一教瞓醒變妹妹<<少少甜，卜卜脆>>: 第二十三章 激戰
眼見著果兩隻利爪向我撲過黎，而家既距離已經根本上我冇得選擇避開！
依一刻我真係以為係咁先，英年早逝！可能本人平時做下義工，做下善事，吉人自有天相！係最關鍵既時候印證既我人品！
果兩隻利爪離我還唔夠五厘米時候，突然被一團白色火焰擊中彈開！白色火焰穿過其中一隻利爪既時候，隻爪子瞬間變成為一縷青煙，估計依個係果假身。
臭狐被白火焰一彈，整個身體中心都偏離預定軌道，向一我另邊飛去。我順勢向另一邊跳兩步，以此拉開跟臭狐距離。
“你想死呀？作反呀，小雜種！”臭狐對著我右邊的方向大聲叫罵道
我回頭一望，沿著岩岩臭狐罵人既方向，發現居然係岩岩舔我手果隻小狐狸！果隻小狐狸周圍竟然出現了幾團白色火焰！睇來岩岩救我一命既就係依隻小狐狸。
但係，點解依隻小狐狸點解要救我呢？
“主人，抱歉，我，，，”小狐狸居然開口說話了！只是話未講完就被臭狐一個綠色狐火給打飛撞在牆上，嘩，你個死臭狐你都抵死喇，同伴之間都內訌！
但無論臭狐點打小狐狸，果隻小狐狸居然都唔反抗！而且仲拼命向臭狐道歉。呃...睇黎唔似係內訌啊，係單方面虐寵！
唔得！你條仆街，我睇唔順眼喇！就算小狐狸岩岩將你衝飛了一下，佢都比你打左咁多下，乜都夠啦，再講未至於比你咁毒打吧！
好歹小狐狸話哂都係我救命恩人，我更不能容忍依種行為！
“死臭狐，你好同我停手！如果唔係你就仆硬街！”我對著正在對小狐狸大打出手臭狐大聲喝道！
臭狐聽到，停左一下，“我唔知你講乜，咩叫仆硬街？嘿嘿”睇來顯然係冇估到我會咁講，又隨即仰天大笑起來。
“我唔你理邊條街，小朋友，你都泥菩薩過河自身難保，仲有心情去理事，咁好啦完你心願，你地一齊打！！”
臭狐說完就惡狠狠瞪住我。佢隻眼綠色細長既瞳孔顯得格好陰險，但係而家我居然感覺唔恐懼，可能憤怒比恐懼多，所以我出奇地冷靜！
“死臭狐！而家到你玩完至岩！仆街都唔識，去死啦，藍家血脈一旦覺醒，你只有送死！”祖先突然大聲喊道，睇黎祖先能感覺到我身體既變化！
冇錯，如果說以前變化都係身體上變化，而家係精神同心理上變化，可以話而家既心裡素質才能配得上我現在的身體同能力！
我身後無聲無息地凝結三團藍火，表面上依然似係乜都冇做既樣子，甚至假裝冒失朝前衝幾下。
臭狐當然唔會放過我冒失既一刻，一箭箭狗衝一到我面前，想殺我一個措手不及！
你有張良計，我有過長梯！我已經早有預謀！等佢一靠夠近，我立馬直接就順勢一個前蹲，瞬間露出了背後的藍火，頓時臭狐臉上猙獰笑就僵住左，此時狐同我既距離已經太近太近，根本無法再如此近的距離裡修正方向來躲避我藍火。
我背部散發出黎藍火全部命中臭狐腹部，直接就將佢沖向了天花板，同時一聲巨響，藍火在將佢衝到天花板的瞬間爆炸，將天花板都炸到一個好深大洞！依個炸出來坑足有米深，睇黎依個天花板也不太尋常，點會有半米多厚既天花板？ ！除非，，，，
“噹..”一粒石子從坑由上至下跌到我的頭上，冇耐，一陣碎石的響動把我既思考打斷，抬眼望去，只見岩岩爆炸產生的煙霧裡有一個影子正踉踉蹌蹌企起身！
我屌，依隻臭狐爆到咁都居然唔死得！祖先講得果然冇錯，依個真係一個大怪物！！HP 值咁高既！
“啊啊啊，，，，”一陣極其扭曲刺耳既叫聲從煙塵中傳出，緊接著那煙霧裡既影子就變得更大，幾乎唔係人形既影子！
“轟”一聲，一個身長大概兩米既怪物衝出黎！依隻速度比岩岩更快，一隻巨形利爪直接往我頭上劈落黎！
嘩，好彩我反應就快，及時閃過依一下，隻巨爪直接拍到地板上，成間房既地板本身都係碩大既石頭砌成，居然被一掌拍碎！好彩避到依一下，如果比佢打中我，估計也得斷幾根骨頭，肯定直接就變成“咸魚肉餅”！
“孫仔，隻死臭狐而家原形畢露，睇黎佢要黎真喇！”祖先在背包裡說
“乜話？頭先果d算係咩？熱身？”我大驚說
“係呀，唔係你以為就咁打完收工咩？專心搵佢弱點”祖先不慌不忙說
“都好，佢變到咁樣衰打起來才沒顧慮！如果唔係我咁憐香惜玉既人，可能會打唔落手呢！”我唯有講下笑，令自己放鬆d
“好！臨危不亂，咁先係我藍家既後人！”祖先似乎對我態度好認同。
臭狐而家已經變成了一隻巨大的狐狸樣既怪物，嘴裡還發出動物特有果種很不友好或者表示憤怒“嗚嗚”既叫聲！
一瞬間，臭大狐身上出現九團狐火，分別在佢九條尾巴上，只是今次綠色果樣有d唔同
我不禁仔細地睇讓我吃一驚，果九團狐火居然係九隻用狐火凝成的狐狸！
臭狐”吱”一聲，所有的火狐狸同時向我衝過黎！我立刻用藍火擋住兼還拖，可是狐火凝成的火狐狸好似有生命一樣，不斷再躲避我的藍火，非常難以命中！
我戰力減退，招架依d火狐狸讓我根本沒有多餘的注意力了，同時躲避並控制藍火阻擊依群火狐狸真是非常困難，火狐理數量又多，動作非常敏捷，再加上我既藍火現在使用唔算熟練，所以我基本上都在四處躲避而唔係迎擊火狐狸。
“小心右面！”祖先突然大喊道
我隨即回頭轉身，發現右後方正有一隻火狐狸向我直衝過來，而且距離已經非常接近！ “嘭”的一聲藍火同火狐狸相撞，同時強大的衝力將我彈出幾米遠！
我口裡有點血腥味，“仆街喇！注意力有少少唔集中就被打中！”我立刻又企返起身
幸虧狐妖冇繼續攻過黎，唔係我就必死！
咦？我突然有一個諗法，係喎，點解隻臭狐唔攻過黎？依個時候唔係攻擊我既大好時機？
隨即我將視線轉向果隻大狐狸，佢的表情也非常嚴肅，似乎同緊某樣野搏鬥一樣！