一教瞓醒變妹妹<<少少甜，卜卜脆>>: 第二十四章 小雜種
臭狐個表情點解好似好攰一樣！？
我觀察到周圍火狐狸攻擊頻率已經減弱好多，岩岩係九隻一起上，而家只有三隻三隻的上前攻擊，並且敏捷度減慢左好多！
“孫仔！隻臭狐要想維持岩岩既狐火要長時間攻擊會好困難！因為太大消耗體力喇，佢而家已經有d支持唔住！”祖先說
好喇！睇黎我地已經捱過左佢最兇猛既一波進攻，而家係時候到我地反攻喇！
我整個人全速向前衝，對方迎面黎左三隻火狐狸，但係此火狐狸非彼火狐狸！唔單止動作遲緩，速度仲更慢，我輕巧的一個轉身就避過三隻火狐狸既夾擊。瞬間走到臭狐近身。
“你食屎啦！”我學著李小龍既迴旋踢就命中臭狐臉上！
臭狐硬食我依一招，直接就被踢飛左三米遠！踉踉蹌蹌地又爬起身。
我當然唔會比佢再組織另一波進攻機會，趁著佢爬起身準備，我走近身送佢一套“流星拳”！
依下佢真是被我打到冇得還拖既力氣，我立刻凝結藍火，準備送佢最後一程！
當我舉起手，要了結臭狐性命時，突然感到我既腿被人抱住！抱住我雙手感覺非常柔軟，仲幾舒服！
我低頭一看，真係不得了！！！
一個十六七歲女仔，皮膚非常白皙，相貌極其漂亮的女孩子正用佢既纖纖玉手抱住我隻腳！仲眼淚汪汪咁望住我！
依個女仔樣貌同香香有得“揮”呀！佢幾時入黎架？頭先佢係度咩？重點係仲要長得咁正！ ！再加上她正用雙臂抱著我，嘩，爽死喇！
“求求你，放過我主人！佢一時做錯野啊！”那女孩子帶著哭腔求著我。我仔細睇清楚d，我才注意到佢頭上有著兩隻毛茸茸的棕色狐狸耳朵！咦，竟然係果隻救我既小狐狸！
“孫仔！小心呀！”祖先一聲大喝把我的思想打斷了，眼前的大狐狸突然一個前衝，將我撞飛到牆上，順勢將小狐狸咬住！
臭狐搖身一變，又變成了岩岩妖豔女子，用手一邊掐著小狐狸條頸，一邊對牆邊既我大吼道：“你個小賤人唔想睇住佢死既話，就乖乖交出你身上元氣比我吸乾！”
依隻臭狐真係仆街中既仆街，妖中人渣啊！岩岩如果唔係小狐狸還不顧自己拼死救你，你而家已經早登極樂，仲要恩將仇報！我最討厭依種人，更何況你唔係人呢！
“我再比多次最後機會你！放低佢，唔係既話你死硬！”我的語氣極度強硬，雖然而家係女孩子聲音，但卻充滿男子氣概！
“呵呵，你？好呀！好呀！你快d殺死我啦！睇下我掐死依隻小雜種先，定你殺我快d！黃泉路上有個伴都唔錯！呵呵呵！”臭狐又顯出一副嘲諷姿態來。
“啊，，，啊啊”小狐狸發出一陣陣痛苦既聲，臉上也顯出非常痛苦的表情。
“唰”，臭狐身後突然出現了一團藍火，同時立刻融合凝成了一把藍色火焰長劍，以極速之勢直接刺穿臭狐的腹部。
“啊！！藍火，你，，你幾時....幾時係我後面...啊！”臭狐慘叫對著我斷斷續續地說
“我話左比你知你死硬架啦，你唔信丫嘛！岩岩我被你打飛既時候，我將藍火藏係你身邊！岩岩只要我稍微一控制，馬上就會再次凝結！係你on99察覺唔到”我對著臭狐講
一瞬間，臭狐被我既藍火由內而外燒得乾乾淨淨，得返一小堆灰
“主人！主人！”小狐狸大聲叫，拼命向佢主人化為灰燼的方向爬去。
“而家你自由了，d咁既人渣唔配做你既主人，對你只係一個奴隸都不如。”我淡淡對著佢背影講
“孫仔，最好收左依隻小狐狸係身邊，佢身上能力好大，之後可以好好幫助到你！”祖先語重心長講
“就算我想帶佢走，佢都唔一定同意啊！？”
“好啦咁等我黎同佢講，你將我放係地上。”
呃.....我有d尷尬，要我拎飛機杯放係果靚女面前？唔係掛，加上我而家係女仔，收埋個飛機杯係身上，一定被以為係變態！我仲係度猶豫中
“孫仔，仲等咩？快d放我出黎”祖先不停催我
我唯有硬著頭皮，我掏出飛機杯，穩穩地放在了地板上。
“孩子，跟我地走啦，我地唔會傷害你架，從今以後我會保證唔會比狐族掂你一條毛。你大可放心跟我地走。”祖先此時的話顯得極其有磁性，只係語調就非常的有說服力和吸引力！
“真係？真係唔會比狐族再抓住我？”小狐狸突然轉頭弱弱的問道
嘩，屌，依一轉頭真殺死萬千宅男心呀！眼角凝結著眼淚的大眼睛，配上佢害有些期望既神情，簡直係一槍將我的防禦擊碎！
咦，佢冇發現祖先係隻飛機杯？見小依對飛機杯毫無反應！我明白喇，可能佢世界入面，根本冇接觸過依類野，佢應該當一個普通既杯一樣，好彩我安然又過一關！
“依個係肯定，既然我祖先都咁講，我地講得出做得到，我會拼死保護你！”我樂呵呵向佢許下承諾，其實我唔知道乜鬼狐族，到底有幾恐怖。
“咁，，咁你係我新主人喇！”女孩突然轉向我，搞到我害羞低下了頭！主人？好女僕feel ，嘿嘿！但比其他人聽到以為我極級毒男，加上我而家係女仔，感覺有d奇怪
“啊，唔好唔好，唔洗叫咩主人喇，我地當做個好朋友，好唔好？！”我問小狐理
“咁，咁你即係唔肯接納我囉？，嗚嗚，，嗚。果然我邊會咁好彩遇到d咁好既事，，”小狐狸又開始抹起眼淚
哎呀，眼淚攻勢係我弱點，我是見有女仔喊我要大獲喇，一遇到依種情況我一定會手忙腳亂！
“咁，咁咁，好啦，我係你新主人喇，唔好喊啦。”我笑著摸了摸佢頭
“真係架？！太好喇，主人！我洗衣做飯我咩都會做！”小狐狸立刻變得高興起來，臉上既笑容也是美得無懈可擊！
“係喇，你叫咩名呀？”我轉頭問道
“主人，我叫小雜種。”女孩笑得好開心