[真人真事][校園][純愛]《婚宴上的重遇》: 第八十一章

之後,
自己有一刻以為若凝其實係吹水
根本就冇去英國,
直至我見到佢喺面書上載左佢喺外國嘅相,
我先知已經唔可以再呃自己
真係走左喇
佢應該唔係搵佢前男朋友嘅,
因為張張相都係得佢自己
我依家連人都見唔到,
仲諗埋呢啲野,




其實真係好無謂
喺度我不如講呀我之後嘅生活啦
咁我之後就上大學啦,
之前都講左,
大學好難真係再拎個心出嚟交朋友
當時我已經知呢樣野
所以每日都係嘻嘻哈哈咁樣過,
盡量帶住一個面具啦
有咩唔開心同埋煩惱都唔會講,
最慘就係你以為你同佢可以交心,




人地當你傻仔咋
喺背後將你啲野講出去
我仲要喺度讀多幾年
自自然然識做
所以我從來都冇同佢講關於若凝嘅事,
佢地問親我中學點樣,
有冇同女仔曖昧過
我全部都話冇
亦都冇鍾意過人
初頭佢地唔係好信,




但我講左幾年,
最後佢地終於接受左
仲曾經問過我以前係咪基
喺我角度睇,
我寧願俾人誤會,
都唔想再將以前嘅事講一次出嚟
又或者其實係我根本就面對唔到,
所以唔敢講出口,
提都唔敢提.

話說喺讀大學嘅期間
我拍過兩次拖,
唔好問我點解會有人鍾意
其實我都唔知
明明我都係一個毒男




平時野都唔講多句
或者鍾意根本就冇得解
兩次都係女仔追我,
我都係抱住一個順其自然嘅心態
不過兩次都拍唔長,
幾個月就甩左
但係老實講,
嗰陣分手嘅感覺其實唔係好傷心,
甚至乎可以話冇乜影響
至少同我以前經歷嘅冇得比,
嗰陣我就唔知點解咁啦,
依家我就明
好記得第二任女朋友分手嗰陣同我講
「你根本就冇俾我進入你嘅世界.」
佢最後一句係咁同我講




慢慢諗返起,
其實又好似真係
我自己都知衰
好似冇將佢地嘅事放喺心上咁樣
拍拖一個月紀念日唔記得,
佢生日亦冇為佢做好多野
因為嗰日好忙,
最後淨係食放題就算
蛋糕都冇食
有時寧願同呀成,丁仔,呀余佢地打機都唔傾電話,
喺嗰陣,
連呀成佢地都話我唔似拍拖
可能人大左,
唔會好似以前咁樣對身邊嘅人咁上 ,
定其實係對象問題呢




我諗我應該知邊個先係原因
只係冇講啫,
係去到分手嗰一刻,
我先知自己幾唔稱職
唔關女方事
係我問題
難辭其咎
或者咁講,
其實我自己知道點解會拍拖,
你估真係唔識拒絕咩,
唔好玩啦
我唔相信有人係唔識拒絕,
如果嗰個人真係唔想嘅話,
我拍拖嘅主因,
可能係想用另一個女仔嚟取代若凝喺我心入面嘅位置,




我講得出嚟就預左俾人鬧
事實上亦即係抵鬧
咁樣做真係好唔要得,
唔好玩愛情,
愛情亦都唔好玩,
係唔鍾意的話就唔好拍拖喇
真係會害人
所以之後我都冇再拍拖,
冇去追求人,
當然亦都冇人要我呢件蛋散
做返一隻單身狗,
無謂再害人啦
經過今次我知道,
原來搵第二個女仔,
唔代表一定可以取代原本嗰個女仔,
至少喺我身上,
呢一招係行唔通.