一教瞓醒變妹妹<<少少甜，卜卜脆>>: 第二十二章 九尾狐

“呯⋯⋯呯⋯⋯”聽住腳步聲令我心跳加速，呼吸困難！除左腳步聲，四周圍靜到只聽到自己既心跳了！死啦，越黎越緊張，因為唔知道房門口行入黎係點樣既怪物！

但係腳步聲近到可以出現係出口既時候，居然停住左！

而家房間入面就只我一個人，加上一個會講野既飛機杯同一隻小狐狸！你地可以想像我既恐懼！尤其係依種突然既死寂沉默！

“小心！”飛機杯猛力地打我頭一下，我順勢朝下一蹲，一道凌風就係我頭頂上掃過！

我立刻回頭一望，竟然發現一個非常美麗妖艷既女子企係我身後！





“你，你係妖怪定係人！？”我一邊說著一邊起身朝後退左兩步。

“哈哈哈哈， 藍宇天！估唔到啊，你既後人竟然妖同人都唔識分！當年既天下第一捉妖人黎講，真係天大諷刺啊！”依個妖嬈女子肆無忌憚大笑，依種笑聲讓我覺得心驚肉跳，好似巫婆笑聲咁！

“你收皮啦！我既後人一隻手指就搞定你！”祖先講依句話回敬佢，干脆利落並且胸有成竹。我屌，我想打退堂鼓啊！！我根本就唔識點打妖怪，再講我祖先係天下第一捉妖人？

“哈哈，你得把口，你都係乖乖地交出元氣吧！”妖艷女就飛撲過黎，速度非常之快！

幸好現而家既反應亦都超快！一個側身閃身，輕巧躲過左狐妖一撲！諗住執雞轉身就向佢身上補一腳！





鬼知個仆街咁醒估到我會咁做，一個靈巧前蹲就閃開我踢擊。

緊接著狐妖一個飛躍，直接跳起來有兩米高，我不禁係度諗，好彩天花板奇高，不然飛撞到條仆街頭破血流！

突然對方身後突然長出八條尾！

屌，唔會掛，九妖狐！打依個難道太高喇掛吧！我而家係咪要叫喚卡比獸呀？點打呀大佬？

我都算係一個機智既男人！依種時刻當然要用最機智的辦法來應對了！





“唔好食我好唔好？”我立刻以著一副楚楚可憐既樣子，再用小狗眼晴水汪汪攻勢，今天岩岩領悟既“撒嬌”，估唔到現在就大派用場！

狐妖見到，劈下來既手果然停落黎！太好喇，果然有用呀！心諗看來依隻妖怪也無奈我撒婚神威啊！

妖怪反而哈哈大笑起來，同時一把掐住我條頸，把我拎起身。

“哈哈哈哈，小女孩，你故意搞笑架？！對狐妖你用“魅惑”？！你簡直係個白痴！”臭狐妖不停大笑,原來依招叫“魅惑”

“比你見識一要咩叫真正魅惑啦！”女妖說著就沖我突然一笑，依一笑是我平生見過最美麗一笑了，根本無法用語言描述！只感覺心口暖暖，全身變得飄飄然，好似d人話吸左“哈哈氣”止痛劑既感覺，好似一切都變得無所謂，只是希望一直咁舒服就好。

“孫仔，孫仔！醒喇！”祖先焦急聲音切突然將我拉返到現實，猛然看見一隻利爪正向我胸口撲埋黎！“嘩！你咁毒既，差d連波都冇埋！”

我身邊立刻又出現係芙蕾雅湖上時出現過既撒亞人藍火！並向纏繞在女妖的爪子上！

“哼，你個死女包！”妖怪一聲慘叫，邊罵邊將我扔埋一邊！





我重重地撞到牆上，好彩依個身體都幾硬實！除左疼一點，其他都冇乜損傷！

我狼狽地著爬返起身，見到狐妖手上有幾團撒亞人藍火正在消失，唔係，應該係正在被腐蝕！因為我清楚見到——有一團綠色火焰正在一d一d蠶食我藍色火！

“係狐妖之火！小心d孫仔！依個好麻煩！”祖先係袋入面一邊大聲叫

“恩！好！我要比佢知道，我藍星夜唔係好蝦架！”依句其實係我口硬

我自己非常清楚，我根本沒有把握能贏依隻千年狐妖！

“死妹釘，你死期到喇！”狐妖說著就又朝我衝了過來，依次佢身邊有幾團綠色狐火圍繞着！

我作為一個“男人”！點可以示弱呢，死就死啦！ ？我立刻也在身邊凝結撒亞人藍色火！





“嘭”一聲，兩種火焰碰撞一齊！哼，我而家都係卡比獸上身，使出“認真起來大撞擊”，撞散你個八婆。我要比條八婆睇下，人類唔係好蝦架！

一個左勾拳，我成功將佢打飛幾米遠！睇黎論體力來看還是我佔優勢，只係法術我冇條臭狐咁勁。

臭狐被揍飛之後，立刻半蹲在了原地，眼睛滴溜溜的轉了一圈，一副心有不甘既樣子！

結果下面出現情景，咁我驚訝到O哂咀！臭狐妖竟然分成了兩個一模一樣身，同時向住我兩邊迅速躥過黎！

屌，仆你個街！臭狐打茅波，玩分身！！

“鎮定d！要分清楚邊個係假身，要搵到真身！孫仔！”祖先大聲喊

話係咁講姐，果2隻臭狐簡直是一模一樣，要我分啊？

係我仲諗緊邊隻係真身既時候，果兩個狐妖的身影已經飛速到了我身邊，兩隻利爪同時從兩個方向向我撲過黎.....