[真人真事][校園][純愛]《婚宴上的重遇》: 第三十章

送完佢返去,
理所當然我就去沖個涼先
沖完出嚟之後,
咁就上左一陣網
始終今日全日都喺出面,
身為小毒毒返到屋企就梗係要上網啦
我記得嗰陣仲係上緊啲討論區
放心唔係三男兩女
之後順便睇下nds有乜野game
嗰陣自己幾鍾意玩nds,




乜野任天狗呀,孖寶賽車,超級孖寶兄弟等等等等
實在係太多數唔晒,
當我睇睇下,
我先至記得有一樣野未做
我唔記得登入面書inbox若凝呀
真係失敗
返到嚟咁耐都唔記得
唔知佢offline未呢,
照開面書先啦都係
如果offline嘅話咪當係留言咁樣,




好似msn咁樣
當我登入左面書之後,
見到佢有上線喎
咁就梗係嗱嗱臨搵佢啦,
我:「返到喇 」
若凝:「做乜咁遲嘅 」
佢竟然秒覆,
我:「其實返左嚟好耐
不過唔記得左 」
今次唔講大話




照直講喇,
鬼叫自己唔記得左
若凝:「搞到我以為你唔知有咩事,
好眼瞓之下都頂住
等你覆,
你竟然唔記得左 」
我:「我錯
sorry sorry 」
若凝:「講兩句sorry就得咩 」
我:「大姐咁你想點
唉你講你想點喇
小弟盡可能都會幫你做
當然要可行啦 」
若凝:「咁呀,
禮拜一同我食早餐 」




我:「咁突然 」
若凝:「又係你話盡可能都得嘅 」
我:「我想知點解啫 」
若凝:「嗰日媽咪要早起身出去,
咁就幫唔到我煮早餐
我又懶喎
咪諗住搵你一齊食
你走唔甩呀,
唔使旨意諗住瞓耐啲 」
原來係咁咋心諗
有得同你食早餐,
區區嗰瞓少幾個字又算得係啲乜野
我禮拜日早啲瞓咪得
我:「冇問題 」
若凝:「唔好去m記喎




你知啦,
我仲係驚見到嗰班舊員工 」
我:「叫左你唔好咁衰
冇所謂嘅,
去茶記食 」
若凝:「好呀,
聽日再搵你食幾點
我依家真係好眼瞓
今次到我同你講早抖 」
我:「早抖 」

我好記得嗰晚
自己喺張床嗰陣喺度諗,
有個人緊張你幾時返嚟
明知眼瞓都唔去瞓住,




嗰種感覺其實係好開心
要知道,
我由細到大,
朋友圈都係男仔多
咁大家男人老狗,
唔會講到出口
講埋嗰啲「返到去搵我」之類嘅說話架嘛
如果講就驚啦
咁樣嗰條友九成九都係基佬
最多都係問你死得未啫
咁我本身女性朋友又唔多
最熟嘅應該係自己呀媽,
所以我做左咁耐人,
都未試過好似今日咁樣,
會有個女仔




等我返到嚟搵佢先至瞓覺
以前睇戲嗰陣,
我唔知其實呢個係乜野感覺
更加會覺得,
有乜咁大不了啫
佢又唔係唔會唔返嚟
你驚佢真係出左事咩
我仲喺度笑嗰編劇低能
咁都諗得出,
但係原來,
當我自己親身經歷過之後,
我先有另一種完全唔同嘅體會
起碼有個冇血緣關係嘅異性,
會真係關心你,著緊你
我唔知佢講嘅眼瞓係咪真啦
不過既然佢咁講我就姑且當佢係真,
當然我都係主觀啦
人類總係相信自己鍾意嘅野
你估真係每一次都咁客觀咩
呢種感覺原來真係幾開心
或者係因為我之前冇試過,
所以嗰個感覺先會倍加劇烈
或者若凝唔會知道,
當日其實有一個傻仔,
因為佢做左嘅野,
而令到嗰個傻仔嘅個人生涯入面,
出現左某種事嘅第一次
嗰個傻仔特別重視所謂嘅第一次,
所以過左好多年嘅今日,
都仲係好記得.