[真人真事][校園][純愛]《婚宴上的重遇》: 第八十四章
時間去返2016先
![](https://lihkg.com/assets/faces/xm/angel.gif)
嗰陣大約係七月左右,
有一晚,
我啱啱出完去第二度,
準備搭巴士返屋企嗰陣
![](https://lihkg.com/assets/faces/xm/angel.gif)
突然收到whatsapp
![](https://lihkg.com/assets/faces/xm/oh.png)
咁我見到架車就嚟到,
就上車,坐低埋先睇啦
![](https://lihkg.com/assets/faces/xm/clown.png)
去到上層,
我就拎返個電話出嚟睇下究竟係咩事
![](https://lihkg.com/assets/faces/xm/oh.png)
跟住一睇原來係中六中七同學嗰個群組嘅訊息,
仲要係班長講野
![](https://lihkg.com/assets/faces/xm/donno.gif)
咁我就睇下咩事,
班長:「我同呀欣十月十五號星期六結婚
![](https://lihkg.com/assets/faces/xm/angel.gif)
你地會唔會嚟呀
![](https://lihkg.com/assets/faces/xm/wonder.png)
因為想盡快搞好酒席嗰啲野
![](https://lihkg.com/assets/faces/xm/angel.gif)
邊q個係呀欣
![](https://lihkg.com/assets/faces/xm/wonder.png)
其實佢都係群組成員之一
![](https://lihkg.com/assets/faces/xm/angel.gif)
即係話唔止係校友,
仲要中六中七嘅同班同學
![](https://lihkg.com/assets/faces/xm/angel.gif)
喺度講少少啦,
其實佢同男班長中六尾已經拍拖
![](https://lihkg.com/assets/faces/xm/angel.gif)
估唔到一拍就拍左咁多年
![](https://lihkg.com/assets/faces/xm/oh.png)
大大話話真係六七年,
當初真係估唔到,
佢地可以行到咁遠
![](https://lihkg.com/assets/faces/xm/angel.gif)
唔係話我黑心
![](https://lihkg.com/assets/faces/xm/clown2.gif)
大家都知呢個世界幾多誘惑架啦
![](https://lihkg.com/assets/faces/xm/dead.gif)
中學之後佢地分開左學校,
估唔到都維繫得咁好
![](https://lihkg.com/assets/faces/xm/oh.png)
真係好野
![](https://lihkg.com/assets/faces/xm/good.png)
其實自己好羨慕呢啲由中學拍拖
![](https://lihkg.com/assets/faces/xm/angel.gif)
一直去到結婚嘅愛情,
中間一定要克服左好多考驗
![](https://lihkg.com/assets/faces/xm/angel.gif)
成日以為呢啲係拍戲先有,
估唔到就有個活生生嘅例子喺隔離
![](https://lihkg.com/assets/faces/xm/hoho.gif)
之後就成班同學恭喜佢啦
![](https://lihkg.com/assets/faces/xm/angel.gif)
亦都因為新娘新郎都係我地識嘅,
所以好多人都話會去
![](https://lihkg.com/assets/faces/xm/angel.gif)
嗰陣我梗係最關心若凝會唔會去啦,
因為佢嗰陣仲係未表態
![](https://lihkg.com/assets/faces/xm/chicken.gif)
直至去到我臨落車嗰陣,
我終於見到我想見到嘅野
![](https://lihkg.com/assets/faces/xm/angel.gif)
若凝:「恭喜你地呀
![](https://lihkg.com/assets/faces/xm/hoho.gif)
嗰日會到
![](https://lihkg.com/assets/faces/xm/angel.gif)
原來嗰日若凝會嚟
![](https://lihkg.com/assets/faces/xm/kill.gif)
即刻放下心頭大石
![](https://lihkg.com/assets/faces/xm/adore.gif)
但你知啦,
如果依家我即刻話我都會去,
咁就係人都知咩事
![](https://lihkg.com/assets/faces/xm/dead.gif)
所以我決定都係等幾個人覆左
![](https://lihkg.com/assets/faces/xm/angel.gif)
我先至覆話去,
咁樣應該唔會太明顯掛.
之後嗰個幾兩個月我都冇乜特別
![](https://lihkg.com/assets/faces/xm/dead.gif)
每日都係返工放工,
間唔中先打下機
![](https://lihkg.com/assets/faces/xm/clown.png)
老實講,
其實生活真係冇乜目標
![](https://lihkg.com/assets/faces/xm/chicken.gif)
同細細個幻想嘅野完全唔同
![](https://lihkg.com/assets/faces/xm/dead.gif)
以前自己會幻想到大個嘅生活會好多姿多彩
![](https://lihkg.com/assets/faces/xm/angel.gif)
好有希望
![](https://lihkg.com/assets/faces/xm/angel.gif)
點知原來唔係,
喺香港地你估真係唔使做咩
![](https://lihkg.com/assets/faces/xm/dead.gif)
唔好玩啦
![](https://lihkg.com/assets/faces/xm/bye.gif)
色彩繽紛嘅生活唔配我呢啲窮人
![](https://lihkg.com/assets/faces/xm/angel.gif)
都係乖乖地做一個港奴啦
![](https://lihkg.com/assets/faces/xm/angel.gif)
去到男班長佢地諗結婚前嗰一晚,
我自己喺度諗,
原來我都好耐冇試過有期待聽日嘅感覺
![](https://lihkg.com/assets/faces/xm/oh.png)
即係嗰種「好想快啲到聽日」,
近幾年生活都麻木左
![](https://lihkg.com/assets/faces/xm/dead.gif)
點會好似以前咁樣,
成日對聽日咁有盼望丫
![](https://lihkg.com/assets/faces/xm/dead.gif)
但係今晚真係有
![](https://lihkg.com/assets/faces/xm/angel.gif)
因為我知道我聽日就可以見返若凝,
自從2010年嘅放榜日之後,
我都有六年零三個月左右冇見過佢
![](https://lihkg.com/assets/faces/xm/oh.png)
聽日終於可以再見返
![](https://lihkg.com/assets/faces/xm/angel.gif)
真係等左呢一日好耐,
縱使一切已經返唔到去以前都好,
我都好想再一次見返佢
![](https://lihkg.com/assets/faces/xm/angel.gif)
睇下過左咁多年之後,
有咩變化都好丫,
我唔期望有咩發展,
傾計與否都好,
只係好想滿足自己嘅私慾
![](https://lihkg.com/assets/faces/xm/angel.gif)
可以再見面,
就已經好足夠.
第二朝起身真係零舍有動力
![](https://lihkg.com/assets/faces/xm/hoho.gif)
真係對呢個自己有啲陌生
![](https://lihkg.com/assets/faces/xm/clown.png)
我仲以為自己以後唔會再咁有期昐去應付今日嘅事,
雖然耐冇試過
![](https://lihkg.com/assets/faces/xm/oh.png)
但好彩我都冇忘記呢種感覺到
![](https://lihkg.com/assets/faces/xm/angel.gif)
之前都講過啦,
我星期六係返半日
![](https://lihkg.com/assets/faces/xm/angel.gif)
我唔知係咪真係咁唔好彩
![](https://lihkg.com/assets/faces/xm/dead.gif)
嗰日我要留喺公司耐啲做多啲野
![](https://lihkg.com/assets/faces/xm/dead.gif)
早知係咁我就換定套飮衫出嚟啦
![](https://lihkg.com/assets/faces/xm/kill.gif)
我鬼知今日會ot咩
![](https://lihkg.com/assets/faces/xm/dead.gif)
因為以往係絕少ot,
佢竟然今日先走嚟ot,
可能真係我黑仔
![](https://lihkg.com/assets/faces/xm/frown.png)
之後我就拿拿臨做埋手尾,
因為仲要返屋企沖涼換衫,
大約三點幾就離開公司
![](https://lihkg.com/assets/faces/xm/angel.gif)
平時都鍾意搭巴士,
慢慢咁樣坐喺度聽下歌
![](https://lihkg.com/assets/faces/xm/angel.gif)
放鬆一下
![](https://lihkg.com/assets/faces/xm/good.png)
不過嗰日唔得喇,
因為好趕時間
![](https://lihkg.com/assets/faces/xm/dead.gif)
就算冇得坐,同人迫,
都係決定要搭地鐵
![](https://lihkg.com/assets/faces/xm/chicken.gif)
趕時間係咁啦,
為嘅,
只係唔想再遲多一次
![](https://lihkg.com/assets/faces/xm/angel.gif)
返到屋企,
沖完涼就去廁所執下自己,
睇下有冇邊度唔妥,
一切正常之後,
就再出發去酒店飲宴
![](https://lihkg.com/assets/faces/xm/angel.gif)
同埋去見一個好重視嘅人,
今次唔可以再浪費機會,
唔想好似六年前我喺公園喊嗰晚咁樣,
帶著遺憾去返屋企,
經過六年嘅洗禮,
已經唔會再猶豫.