[真人真事][校園][純愛]《婚宴上的重遇》: 第三十三章
食完早餐之後我地就返去考試
![](https://lihkg.com/assets/faces/normal/angel.gif)
第一日係考中化同埋英文,
全級一齊喺禮堂考
![](https://lihkg.com/assets/faces/normal/clown.gif)
咁啱我個位,
同若凝個位其實都好近
![](https://lihkg.com/assets/faces/normal/angel.gif)
我右邊前三個就係佢,
所以其實都係望到
![](https://lihkg.com/assets/faces/normal/angel.gif)
我又唔會話因為見到佢就考得特別犀利
![](https://lihkg.com/assets/faces/normal/clown.gif)
考試嘅野,
識就識,唔識就唔識架啦
![](https://lihkg.com/assets/faces/normal/dead.gif)
好彩整體上都唔係好難
![](https://lihkg.com/assets/faces/normal/angel.gif)
雖然我禮拜六出左去扮溫書,
搞到我溫少左一日,
不過好彩好多都識
![](https://lihkg.com/assets/faces/normal/angel.gif)
咁當我見到有啲題目唔識嗰陣,
我個心真係冇怪責自己禮拜六出左去
![](https://lihkg.com/assets/faces/normal/angel.gif)
雖然平時好鍾意賴三賴四
![](https://lihkg.com/assets/faces/normal/clown.gif)
但係嗰一刻真係冇
![](https://lihkg.com/assets/faces/normal/angel.gif)
我唔會話因為溫少左一日,
所以就話嗰條唔識做
![](https://lihkg.com/assets/faces/normal/angel.gif)
更加冇後悔禮拜六嘅決定,
講真丫,
大家讀過書都明,
有時溫得耐未必真係條條都識做
![](https://lihkg.com/assets/faces/normal/dead.gif)
最多都係有較大機會啫
![](https://lihkg.com/assets/faces/normal/clown.gif)
點都唔可以肯定
![](https://lihkg.com/assets/faces/normal/chicken.gif)
咁我冇理由用一樣未知嘅野,
去否定我禮拜六嘅決定架嘛
![](https://lihkg.com/assets/faces/normal/angel.gif)
做完仲有時間,
覆完卷之後
![](https://lihkg.com/assets/faces/normal/angel.gif)
咁就梗係周圍望啦
![](https://lihkg.com/assets/faces/normal/hehe.gif)
上幾年考試,
我都係望隔離班嗰啲靚女
![](https://lihkg.com/assets/faces/normal/clown.gif)
今年唔同喇,
梗係望返自己班嗰個
![](https://lihkg.com/assets/faces/normal/angel.gif)
最重要係大家嘅距離唔遠,
又咁啱佢喺我前面
![](https://lihkg.com/assets/faces/normal/angel.gif)
我望嗰陣都好自然啦,
如果若凝坐我後面就麻煩,
擰轉頭望就大家都知咩事
![](https://lihkg.com/assets/faces/normal/clown.gif)
所以真係好好彩呀
![](https://lihkg.com/assets/faces/normal/tongue.gif)
唔知佢識唔識做呢
![](https://lihkg.com/assets/faces/normal/wonder.gif)
不過自己諗諗下又係多餘,
若凝假假地會考都考18分,
高我咁多分
![](https://lihkg.com/assets/faces/normal/dead.gif)
邊使我擔心
![](https://lihkg.com/assets/faces/normal/clown.gif)
考校內試輕鬆啦
![](https://lihkg.com/assets/faces/normal/good.gif)
即使真係要擔心
![](https://lihkg.com/assets/faces/normal/angel.gif)
都唔輪到我啦
![](https://lihkg.com/assets/faces/normal/dead.gif)
咁我地要等老師收晒卷先走得,
之後準備走嗰陣,
若凝即刻行左過嚟,
都係問我考成點之類
![](https://lihkg.com/assets/faces/normal/surprise.gif)
估唔到佢會咁心急
![](https://lihkg.com/assets/faces/normal/oh.gif)
當然啦,
喺嗰陣我都冇太過ff,
始終考完試,
問人幾多分係好正常
![](https://lihkg.com/assets/faces/normal/frown.gif)
跟住佢就同佢班frd食飯,
我都同我班豬朋狗友食飯,
講起上嚟,
佢都幾快認識到一班新朋友
![](https://lihkg.com/assets/faces/normal/angel.gif)
始終大家都係同一班,
都睇得出佢地好快就好frd,
佢班frd其實即係之前喺度讀嗰班人
![](https://lihkg.com/assets/faces/normal/angel.gif)
有幾個都係中五之後原校升上嚟,
所以都知佢地係邊個
![](https://lihkg.com/assets/faces/normal/angel.gif)
嗰幾個女仔幾好
![](https://lihkg.com/assets/faces/normal/good.gif)
起碼識左幾年,
都知佢地個性格唔錯
![](https://lihkg.com/assets/faces/normal/angel.gif)
起碼唔係八婆格先
![](https://lihkg.com/assets/faces/normal/angel.gif)
而且個樣都見得人
![](https://lihkg.com/assets/faces/normal/clown.gif)
當然啦,
一拍埋去若凝嗰度就冇得比
![](https://lihkg.com/assets/faces/normal/hoho.gif)
不過咁樣都好正常,
我記得嗰陣,
自己就好似若凝個老豆咁樣,
唔知會同邊啲人frd,
萬一同啲港女格嘅人做朋友
![](https://lihkg.com/assets/faces/normal/clown.gif)
都唔知會唔會影響埋佢自己,
始終朋友係互相影響架嘛
![](https://lihkg.com/assets/faces/normal/dead.gif)
依家諗返起真係好好笑,
明明就乜野都唔係,
但係嗰陣就好似一個老豆擔心個女咁樣.
之後我地成班豬朋狗友去食飯
![](https://lihkg.com/assets/faces/normal/angel.gif)
有我啦,呀成,丁仔,呀余,同埋仲有一個
![](https://lihkg.com/assets/faces/normal/angel.gif)
嗰個人之前喺其他故未出現過,
所以就唔開名
![](https://lihkg.com/assets/faces/normal/clown.gif)
一於叫佢做朋友1號
![](https://lihkg.com/assets/faces/normal/angel.gif)
以前仲有樂仔
![](https://lihkg.com/assets/faces/normal/frown.gif)
樂仔未去外國嗰陣,
我地就係成班frd六個咁樣
![](https://lihkg.com/assets/faces/normal/angel.gif)
一齊玩,一齊食飯,一齊打機,
咁我嗰次考完試,
就五個去食飯啦
![](https://lihkg.com/assets/faces/normal/angel.gif)
朋友1號:「呀行其實你同若凝係咪有野
![](https://lihkg.com/assets/faces/normal/wonder.gif)
我:「你又知人地叫咩名
![](https://lihkg.com/assets/faces/normal/wonder.gif)
丁仔:「仲使問
![](https://lihkg.com/assets/faces/normal/dead.gif)
佢條淫蟲梗係一早起左人底
![](https://lihkg.com/assets/faces/normal/hehe.gif)
朋友1號:「我就唔信你冇
![](https://lihkg.com/assets/faces/normal/dead.gif)
丁仔:「真係冇
![](https://lihkg.com/assets/faces/normal/angel.gif)
朋友1號:「假到你
![](https://lihkg.com/assets/faces/normal/dead.gif)
咁點呀行哥,
係咪真係有路
![](https://lihkg.com/assets/faces/normal/wonder.gif)
我:「冇呀邊有
![](https://lihkg.com/assets/faces/normal/clown.gif)
朋友1號:「我聽人講你地好frd喎
![](https://lihkg.com/assets/faces/normal/oh.gif)
我:「嗰啲人擺明吹水
![](https://lihkg.com/assets/faces/normal/dead.gif)
佢地溝唔到人就老屈
![](https://lihkg.com/assets/faces/normal/dead.gif)
呀余:「實係咁啦
![](https://lihkg.com/assets/faces/normal/angel.gif)
丁仔:「實係咁啦
![](https://lihkg.com/assets/faces/normal/angel.gif)
我:「你兩條基佬唔好喺度扮晒野
![](https://lihkg.com/assets/faces/normal/dead.gif)
順便講埋,
呢班豬朋狗友係知道,
若凝就係之前我講嘅麥當勞女神
![](https://lihkg.com/assets/faces/normal/angel.gif)
因為開學嗰陣我太興奮爆左出嚟
![](https://lihkg.com/assets/faces/normal/clown.gif)
而喺當時,
班上面的確有傳我同若凝嘅緋聞
![](https://lihkg.com/assets/faces/normal/oh.gif)
我估若凝都知,
因為有時見佢聽到嗰陣,
個反應有啲啲唔自然
![](https://lihkg.com/assets/faces/normal/oh.gif)
有啲唔好意思咁樣
![](https://lihkg.com/assets/faces/normal/tongue.gif)
好彩嘅係,
佢冇因為緋聞而同我刻意保持距離
![](https://lihkg.com/assets/faces/normal/angel.gif)
而當時嘅我,
當然都會覺得唔自然
![](https://lihkg.com/assets/faces/normal/angel.gif)
有時一聽到佢個名,
我就好驚其他人會望住我
![](https://lihkg.com/assets/faces/normal/cry.gif)
特別係我同佢上堂傾計嗰陣,
跟住老師就叫我地專心啲唔好傾計,
我就會有呢個反應
![](https://lihkg.com/assets/faces/normal/dead.gif)
塊面會好熱
![](https://lihkg.com/assets/faces/normal/clown.gif)
總之成個人就好緊張,
其實咁樣真係好毒
![](https://lihkg.com/assets/faces/normal/dead.gif)
咁我嗰陣的確係一個毒男嚟嘅
![](https://lihkg.com/assets/faces/normal/clown.gif)
我唔會否認
![](https://lihkg.com/assets/faces/normal/clown.gif)
而喺九年之後嘅今日,
我反而有第二個諗法
![](https://lihkg.com/assets/faces/normal/angel.gif)
俾人傳緋聞,
其實都係一件幾甜蜜嘅事,
昔日嘅唔自然感覺已經冇晒
![](https://lihkg.com/assets/faces/normal/angel.gif)
或者真係唔同時期就真係會有唔同睇法,
依家諗返起都會會心微笑.