《香港革命戰》(上): [20-咫尺之遠] PART 3
同阿月上返車之後，扣上安全帶...
「為了SPIRIT!」聽住杜易民用盡全力高呼後...
“吼...吼!”Aston Martin立即撤離現場。
喺回程途中，阿月一直都無出過聲。
望一望身上染有血跡既阿月，好似跳左制咁無晒反應...
究竟阿月諗梗D乜?
仲駛問?緊係諗梗嗰個李飛揚。
久別重逢，竟然就要遇上生死關頭，再冷靜再理智到好似阿月咁既人都會Load唔切。
睇黎阿月真係好愛嗰個李飛揚...
*叮*「注意，系統將會offline。期間將不能再使用任何程式，請小姐小心。」
終於都離開地獄，返返黎比較安全既地方...
阿月對眼仲係咁空洞...
我唔敢打擾佢冥想，我怕會令到佢做出難以預測既行動...
例如徒手打爛架Aston Martin…
雖然阿月睇起上黎弱質纖纖咁，但我成日都覺得佢係一部人間兇器，唔知點解硬係有呢種感覺。
不過頭先見到佢喊得咁厲害，我都幾驚訝...
我從來都無諗過阿月會喊，因為只有懦弱既人先會流眼淚...
原來阿月都有懦弱既一面，當面對愛情既時候。
係唔係每一個女人都係一樣?
就算係堅強、理性、固執如阿月咁既女仔，面對愛情都會變得懦弱?
呢個係女人既弱點...
更加係阿月既致命弱點...
如果係咁既話，係唔係應該可以多加利用呢?
唔好話要威脅阿月做D乜野，箝制一下等佢唔好咁狂傲都好...
“颼”好快又黎到小欖。
阿月雙眼望住既方向...山頂?
木無表情既阿月一直注視喺小欖山頂上。
空洞既雙眼好似黑洞一樣...
仲諗梗尋日李飛揚曾經上過去?
睇黎阿月已經滿腦子都喺嗰個李飛揚...
好啦好啦~我唔可以唔承認我有時都會為阿月感到心酸。
呢一對禁忌既戀人相愛不能愛都真係幾慘。
歷史中都有好多呢D悲慘既愛情故事曾經發生過。
羅密歐呀，羅密歐!點解你要係羅密歐?
茱麗葉呀，茱麗葉!點解你要係茱麗葉?
兩個人既愛唔係單單隔住一幅牆，仲要隔住喺一個時代、一個亂世、一個制度、一個宿命之中...
係上帝既巧妙安排?
定一或係魔鬼既精心惡作劇呢?
唉~雖然話我都好登你地兩個難過，但我都無辦法...
因為我都有我既背負...
我都有我既使命!
泊好架Aston Martin，穿過折疊之門，我同阿月又返返黎呢個黑暗既世界...
「我要進入INTRUDER。」阿月冷冷放下一句就行左去。
見阿月咁冷酷，我都唔係好敢打擾佢...
只係希望佢唔好唔記得要對外連接既話，就只有三分鐘時間就好喇...
你知喇，一個感情用事既女仔係好易乜都唔記得...
企喺聚合反應堆(西部)出口，目送住阿月既背影，其實我都有D野要搞清楚...
『阿風，過黎我道。』我立刻透過思緒同阿風連接。
「我忙梗丫~做咩事?」阿風有D唔耐煩咁。
『叫得你過黎就緊係有重要事啦!快D過黎!』呢個阿風真係越黎越似阿月咁自把自為!
「好喇好喇好喇你等等我!」我未等到阿風講完就終斷連接。
究竟而家屯門領域，仲有幾多人可以信賴?
呆企左喺聚合反應堆(西部)出口好一陣子...
「喂!搵得我咁急究竟咩事?」終於見到阿風既身影跑梗過黎...
『出去先講。』我向住折疊之門既機關行過去。
「有咩唔可以喺道講架?又出去既話好浪費LILITH架!」阿風跟住我後面。
『叫得你出去就出去喇咁多野問!』我無理會阿風既質疑，開啟折疊之門。
同阿風行返出黎黃金海岸...
「陽光!真係好耀眼!」阿風擋一擋住D陽光。
睇黎阿風太耐無出過黎。
「做乜無啦啦叫我出黎?」阿風行到去一個陰影下擋陽光。
『捉你出黎曬下太陽呀!』睇你丫，就黎變德古拉架喇!
「痴線架咩~咁無聊捉人出黎曬太陽!我無你咁好氣，返入去先!」阿風想走去開折疊之門。
『等等先!真係有正經野想同你傾架!』我捉一捉住阿風。
「咁係咩丫?」阿風又行返埋去個陰影位。
『我想話我頭先咪副作用發作既?』我開始向阿風講出我既情況。
「嗯嗯...」阿風點一點頭。
『其實唔係副作用發作...』我再講得深入D..
「咩係副作用又唔係副作用丫?你想講咩丫?」阿風送我一對冷眼...
『則係話同平時產生副作用既情況好唔同囉!』咁都唔明!阿風唔係好聰明架咩?
「乜你平時副作用既產生既時候唔係接近無意識架咩?點解你會覺得有唔同?」阿風開始用腦思考。
『就係咁先奇怪!我係好記得頭先發生過咩事!』我顯得相當好奇!
「你話你有記憶?你記到副作用發生梗既情況?」阿風感到好奇。
『嗯嗯!我見到我喺出面!』我確實好記得嗰陣時見過D乜!
「你係話你見到身處既環境?」阿風疑惑咁問。
『唔係!我見到我喺架車入面!』呢個絕對唔係我當時身處既環境。
「等等先，你係話你記到你產生過既幻覺?」阿風繼續發出疑問?
『唔係幻覺，我係見到我係喺架車入面，嗰架仲要喺李飛揚架車。』我知道呢個唔係幻覺。
「等等先，你係話你幻覺喺李飛揚架車入面?」阿風更加困惑。
『唔係，我確確實實喺係李飛揚架車入面!我可以肯定!』我好堅定咁望住阿風。
「無可能，無可能會係事實。應該話要你記得喺副作用期間既事已經係無可能。」阿風不斷咁擰頭。
點解阿風可以咁肯定呢?
「你要知道，當你副作用發作期間，你既腦部功能係近乎完全失效。你無意識，無感知，就只有一D神經反射痛楚令肌肉運動，你係唔會有真實感覺。」阿風繼續擰頭。
『但有陣時，我喺發作期間都會出現一D影像...』我記得係有...
「除左呢次，你仲記唔記得見過D乜?」阿風打量下我。
『我…我....』突然又噏出口...
「嗰D只係你將近醒來所產生出既回憶影像，係腦部未能及時適應突然回復正常運作所產生出黎既反射反應...只有好短暫，而且過左幾秒，你就唔會記得返你產生過咩影像。」阿風作左個好詳細既說明...
好老實我當然唔明阿風講梗乜啦...
呢方面既學問對我黎講真係太過高深...
『但我真係仲好記得我真係喺李飛揚架車入面，仲要...好似入左佢身體咁睇住佢睇到既影像!』就好似第一身視覺咁!
「你係想話你同李飛揚連接左?」阿風又打量左我幾眼。
『嗯嗯!』我諗就係咁既意思。
「更加無可能!莫講話連接到見到佢望梗乜，就連要接通思緒都無可能!你要知道我地裏面要同呢道既小隊連接思緒都唔係易事，仲要去到再遠D既位置?無可能!」阿風又擰擰頭。
『但我真係可以好肯定喺見到李飛揚追梗我地架輕型貨車!而且當我同阿月趕到去，佢地真係出左事!』呢D都係鐵一般既事實。
「咁佢地有無事?」阿風有D緊張。
『行動小隊既三名行者都犧牲喇...最後既容器都無埋...但我救返李飛揚...用沒藥...』浪費我一支珍貴既沒藥救一隻惡魔!
「係丫…又花上左一支沒藥呢...」阿風嘆一嘆口氣。
『無辦法...當時既情況，唔用沒藥救佢既話，佢會死...』我都係唔多情願...
「係咁都無辦法喇。李飛揚死左既話，所有野都化為烏有...」阿風點一點頭。
就連阿風都咁講，我呢個做法都唔會有錯。
『其實我地都可以同防禦者RU同步，咁我都有可能同李飛揚同步架。』我始終都好介意呢一點。
因為如果真係得既話，真係俾我地研究到既話，我地就可以直接控制李飛揚去啟動審判程序。
「理論上係可以，由其係你同李飛揚既關係。你同李飛揚既原核DNA接近相同，基本上真係可以做到同步。呢種係生物科技科學其中一門...」阿風諗左一諗...
生物科技科學?!
死喇...睇黎又要聽一大堆唔明既理論...
「好耐以前有一種學說，叫心靈相通。其實就係因為兩人或多人既原核DNA太過相似，所產生出黎呢共嗚作用。就算喺遠方，都會有一種感知聯繫...」阿風又諗左一諗...
『嗯嗯...』果然唔係好明...
「理論上，只要加上一D儀器將兩人或多人既共嗚加強，係可以聽到人地心裏面諗梗乜，見到D乜，甚至控制到他人行動...」阿風又諗左一諗...
『嗯嗯...』呢D理論好熟口熟面...
「而我地其實都有做到...我地既思緒聯繫就係呢方面既技術既其中一部份...」阿風點一點頭。
『係喎!』無錯喇!
我地既思緒聯繫技術...我地一直都有用梗呢方面既技術!
咁則係有可能控制到他人行動啦!
「不過事實上唔係你諗得咁簡單...思緒聯繫技術只係好表層既技術...莫講話要控制到人地行動，就係要去到可以見到人睇梗乜都已經太高難度...」阿風擰一擰頭。
『點解咁講呢?我地都可以同到防禦者RU同步啦!』要同個人同步應該唔係咁難姐...
「我地之所以可以同防禦者RU同步，係因有賴阿月將防禦者EU與EVE系統既連接中斷，令到防禦者EU變成一個無靈魂既軀殼先可以同步到。但活生生既人唔同...佢地有靈魂，有獨立既思考...」阿風擰一擰頭。
有靈魂...
有靈魂既人係唔可以被控制...
「前人已經試過好多次呢D實驗，結果導致有好多人都思緒錯亂...有D就神智失常，有D直頭變成無靈魂既軀殼...」阿風表現得有D慌張...
無靈魂既軀殼...死一人樣...
「呢方面既研究實在太危險，而且浪費太多資源...莫講話要連去出面，我地自己SPIRIT...甚至屯門領域內部都唔好諗...」阿風猛擰頭...
真係咁可怕咩?
雖然阿風咁講，但我硬係覺得阿月係有辦法...
甚至乎佢已經研究...整好再添...
始終INTRUDER好強大，比想像中強大得多…我親身體驗過...
「你都係唔好諗咁多喇~就當一切都係幻象...幻覺啦~」阿風嘆左一口氣...
一切都係幻象..幻覺?
如果真係就好喇...
望住被陽光照射下既大海，有D慨嘆，究竟乜野係真，乜野係假?
我地生活係結界入面，好多野都好似唔真實。
有好多野我地都唔清楚。
我地控制唔到...
我地只可以一直做研究、做實驗、做分析。
甚至乎因為我地既無知，搞到我地要面臨自取滅亡既險境。
但相對喺地獄，喺地獄生活既奴隸好似更加虛幻。
眼前所望到既都係謊言、假象。
就算你係好清楚明白，你都唔可以反抗，唔可以拆穿。
你只可以乖乖地跟住惡魔定下既不公平規條生存，為惡魔賣命。
好唔真實，一個完全無公義既社會真係好唔真實。
最唔真實既係點解一開始既時候無人作出反抗?
就喺權力仲未形成之前，未穩固之前，就應推翻佢!
點解要等到而家，等到我地黎收拾殘局?
「要傾呢D野既話，其實喺控制中心傾咪仲好~起碼嗰道可以用圖表分析嘛~出到呢黎道空無一物，幾咁唔方便!」阿風冷理呢處既自然美景。
『我就係唔鍾意睇住一個又一個唔知代表乜既圖表。』事實上我係唔想俾阿月知道我諗梗乜。
我已經肯定左阿月係可以透知我地每個心內諗D乜。
唔好話可唔可以透知到我地心內諗乜，至少一定可以聽到、睇到我地講梗乜、做梗乜。
就喺尋日置身喺INTRUDER睇我地屯門領域之後，我就知道INTRUDER可以有幾咁強大...
只要喺INTRUDER就可以喺屯門領域裏面無處不在...
如果使用者係阿月既話，仲可以發揮到幾多能力?
真係唔敢想像...
所以話，我情願喺呢個乜都無既荒蕪之地，望下天，睇下海，分析下局勢好過。
始終阿月太過危險...
有如EVE能量一樣咁唔穩定既阿月係最危險...
TO BE CONTINUED