[真人真事][校園][純愛]《婚宴上的重遇》: 第七十四章
我:「如果我同你講,
想試下放低佢
你點樣睇
」呀成:「冇話點樣睇嘅
不過你唔後悔咩
」我:「後唔後悔冇人知
但係我唔想再俾若凝牽著走.」
呀成:「即係點唔係好明
」我:「頭先我都講啦
近期發生嘅事,
令我覺得我或者可以同佢拍拖
但原來只係我呢個傻仔一廂情願
」呀成:「咁我都明嘅
但係咩叫牽著走
」我:「唔知你有冇試過啦,
亦都可能係我太戇居
我成日會俾若凝影響到我,
特別係情緒,
好似今次咁,
只係見到佢同另一個男仔攬住,
我就已經咁樣
中毒太深喇
我好想自己管理返自己嘅情緒
唔想再受其他人嘅影響.」
呀成:「有時鍾意人係咁架啦
特別係中學雞
」我:「最緊要嘅係,
佢對佢前男朋友餘情未了,
我同佢基本上已經冇發展嘅空間
咁就無謂嘥時間啦
」呀成:「我驚你第日會後悔
」我:「唔知架
但係依家我淨係想放低佢,
成日喺佢身邊,
但其實自己唔係好了解佢
好似好近又好似好遠
再加上今日見到咁嘅場面,
反正都冇機會,
咁就不如算啦
趁依家時間尚早,
長痛不如短痛
」呀成:「你自己有諗法得啦
始終做決定嗰個係你
唔好後悔就得,
條路係自己揀
」我:「嗯.」
你問返依家嘅我,
我都唔知點解自己會有呢個諗法
可能我嗰陣晏晝見到嘅畫面,
實在真係好大衝擊啦
見到自己鍾意個女仔同第二個男仔攬住,
反應梗係大架啦
愈鍾意就愈大反應
自己嗰一晚喺度諗,
個決定係咪好魯莽
可能係可能唔係啦,
但正如我所講,
反正都係冇機會,
咁就不如早啲斬纜
但係我想講一句,
呀成真係好了解我,
佢一早提左我,
只係當時嘅我冇理會.
返到去學校
大家都仲記得我同若凝係坐隔離,
點會完全冇野講
其實嗰陣內心喺度掙扎緊,
打從心底就梗係唔想同佢完全零接觸啦
有邊個會想丫
但係我自己都知自己嗰啲吊兒郎當嘅性格,
如果唔決絕啲嘅話,
根本就一定唔成功
依家諗返起真係好低b
好記得嗰個禮拜,
若凝叫我做乜野都話唔得閒,
無論係食晏晝好,
平時出嚟行街或者溫書,
甚至係打羽毛球都好
我全部都冇應約
一句唔得閒就算
平時唔係架嘛,
從來都係冇托佢手踭
即使係上堂撩我傾計,
我都係HEA佢
佢都唔係蠢
開始知道咩事,
其實有眼都知咩事
調返轉頭,
如果佢突然間唔理我,
我都知咩事啦
好記得嗰日係禮拜五,
09年10月16日
唔好問我點解咁記得個日子,
日後我會提及
咁嗰日放學,
我就正常返屋企啦
去到一個轉角位,
就見到若凝喺度等我
如果係以前,
我一早行過去啦,
跟住就一齊行街
但係今次我唔係咁做,
我選擇左直行直過,
好似好瀟灑咁樣,
依家先知其實係戇居到冇朋友
當我過左若凝之後,
若凝就即刻出聲,
若凝:「發生左咩事呀
點解呢個禮拜你變左第二個人咁樣
」我:「做咩呀
」我一定要扮到好正常
唔可以佢知我個諗法係點樣,
若凝:「問親你邊度都話唔去,
之前你都唔係咁
」我:「有時真係唔得閒嘛
」若凝:「唔得閒
之前嗰一年全部都得閒
係今個禮拜先開始唔得閒
」我:「係都冇計架喎
我點知咁多點解呀
」若凝:「喺學校呢,
喺學校又得閒喇掛
」我:「你又唔係唔知
仲有半年就考a-level
唔得閒好正常
」若凝:「忙到食晏都唔同我食
係咪真係咁唔得閒
」我:「真係呀
」若凝:「之前又話當我出到聲嗰陣,
會陪我食晏嘅
」我:「之前還之前啦
我點估到今個月會咁唔得閒
」若凝:「其實係咪發生左啲事
」唔知點解,
喺嗰一刻我忍唔住,
真係講左發生咩事
可能俾佢問得多啦,
有少少火火地
所以就衝口而出,
我:「你真係想知咩事
」若凝:「係呀,
點解你會變到咁
」我:「你禮拜六做咩嚟
」若凝:「咪同平時咁,
冇乜特別
哦,
唔通你見到......」
我:「係呀
我真係見到
」若凝:「唔係你諗咁樣
」我:「之前又話你個男朋友點樣呃你
原來已經復合返
」若凝:「唔係呀你估錯晒
」我:「親眼見到都仲有得估錯
」若凝:「嗰日佢嚟搵我,
係因為佢就嚟要去外國讀書,
佢問我可唔可以喺佢臨走之前,
見佢一面
咁既然佢都就嚟走,
咁就無謂拒絕佢
」我:「咁點解會攬住
乜見面包埋攬嘅咩
」若凝:「係佢無啦啦攬埋嚟
佢話可唔可以俾佢攬一分鐘,
我話唔想架
點知佢就一下攬埋嚟
」我:「唔想又唔反抗
」若凝:「既然佢都就嚟走,
又唔係好過分,
一過左一分鐘我就叫佢走
係真架
」我:「好似唔多夠說服力
」若凝:「真係冇講大話,
信又好唔信又好
」我:「我都好想信
但係親眼見到好難信喎.」
之後大家停左一陣,
幾十秒之後,
若凝先再講返野
若凝:「其實,
可唔可以話俾我聽,
點解你要咁緊張
」我:「係囉,
我都唔知點解咁緊張,
明明我同你,
乜關係都唔係
」當時我唔知若凝點,
淨係想快啲走,
我好驚會喺佢面前流馬尿,
所以一講完最後嗰句,
就擰轉頭走左,
青春,
總係會帶嚟遺憾,
回望返過去,
處理真係好唔成熟.