[真人真事][校園][純愛]《婚宴上的重遇》: 第八十三章
話說有一次
![](https://lihkg.com/assets/faces/xm/oh.png)
大概係2014年左右,
有一日我無啦啦俾人加左落去一個whatsapp group度
![](https://lihkg.com/assets/faces/xm/oh.png)
寫住係6a班group咁樣,
咁我就知係中六中七個班同學
![](https://lihkg.com/assets/faces/xm/angel.gif)
當時第一時間梗係諗,
唔知若凝係咪度啦
![](https://lihkg.com/assets/faces/xm/wonder.png)
我見嗰度有好多個人,
亦都唔見若凝以前個電話號碼
![](https://lihkg.com/assets/faces/xm/oh.png)
有兩個可能性,
一就係佢換左電話號碼
![](https://lihkg.com/assets/faces/xm/frown.png)
二就係佢冇被人加入嚟
![](https://lihkg.com/assets/faces/xm/dead.gif)
咁我梗係想佢只係換左電話號碼啦
![](https://lihkg.com/assets/faces/xm/angel.gif)
之後諗諗下咁落去唔係辦法,
突然之間諗到個方法,
咁係咩方法呢
![](https://lihkg.com/assets/faces/xm/wonder.png)
我決定私底下whatsapp 個group嘅管理員
![](https://lihkg.com/assets/faces/xm/clown.png)
我:「你係邊個
![](https://lihkg.com/assets/faces/xm/wonder.png)
管理員:「我係班長呀
![](https://lihkg.com/assets/faces/xm/clown.png)
係咪發左達唔認得人
![](https://lihkg.com/assets/faces/xm/wonder.png)
我:「痴線做到隻狗咁
![](https://lihkg.com/assets/faces/xm/dead.gif)
點解你有我電話嘅
![](https://lihkg.com/assets/faces/xm/wonder.png)
班長:「都係一個搭一個咁樣
![](https://lihkg.com/assets/faces/xm/clown.png)
有啲我就喺面書搵佢
![](https://lihkg.com/assets/faces/xm/angel.gif)
我:「個個都有加
![](https://lihkg.com/assets/faces/xm/wonder.png)
班長:「係呀,
仲細咩喺度玩分化
![](https://lihkg.com/assets/faces/xm/dead.gif)
梗係個個加晒
![](https://lihkg.com/assets/faces/xm/angel.gif)
我:「可唔可以話我知邊個打邊個
![](https://lihkg.com/assets/faces/xm/wonder.png)
冇個識
![](https://lihkg.com/assets/faces/xm/clown.png)
班長:「逐個逐個打出嚟我可以去食屎
![](https://lihkg.com/assets/faces/xm/dead.gif)
我喺group嗰度叫佢地自己報到啦
![](https://lihkg.com/assets/faces/xm/clown2.gif)
我:「點解無啦啦開group嘅
![](https://lihkg.com/assets/faces/xm/wonder.png)
班長:「冇呀,
見各位咁耐冇見
![](https://lihkg.com/assets/faces/xm/angel.gif)
咪開個group加大家
![](https://lihkg.com/assets/faces/xm/angel.gif)
傾計又好,
得閒出嚟食飯都好丫
![](https://lihkg.com/assets/faces/xm/angel.gif)
我:「原來係咁
![](https://lihkg.com/assets/faces/xm/hehe.gif)
之後班長真係喺個group嗰度叫佢地報上名來
![](https://lihkg.com/assets/faces/xm/oh.png)
咁個個都好守規矩,
我就跟大隊啦,
都有講低自己係邊個
![](https://lihkg.com/assets/faces/xm/angel.gif)
然之後就繼續等,
不過我等下一個,
等下又一個,
都仲未見到若凝
![](https://lihkg.com/assets/faces/xm/frown.png)
直至到我沖完涼出嚟,
見到一個留言
![](https://lihkg.com/assets/faces/xm/oh.png)
「大家好,我係若凝.」
跟住我就二話不說,
即刻save低佢個聯絡人資訊
![](https://lihkg.com/assets/faces/xm/angel.gif)
果然佢真係換左電話冧把
![](https://lihkg.com/assets/faces/xm/oh.png)
之後就梗係去睇下佢個whatsapp頭像,
都係自己一個人喺唔知邊度影相,
就咁睇佢同以前差唔多
![](https://lihkg.com/assets/faces/xm/oh.png)
都仲係咁靚
![](https://lihkg.com/assets/faces/xm/angel.gif)
仍然係我腦海中嘅佢,
可以嘅話見到真人會清楚更多
![](https://lihkg.com/assets/faces/xm/angel.gif)
但依家已經好心滿意足,
原本我唔應該有佢嘅電話
![](https://lihkg.com/assets/faces/xm/frown.png)
因緣際會下,
我得到呢個意外嘅禮物
![](https://lihkg.com/assets/faces/xm/angel.gif)
點會仲要求咁多野丫,
我聽過有人講一句說話
![](https://lihkg.com/assets/faces/xm/oh.png)
每個人都會有一個電話,
係你永遠都唔敢打,
但係永遠都唔會刪除,
以前我覺得好戇居
![](https://lihkg.com/assets/faces/xm/dead.gif)
唔打留嚟做乜
![](https://lihkg.com/assets/faces/xm/wonder.png)
依家我知點解喇.
之後呢班中學同學間唔中會出嚟班聚
![](https://lihkg.com/assets/faces/xm/angel.gif)
我間唔中都有浦頭
![](https://lihkg.com/assets/faces/xm/angel.gif)
一嚟真係想聚舊啦,
但更多嘅係,
我好想藉住呢個機會見返若凝
![](https://lihkg.com/assets/faces/xm/frown.png)
當然我係一次都冇見過佢
![](https://lihkg.com/assets/faces/xm/frown.png)
有時喺個group,
有啲人會話今日嚟唔到,
若凝係其中一個
![](https://lihkg.com/assets/faces/xm/frown.png)
我唔通臨時唔去咩
![](https://lihkg.com/assets/faces/xm/dead.gif)
咁樣盲嘅都知啦,
每次話有班聚,
我都好希望若凝會嚟
![](https://lihkg.com/assets/faces/xm/angel.gif)
但係佢真係冇嚟過
![](https://lihkg.com/assets/faces/xm/frown.png)
久而久之我都唔敢太樂觀
![](https://lihkg.com/assets/faces/xm/frown.png)
有時我都會特登撳入去若凝個whatsapp度,
我都唔知為乜野要咁樣做
![](https://lihkg.com/assets/faces/xm/dead.gif)
有幾次我都見到佢在線上,
真係好巧合,
搵唔搵佢好呢
![](https://lihkg.com/assets/faces/xm/wonder.png)
結果最後都係冇咁做到
![](https://lihkg.com/assets/faces/xm/frown.png)
其實有時我都喺度諗,
會唔會其實我已經唔係鍾意佢
![](https://lihkg.com/assets/faces/xm/wonder.png)
只係自己過度美化佢,
因為得唔到先至鍾意
![](https://lihkg.com/assets/faces/xm/wonder.png)
但係我好記得有一日,
我食m記嗰陣,
我聽到有一把好似若凝嘅聲音
![](https://lihkg.com/assets/faces/xm/oh.png)
真係似到十足十
![](https://lihkg.com/assets/faces/xm/oh.png)
嗰一刻我直情以為係佢,
之後我望一望,
原來只係一個普通嘅女學生
![](https://lihkg.com/assets/faces/xm/oh.png)
跟住成餐m記,
甚至一路行返屋企嗰陣,
我個腦又開始胡思亂想
![](https://lihkg.com/assets/faces/xm/frown.png)
又諗返起以前啲野
![](https://lihkg.com/assets/faces/xm/dead.gif)
明明過左咁耐,
已經好耐冇提起,
但係啲回憶真係自己湧出嚟,
喺嗰一刻我先知,
原來自己仲係放唔低佢
![](https://lihkg.com/assets/faces/xm/frown.png)
只係區區一把同佢好相似嘅聲音,
就已經搞到我咁
![](https://lihkg.com/assets/faces/xm/chicken.gif)
根本就冇忘懷過.
咁樣係嗰排
![](https://lihkg.com/assets/faces/xm/oh.png)
我就開左instagram
![](https://lihkg.com/assets/faces/xm/angel.gif)
冇計啦,
毒男一向對住呢啲社交媒體,
係比較遲鈍架啦
![](https://lihkg.com/assets/faces/xm/dead.gif)
我自己都知自己遲玩
![](https://lihkg.com/assets/faces/xm/clown.png)
我係用facebook個account登記,
咁樣就自自然然follow左好多嘅人啦
![](https://lihkg.com/assets/faces/xm/angel.gif)
嗰陣我就睇有邊啲人係有玩instagram,
睇睇下原來若凝有玩
![](https://lihkg.com/assets/faces/xm/oh.png)
不過佢就撳左private,
咁我就即刻整返幅頭像
![](https://lihkg.com/assets/faces/xm/angel.gif)
就用面書嗰個啦
![](https://lihkg.com/assets/faces/xm/angel.gif)
方便易認丫,
之後我都等緊有邊啲人俾我follow,
講到尾其實都係等緊一個啫
![](https://lihkg.com/assets/faces/xm/frown.png)
我望住若凝個版面,
見到仲係「已送出邀請」
![](https://lihkg.com/assets/faces/xm/dead.gif)
真係心急如焚,
直至到見到「已送出邀請」變為「追蹤中」,
我真係yes左出嚟
![](https://lihkg.com/assets/faces/xm/kill.gif)
咁就睇左個佢instagram啦
![](https://lihkg.com/assets/faces/xm/angel.gif)
依家嘅佢,
頭髮有少少啡
![](https://lihkg.com/assets/faces/xm/oh.png)
樣同以前冇變,
但的確係成熟左
![](https://lihkg.com/assets/faces/xm/good.png)
皮膚都仲係好好
![](https://lihkg.com/assets/faces/xm/angel.gif)
行出街仲會認得
![](https://lihkg.com/assets/faces/xm/angel.gif)
不過奇怪嘅係見唔到有男朋友
![](https://lihkg.com/assets/faces/xm/wonder.png)
你知啲女好鍾意晒自己有男朋友
![](https://lihkg.com/assets/faces/xm/dead.gif)
不過我就見唔到若凝有咁嘅現象,
亦都冇打埋啲情情愛愛嘅野
![](https://lihkg.com/assets/faces/xm/oh.png)
不過可能有唔擺上嚟啫
![](https://lihkg.com/assets/faces/xm/frown.png)
老實講我就唔係好信佢會冇男朋友
![](https://lihkg.com/assets/faces/xm/dead.gif)
你知幾多狗公架啦,
之後每次我開instagram,
如果係用唔熟嘅中學同學計,
我淨係會like若凝啲相
![](https://lihkg.com/assets/faces/xm/angel.gif)
其他全部都唔like,
可能係我自己心目中,
想對住若凝與別不同呱,
其實真係好幼稚
![](https://lihkg.com/assets/faces/xm/dead.gif)
不過男仔就係咁啦,
對住某一個人,
仲係會有特別嘅對待,
因為唔想覺得佢同其他人係一樣,
所以就做埋啲咁無謂嘅野.
時間一路過去,
日子都係正常咁樣過
![](https://lihkg.com/assets/faces/xm/angel.gif)
突然之間有一日,
喺我冇預兆之下
![](https://lihkg.com/assets/faces/xm/oh.png)
收到一個結婚請帖,
或者唔可以叫係結婚請帖嘅,
但總之係收到一個消息關於結婚架啦.