[真人真事][校園][純愛]《婚宴上的重遇》: 第三十五章

之後我上選修堂嗰陣,
我個腦都係咁喺度諗
究竟係咪發生左啲野呢
本身我個人觀察力就唔高
洞悉力亦都好一般
唔係好易睇得出嗰個人係咪唔開心,
亦即係所謂嘅「有野」,
但係頭先佢個反應,
唔知點解
我係覺得佢「有野」




而且我幾肯定,
佢「有野」肯定唔係開心野
因為佢心情好嗰陣好易睇得出
頭先佢一支箭行出去嗰陣,
用面帶愁容都不為過
同埋平時都唔係咁樣嘅,
如果係平日,
佢應該會咁講
若凝:「傻仔行出去咯 」
然之後我就會同佢講返:「不知幾醒




你傻我都未傻 」
若凝:「係喇係喇
不過雖然你咁講,
我都仲係會叫你傻仔 」
我:「講得多我已經免左疫
好彩你係同我講咋,
同第二個講一早返左面
成日都傻仔傻仔傻仔 」
若凝:「我就係知你唔會咁先咁講 」
我:「超




搵日我就爆俾你睇 」
若凝:「你唔會嘅 」
我:「唔好咁老定,
我自己都唔知自己會點 」
若凝:「總之你就唔會啦 」
講完之後我地應該會去到樓梯位
跟住就若凝就會同我講放學之後喺班房等,
因為我地次次都係咁樣
如果臨放學前嗰堂係選修,
而放學之後係有節目,
我地就會喺班房等
一如之前做壁報咁樣,
但係今次唔係咁樣,
佢一支箭咁走左
快到我追都追唔到佢,




直覺話俾我聽一定有野,
但究竟係乜野我就唔知
冇理由係激嬲佢丫
明明啱啱先傾完計嚟
仲話好想食甜品,
定係其實只係我多心,
佢根本乜事都冇
佢行咁快係因為趕住上堂
唔知呀我都好亂,
唉算啦,
都係一陣落堂鐘聲響嗰陣,
拿拿臨返班房搵佢.

好景不常
今次嗰堂竟然遲放左一陣




平時都準時放,
真係頂左一聲
都未算,
上完堂嗰陣,
咁我梗係諗住走啦
我要趕住返班房搵若凝嘛
點知個老師竟然同我講:「xx行幫我將啲簿搬返落去啦 」
好日唔叫我
唔得閒嗰日先搵我
老實講,
平時咁樣搵我幫手,
我真係唔會託你手踭
但今日真係唔得
我好想拿拿臨返到班房搵若凝,
我好驚佢無啦啦走左去唔食野




同埋我見佢頭先係冇拎書包走,
即係話佢落完堂一定會返班房
老師:「幫一次手丫好重呀
邊個叫你頭先喺度發夢 」
我:「邊有發夢 」
老師:「仲話冇
成個人呆左喺度冇抄筆記
要等我提你先記得抄 」
我:「真係唔得閒呀 」
老師:「拿拿聲啦好快咋嘛 」
結果最後我都係屈服左
點解我咁抗拒呢,
話說我地學校個教員室喺二樓
我個班房就喺六樓,
選修堂就喺四樓上




即是話我要先落去二樓,
然之後再上返六樓返去班房
淨係數層數都數死
結果我就拿拿聲拎住啲好q重嘅簿落去二樓先
然之後就一支箭上返去六樓,
結果上到去喘晒氣
不過已經冇時間入去廁所照下鏡
因為已經放左學成半個幾鐘,
都唔知若凝走左未
希望佢未走啦,
我好記得我一路行返入去班房嗰陣,
我個心就一路諗,
「未走未走未走.」
咁究竟若凝走左未呢,
就下回再分解