一教瞓醒變妹妹<<少少甜，卜卜脆>>: 第二十一章 紫霧

第二十一章 紫霧

“依度已經唔安全喇，我地快d走啦！”捉妖人向住我地大叫。

由於琴日係芙蕾雅湖見識過真正既妖怪，我地幾個毫不猶豫，立刻拎袋就向酒店外面跑去。

“唔會又撞返琴日果隻妖怪吧？！”香香顯得害怕極了

“依度有很重既妖氣！估計應該比琴日果隻更麻煩！”捉妖人一邊跑一邊同我地講





我地跑得很快，但係餐廳人都冇人注意到我地，佢地既注意力已經全部被天上的紫色漩渦所吸引住。就算我地現在話比佢地知有妖怪，估計佢地都唔會相信我地。

“快d！前面就係出口，記住！一定唔好跑去陰影既地方，直接往太陽地跑！陽氣比較盛有利我地”捉妖人再次向我地大叫。

由於我地當中香香速度不是很快，導致我地整體速度都要降下去。即使係咁，我們都仲係很快衝出了酒店的大門！

一衝出大門，我們立刻呆住左！

只見前面原本陽光燦爛廣場大道，現在已經被大片黑暗遮蓋着！而且僅存只一點有陽光地方正迅速的消減！





“仲發呆做咩？！快d跑啊！”捉妖人對我地大聲叫

一個激發，我地幾個當然拔腳就跑啊！我地跑到腳下被陰影覆蓋地面時，我地走上去簡直是像走在沼澤地裡一樣舉步難行！

我回頭望一望酒店餐廳，只見裡面烏煙瘴氣，有一朵紫色雲彩飄入去！而且裡面所有人都躺在地上，唔知係死左定係暈左！

紫色雲霧又從我地岩岩跑出黎既酒店大門飄出來，好似一條紫蛇一樣飄出黎，佢好似在生命咁，搵緊目標既感覺

“睇黎依紫團野目標係我地！”靈風對著我地講





“睇個勢就似！但係點解要搵我地做目標？！”捉妖人不解

依個問題其實而定只有我同祖先先知道，依團紫色雲霧目標唔係你地，而係我！！

我地腳下條路變左好似沼澤一樣，所以跑步的速度一定冇紫色煙霧追我地咁快！

一分鐘唔洗，團紫煙霧就飛到我地身邊，之後就圍著我地繞一圈，將我地包圍住。

我望一望岑麗香，佢躲係我身後，顯得非常驚，不停震抖着，靈風，班長同捉妖人神情也非常嚴肅，我地既局勢非常嚴峻！

“喂，大龍躉，你唔係識捉妖咩？而家點做？我地點走！”靈風斜眼望一下捉妖人

“依個應該係狐妖！但係我而家都唔知點算好多！？”捉妖人顯得有點為難

“你做乜都係一半半啊！一陣法器冇帶，一會又唔知冇帶乜野！”靈風又串下捉妖人





“收聲啦，靈格風！”捉妖人面紅耳赤說

唉，依兩隻野，而家情況危急仲係度互罵！個腦生到屎忽去，還要互相嘲諷！但係因為佢地，現場的氣氛稍微輕鬆一d！

我鬆一口氣既時候，四周紫色雲霧突然向我地衝過黎！隨即我就感到有一隻手一把攬住我腰，然後向後一收，立刻我隻腳就離開左地面！

“都互相抓住！唔好起散呀！”我聽見捉妖人大叫，

我立刻就抓緊攬住我既人手臂，因為我當時以為係捉妖人或靈風既手！

然後我突然覺得好眼瞓，好攰，最後就瞓着左。

唔知過左幾耐，我感到好似有野係度舔我隻手！我立刻驚醒起來！what ? 我是徹底驚呆！





因為眼前既變化太大喇！我現在身處係一個四面牆壁都係巨型大石頭的大房間裡！同時我環掃㐧視一下，竟然發現有一個小狐狸從我身邊迅速跑走！估計應該係有野係度舔我隻手既野就係佢。

幸好我背包仲係度！祖先仲係我背包，真係好彩！

“孫仔，你醒啦！”祖先見我做左起身動作，慢慢地說到

“依度係邊到黎架？唔會係妖怪屋企掛？！”我緊張的問

“你仲好意思問我？你捉住人地妖怪既手！佢唔捉你返自己個窩至奇啦！

下，原來我唔係捉到靈風或捉妖人既手，係妖怪隻手！屌，咁而家點算呀啊？

“你要小心d！孫仔！今次唔係上次係芙蕾雅湖既二打六，依次係一隻正正常常既大妖怪！”

“上次果個係二打六？我都係靠你口元氣贏佢，雖然而家我有你口元氣，但我可以打贏佢嗎？！”我急切的問道





“以你而家既能力唔係問題，問題係你現在運用唔熟練啊！即係得物冇所用。”

我正想講野之際，突然聽到耳邊一陣響動，我立刻警覺地把頭轉向了聲音來源方向，聲音越來越近，從房門口方向傳出黎，慢慢的，緩緩地，但是又非常清晰——腳步聲