係我地求學時期，係令我地好討厭既人，講真如果真係有危險時，我相信好多老師都會奮不顧身地救自己d學生。

我突然感覺身後好似有人望住我！我猛地一回頭，見到樓梯裡似乎有野立刻消失！但係也只是似有似無，我懷疑係自己睇錯，大家知啦，人緊張起黎，會好容易出現好似飛蚊症，影子好似無處不在般

“快走！唔好係度拖拖拉拉，今次妖氣從西南方向一黎，帶動六氣，係個大麻煩友！”捉妖人對我地大叫！

“龍躉，你今次有冇帶你搵食(架餐)架？唔好好似上次咁，柒到核爆！”靈風又串捉妖人，捉妖人眼啤左佢一下“你丫媽呀！快d跑啦，咁多嗲！”

其實我都感覺到，上次對臭狐我都係打得好勉強，今次依隻妖怪，估計唔會係等閒之輩！於是我捉住班長即手，轉身同大家狂奔。

跑出教學樓，捉妖人突然停低皺著眉道“咁奇怪，真係好奇怪？岩岩妖氣一直再向東南移動，但而家好似停左！雖然離我地很近但停既位置很高，估計得有十米左右。”





捉妖人完後，我地所有人立刻都抬起頭望向我地教室

只見教室中籠罩一層淡淡紫色煙霧