[真人真事][校園][純愛]《婚宴上的重遇》: 第二十九章

若凝:「又話唔食脆辣雞腿包 」
我:「冇計啦,
都係放唔低佢 」
若凝:「話左你架啦 」
我:「今次忍你 」
若凝:「你條友,
半年之前日日嚟都係食同一個餐
就知你幾鍾意啦
我就唔信你會特登唔食
我:「挑




你咪夠係食雞翼餐要全翼,
講到你好似唔係成日食同一樣野咁樣 」
若凝:「俾你發現左添,
你條友記性其實幾好
俾啲心機啦 」
我:「唉,
記啲無謂野就叻啫
同溫書有關嗰啲全部都唔係話真係好入腦 」
其實我講笑啫
我記性的確唔係好,




唔係吹水,
有時我沖沖下涼嗰陣,
我都唔知自己有冇洗頭
結果又要再洗多次
平時又係,
傾傾下計嗰陣,
突然間有個人插左一句落嚟,
之後到返我講嗰陣,
我竟然可以唔記得左我想講乜野
一個咁樣嘅人,




又點會記性好呢
不過,
當你真係好重視一個人嗰陣,
你自自然然會記住佢嘅喜好,習慣等等有關佢嘅事
一個記性好又或者係唔好嘅人,
佢地都會記得
因為你好想了解佢多啲,
所以當你知道佢嘅個人習慣之後,
你自己就會用你自己嘅方法
去記住佢
有啲人,
可能每一次溫書嗰陣,
溫完唔夠幾個鐘,
就將啲內容拋諸腦後
但係佢如果係記有關佢好重視嘅人嘅事,




可能真係會記一世
縱使嗰樣野係一樣好無謂嘅野都好,
例如只係鍾意食麥當勞邊個餐,
佢都會去記
出晒力咁樣記
而我,
就係呢種傻仔.

若凝:「不過好彩今日都溫得唔錯
總算冇浪費左 」
我:「係呀,
如果我喺屋企一定唔可以溫咁耐 」
焗住要咁講大話啦
唔可以俾佢知道其實我係冇溫過架嘛
若凝:「冇錯,




講左成日最有意義嘅就係呢句 」
我:「學你話齋,
屋企真係太多誘惑 」
若凝:「同埋你條友有一樣野一定要讚 」
我:「靚仔 」
若凝:「唔好笑呀 」
我:「ok你繼續 」
若凝:「以前我同過其他人出嚟溫書,
佢地成日喺我側邊嘈住晒
又想撩我講野,
應佢又唔係,唔應佢又唔係
咁樣仲點樣溫啫
都唔知點算好,
好彩你靜
知道我地係嚟做乜野




抵讚 」
唔知若凝口中嘅佢地,
係男仔定女仔呢
自己又控制唔到自己
諗埋呢啲無聊野
我:「咁我地嚟度梗係溫書啦,
唔係山長水遠搭巴士嚟做乜野 」
若凝:「講到山長水遠
其實行都行到
巴士亦只係兩個站 」
我:「咁係丫嘛
話左溫書就梗係溫書 」
若凝:「係,
你下個禮拜日邊日考你啲選修科 」
話說我地學校就好奇怪




除左全級一齊考嘅中化英文之外,
其他日子係一日考兩科,
即係可能星期一考生物同埋文學,
星期二考物理同埋中史咁樣
文科一科理科一科
確保唔會有同學一日考兩科
之前都講啦,
若凝係文科,
我係理科,
所以其實我地係有機會一齊返去考試
我:「星期三同埋星期五囉 」
若凝:「我星期五都要返去考喎
我要考中史 」
我:「我考敗痾 」
若凝:「不如禮拜四再出嚟好冇 」
竟然有第二次機會呀
唔使等幾個月之後嘅考試
只係等幾日就可以,
咁我又點會拒絕呢
我:「好呀 」
若凝:「不如好似今日咁,
一點半到
臨時有事先改好冇呀 」
我:「好 」
之後我地再食左一陣就走喇.

若凝:「夜晚有幾涼喎
不如行返去咯 」
我:「你話事啦 」
其實我就唔鍾意同人行
因為有時冇野講嗰陣好尷尬
你知我啦只係一個小毒毒,
諗話題唔係好叻
同埋好唔鍾意dead air種感覺
好彩我同若凝唔係咁樣,
大家好易就有話題
所以我同佢係完全唔抗拒
若凝:「好似係第一次夜晚同你行呀可 」
我:「係.」
若凝:「夜晚真係幾涼
好舒服 」
我:「係呀,
夏天我就唔同你行喇
咁q熱 」
若凝:「我就唔信喇 」
我:「唔信啲乜呀 」
若凝:「你自己估啦 」
我:「一定唔會行 」
若凝:「你唔會嘅 」
點解若凝講野咁玄嘅
我真係一啲都唔明
之後我地行到我地住嗰區,
我:「送埋你返去啦咁夜 」
若凝:「唔使咁麻煩啦.」
我:「我見啲男仔,
夜晚都係會送返個女仔返去,
加上我咁有風度
點會唔做呢啲野 」
若凝:「自戀狂
冇所謂啦,
你個好似電視咁咩,
條街邊有咁易有危險 」
我:「行啦,
咁婆媽 」
若凝:「咁唔該晒你喇 」
我:「其實我係想跟你返屋企,
之後打劫你 」
若凝:「好驚呀
無聊鬼 」
其實,
想跟佢返屋企係真
之後嗰句先係假,
若凝:「返到喇 」
我:「原來你係住呢度.」
若凝:「嗯,
你返到去inbox我啦 」
我:「好呀 」
若凝:「拜拜 」
我:「拜拜 」