[真人真事][校園][純愛]《婚宴上的重遇》: 第三十四章

跟住嗰個禮拜大家都要溫書啦
之後去到禮拜四,
早前咪講過嘅,
我同若凝星期五要一齊返去考試
因為佢嗰科同我嗰科係同一日考,
所以就諗住喺星期四,
我地去返上次嗰個圖書館溫書
而喺早一晚,
佢已經問定今日係咪出嚟
咁大家都知我係唔會拒絕




所以我地就出左嚟
今次同上次一樣,
其實我戴嗰本書,
我淨係望住我最熟嗰個課題
之後我就扮晒野喺度望,
但其實我個視線集中喺隔離嗰個度
當然佢都係唔知啦
以為我溫得好專心,
我冇諗住,亦都唔想去解釋
我點解要咁樣做




因為我覺得,
呢啲野同其他人講冇乜用
反正都冇乜人會明
唔明就即係冇共鳴啦
既然冇共鳴的話,
咁樣不如唔好講
咪更加好
而且我覺得,
我有得坐喺佢隔離,
喺有限距離入面,




咁樣已經係最接近
我唔會貧心大家會更加近
亦都唔會好似嗰啲偶像劇咁樣,
男女主角坐埋一齊,
之後大家含情默默咁樣望著對方,
咁樣太over喇
佢係女主角呢一點係無可置疑
但係同時我唔係男主角,
呢一點都係無可置疑
與其係咁樣,
倒不如我自己靜靜地咁樣望住佢
就當我自私,
滿足自己嘅私慾.

之後考試嗰度都唔講咁多




費事俾讀者鬧我拖劇情
咁我地考完試,
第二個禮拜已經派卷
老師改卷個速度真係幾快
咁快已經改晒,
一如所料若凝考得好好
我:「勁喎咁高分 」
若凝:「梗係啦有溫書架嘛 」
我:「咁樣講即係串我啫
即係話我冇溫書啫 」
若凝:「我冇咁講呀
你自己諗多左 」
我:「你叻你醒
大家一齊溫書點解個分差咁遠 」
若凝:「咁樣證明你唔專心囉 」




死喇,
唔通俾佢發現左
我落到去其實唔係溫書,
而係望住佢
我:「邊有呀
溫得好專心 」
若凝:「肯定係掛住望女啦 」
我:「嗰度邊有女 」
若凝:「咁清楚嗰度有冇女即係有望啦 」
好彩佢唔知我係望佢啫
我:「又幾醒,
一眼關七 」
若凝:「係呀
所以你要小心啲呀 」
咁都好啲,




就等佢一直誤會落去啦
若凝:「喂,
放學有冇野做 」
我:「冇呀做咩 」
若凝:「派完卷,
不如出去食下野咯
反正都冇乜野做 」
我:「好呀冇問題 」
若凝:「今日好想食甜野
一陣去食糖水 」
我:「好.」
若凝:「咁放學喺班房等 」
我:「收到喇若凝姐 」
之後好死唔死俾人聽到,
就係我之前提過嘅狗公一號




狗公一號:「食糖水好喎
若凝不如一齊
我知道呀行條死仔冇問題 」
我:「頂你講到好似同我好熟咁樣 」
若凝:「唔好喇 」
狗公一號:「咁算啦下次先啦 」
呢條狗公傻q左
講到好似真係下次真係食咁樣
明明就冇人落實
不過佢面皮真係幾厚
同埋自信爆棚
狗公一號:「呀行其實你同若凝係咪有野架
成日一齊嘅 」
唉,又俾人問呢啲問題
嗰陣嘅我,
打從心底其實就好緊張
但又要扮到好輕鬆
呢樣先麻煩,
如果我將我嘅緊張表現出嚟,
咁就係人都知咩事啦
所以我一定要扮到好輕鬆
我:「冇呀,
大家朋友咋嘛 」
狗公一號:「咁你又唔同我食 」
我:「同你唔係朋友囉 」
狗公一號:「頂你咁直接嘅 」
我:「我知你唔嬲嘅 」
狗公一號:「原來你地冇野 」
我:「點會有 」
狗公一號:「冇就好喇,
咁就唔好阻住我地追女神 」
我:「慢慢 」
之後若凝就一支節衝左出去上選修堂,
呢個舉動表面睇好似好平常,
但其實平時上各自嘅選修堂,
佢係會等我一齊行出去
喺樓梯嗰度先分開,
點解今次佢唔係咁樣嘅?