讓我們再一次熱血，可以嗎?: Chapter 9
「咁你條絕世好橋又係乜呀洛哥。」雄仔開始被講服，想聽聽洛哥的意見。
「我今朝就係困喺你屋企，想搵你條鎖匙搵唔到，發晒脾氣，到後來我喺茶餐廳一路食野一路諗，如果可以將呢種逃出密室既遊戲發展，唔好局限喺網上或電腦既世界，而係將佢變做實境場所，咁應該會好玩好多。」洛哥解釋說。
「咁邊度有地方比你佈置呀?唔係用嗰層唐樓下嘛。」
「求其工廠大廈咪得囉，一來平租，唔需要數百萬既研發開支，如果一個唔好彩捱唔住，可以偷雞租比人頂住先，起碼唔會輸死。」
「咁又係，但有冇人玩架，始終香港未有做過。」
「未有人做過咪由我地做囉，譚中當年都冇人入到總決賽咪又係我地入到。」
「但我驚冇人玩，始終係一門生意。」
「其實唔好淨係睇佢係一門生意，呢個係一個再教育既工具。你睇下而家既人，平時最大既娛樂就係對住部電話打Candy Crush，P&D，將所有空閒既時間投放喺一啲虛疑既野上面，玩Candy Crush叻有人工加咩?過左關會同身邊既人關係好啲咩?我地呢個計劃首先就係要將呢班人既Focus，由一個五吋既屏幕帶番到現實既時空，唔好再浪費時間喺啲電腦程式上面，就算要玩都用現實既場境玩，如果呢單野掂左，幫到啲人唔再做低頭族都好吖。」
「又好似幾有道理。」
「唔止添，你有冇發覺而家啲人同朋友食親飯都拿住部手機篤篤篤，完全無視其他朋友既存在，好似搭枱咁，咁要啲Friend黎做乜?又點解同佢地維繁住呢份雞肋咁樣既關係?
呢個密室遊戲，就係要令到一班人，處喺一個密室之內，一齊去傾點解去搵線索一齊諗偈點樣克服每個難關去離開呢個房間，我要佢地做一樣野，就係溝通。我希望呢個遊戲可以帶比佢地既，係一個同朋友再一次溝通既機會!」
時代變了，仍記得我們跟朋友玩何濟公的日子嗎?仍記得學生時代到仙跡岩點一杯珍珠奶茶跟同學坐上個多小時聊天的日子嗎?
從前沒有那麼多數碼產品，我們尚有時間令自己的腦袋或心靈休息一下。現在科技發達，只要有一部手機在手，連僅餘讓自己人生沉澱的時間也乖乖地奉獻出來。
放工了，在回家的車程中打一回手提遊戲…
寂寞了，在Whatsapp的聯絡人清單中找一人談天說地…
悶了，打開蘋果動新聞看一看即時新聞…
我們害怕寂寞，所以用手機的不同資訊去充塞我們的腦袋…
我們害怕無事可幹，所以用手機佔據我們的時間…
我們被工作迫得透不過氣，所以打開遊戲讓自己抽離一下…
我們還有多少時間，可以真正的，和自己的心靈交流?
我們自己想要甚麼?我們對生活有甚麼看法?
我們大概，已經被手機…訓練得讓我們對生活、對自己，冷酷無情，把自己和世界隔絕。
無情得…在手機屏幕打上大笑的Emoj的時候，面上卻找不到一絲笑容。
為何我們不能感受一下生活，感受一下真實的世界，感受一下自己內心的呼喚?為何不能先抬抬頭，在失意時感受一下天空的陽光?在快樂時展現一下笑容?
有多久沒有跟知心促膝長談?有多久沒有和自己詳談?又有多久，把心思放在現實不過的現實?
你不是真的快樂，你應該脫下你穿的保護色，對嗎?
可否嘗試找一天，關掉手機的網際網絡，真心聽聽自己的聲音，打一通電話聽聽朋友的聲音?
「我明你意思喇，呢條橋唔知Work唔Work，但喺香港真係冇人做過。」雄仔依然有所猶疑。
「雄仔，呢樣野喺香港冇人做過，但唔代表行唔通，唔一定要人地做左你先做。你諗下有邊個好似我當年咁變態去Train大家?冇!我係第一個，結果我地做左啲咩成績出黎?如果我地當日因為想好似其他人咁而懶懶閒咁出席訓練，你只會比學校記一個濕尻優點架乍!我唔會自己唔得，直至到，我試到得為止!」洛哥再次用當年的金句提醒自己和雄仔
「唉得啦，過去既野唔好再提，搞到我都有少少想喊，就試下啦。」
他們決定動身前，香港並沒有實地逃出密室的玩意，但他們做夢也想不到，這次會為他們在日後帶來成功，更創出香港的一個風潮。
「屌你老味，我OT完八點收工，而家仲要同你喺度搬搬抬抬。」雄仔一邊工作一邊咒罵，他們在達成共識後立即租用觀塘一個工廈單位，著手準備逃出密室遊戲，雄仔便是每天下班會合洛哥到單位工作。
「唔使問候伯母下嘛?而家追夢呀你估打飛機咁易咩?」
「人老喇，我以前咁懶而家仲要一日做十幾個鐘，命都短幾年。」
「咁不如你放棄囉!至多出左既所有Cost我比番你。」洛哥挑釁說。
「你痴線!」
有人說過，這個世界沒有懶人，只有未找到目標的勤奮之人。如果你真的有一個夢想很想去追很想去試，你絕不會介意早起睌睡去完成那件事情。那個完成夢想的推動力，比世上任何一個早上叫你起床的鬧鐘更加有效。而那個夢想，更是你延緩衰老的最佳良藥。
衰老，是上天看見你侈奢得連夢想都不願意努力去實現，而把你的行動力慢慢收回。
看見過很多為夢想而忙得不可開交，但累得滿足的人。卻沒有看見一個無所事事，而精力充沛的人…
你有見過雙眼有神的喪屍嗎?
你今天累得…有價值嗎?
如果連累的價值也談不上咀邊，你，已經死撚左喇!