《病港》: 9 1
「病童就交俾你。」不破尚的表情看來，很是期待著我的表現：「一個星期時間，夠？」
我點頭。
不破尚舉起精良的無線電，按了某個頻道，說：「一陣嗰位病者導師落到嚟，就俾佢放走一個細路。」
回到放置住斷頭台的操場，一名不良人站在一旁似是等待著我，讓我選擇放走一個人。
原來那個掃把頭穿背心、握長斧的標準不良人，便是不破尚在無線電溝通的對像。
「不破尚佬大已經同我交代咗～你想放走邊一個？」他走到公仔及娃娃面前，問：「不過你都幾好嘢‧‧‧‧‧‧夠膽上去同不破尚講條件，你肯定應承咗佢一啲不可能嘅事情～」
「消滅病童。」我走過去，望住他們兩兄妹。
「‧‧‧‧‧‧」標準不良人大叔怔了怔，眉頭緊皺一小下：「你認真？」
「嗯，」我望住兩兄妹，說：「我依家只可以放你哋其中一個出嚟。」
「放我個‧‧‧妹先‧‧‧」公仔虛弱地說。
「哥‧‧‧你走先啦‧‧‧」娃娃望住他：「你啱啱為咗我‧‧‧捱‧‧‧咗大本營班人咁多拳‧‧‧‧‧‧」
「放出去嗰一個，要跟我去對付病童。」我補上一句。
多個人幫忙也好。
「咁我出去‧‧‧‧‧‧」公仔嘴角有點乾乾的血跡：「妹‧‧‧你要喺到等我‧‧‧」
「哥‧‧‧」
「放咗個男。」我跟標準不良人大叔說。
「好～」他握住條鎖匙過去幫公仔解開了困頭的木板。
「你要等我‧‧‧」公仔蹲下，對娃娃說。
娃娃點頭。
「我估你哋都唔會即刻出去對付病童？洗唔洗帶你哋喺到行一圈先，順便食啲嘢準備下先。」標準不良人大叔主動跟我說：「我就叫王白蛋～係呢到嘅老手。」
「咁請你‧‧‧帶我哋去用餐先。」今天對付馬姑娘和Dr.D，都幾乎用光了所有體力與腦力。
擁有標準不良人外表的大叔王白蛋，把我們帶到去小學的二樓禮堂。裡面寬大的空間被人改裝成食飯、休息的好地方，桌上放滿住吃餘的食物久久沒人清理。
「想食啲乜？我哋所有嘢都共享，唔好太過份就得。」王白蛋說。
「隨便一啲食物就可以。」我跟公仔找了個座位坐下。
於是王白蛋大叔便走去倉庫，拿了點罐頭食物給我們，有蕃茄豆、有點熱的薯蓉還有乾巴巴的鹹味香腸，喝的則是弄熱了一點的罐頭湯，不過喝起上來味道似乎跟水一樣稀。
「我只係用柴火求其整熱咗‧‧‧呢種時勢仲有嘢食，已經要感恩。」王白蛋把食物放到我們面前：「我哋「不良人」成員少，同埋一般會劫殺其餘倖存者嘅物資，所以暫時餐餐都好似咁‧‧‧‧‧‧都叫豐盛，遲下就唔知～」
我先放了一匙蕃茄豆入口，對於吃開乾麵包的我來說，那蕃茄味簡直是刺激了我枯燥而久的味蕾，頓時胃口大增，再大吃一口熱薯蓉。
「你咁樣托住個面具食會唔會好辛苦，不如直接除咗佢‧‧‧‧‧‧」王白蛋對於我的食態，感到奇怪訝異。
「我想拎‧‧‧啲嘢‧‧‧去俾‧‧‧阿妹食。」公仔拿起那碗熱罐頭湯，就出去了。
「你睇落好攰咁。」王白蛋望住大快朵頤的我，覺得無聊，找了些有的沒的話來說：「都介紹下「不良人」嘅嘢聽～反正你都已經係我哋一份子，我哋每星期都會出去獵殺街外嘅倖存者，總之冇付出，我哋就會殺。」
「好殘忍。」見他說了那麼多，我就隨便應一句。
「係啊～」王白蛋打個呵欠，掩住前額顯得有點累意：「你一陣食完嘢冇乜做覺得悶嘅，咪帶你去遊戲室。」
「遊戲室？」
「哈‧‧‧應該係得我哋「不良人」先獨有嘅樂園，一陣你去到就知～」
公仔回來後，他告訴我已經餵娃娃喝完湯了，我刻意留了那條用鹽巴醃製的鹹味乾香腸給他，是餐盤上唯一的肉類，受傷的他需要吃點肉來回復元氣。
「食完未？食完就行。」進食過後，王白蛋又帶我們到下一道地方。
位於小學右邊三樓至四樓的遊戲室。
我們三人還未步入所謂的遊戲室內，已經聽到當中的熱鬧聲和起哄聲，到王白蛋帶我們入去才知道什麼一回事。
入去首先看到的，是酒吧。
有幾個衣身厚重的大漢坐在一起，大口喝苦澀非常的啤酒、玩著撲克牌、玩「拗手瓜」，十分豪氣。
我特別留意到，在場的不良人配備住的武器都十分講究、精細，雖然不及不破尚部隊的槍械，但以一般倖存者來說，此等近戰武器也算是十分傑出。
王白蛋為我們介紹著這裡的風氣：「我哋不良人最珍惜嘅就係手上嘅武器，我哋都當佢哋係自己另一個同伴，所以對武器都好講究。」
我想起了今早的戰役，便問：「點解只有不破尚部隊掌握住槍械？如果你哋今日個個拎住槍入嚟⋯大本營幾乎冇還擊之力。」
王白蛋的眼球往左右一瞧，見沒什麼人，始才開口說：「話就話大家都係「不良人」，但實際上⋯不破尚佬大最信任嘅就只有同佢一樣係飛虎隊成員出生嘅手下。」
「你哋似乎對佢又尊敬⋯」下一句，才是我真正想說出的：「又畏懼。」
「咁當然，話哂大家都出身入死。」王白蛋說。
「但入侵大本營初頭，佢都未出動到佢嘅飛虎部隊支援你哋。」
「佢哋係不良人菁英⋯先鋒交由我哋都理所當然嘅。」從王白蛋各種回應看來，他對不破尚的確忠心耿耿。
一點懷疑也沒有。
跟我和老賢相同。
很快地，王白蛋把我們帶到遊戲室其中一處熱門的地方，少說也有二十多人圍在圍觀，看上去是一個玩射擊遊戲的地方。
那裡有一塊佈景板圍封住，中間則放滿住各種人物的佈景板和汽水罐。感覺上，像是主題公園的來福槍射擊遊戲。
「呢個就係我哋「不良人」遊戲室兩個熱門地點之一，射擊樂～」王白蛋笑住走過去，為我和公仔解說：「只要你交低屬於自己嘅武器或者零件作為賭注品，你就可以有挑戰嘅機會。佢哋會提供一把氣槍俾你，只要你成功射中哂所有目標成功通關，就可以拎到大家都夢寐以求嘅十字弓。」
「十字弓？」
「就係個把嘢啊！」王白蛋大叔指住射擊場最高處的展示檯，一把看來高高在上、價值不斐的輕型十字弓。
它有著優雅的雕刻藝術和精細的鑲嵌工藝，在裝飾上用到了黃金、象牙等名貴材料，似乎非地位平常的凡人能擁有。
「係我哋不良人好耐之前，劫殺艾寶琳共和國一個有錢嘅商人拎到，聽聞係歐洲古代一個宮廷工匠製作出嚟～哈，日日好多手足都想挑戰佢。」王白蛋說。
「艾寶琳共和國？」寶琳這個地方我倒是聽過。
「即係以前嘅寶琳～世界已經唔同，好多嘢已經唔再一樣，包括地名。」王白蛋拍拍我的膊，說：「好好迎接適應呢個新世界。」
他也不無道理⋯⋯以前的香港知專設計學院，都變成我們每天嘴上說的「大本營」。
王白蛋突然掏出一把軍刀，對公仔裂嘴一笑：「啱啱我送你上斷頭台個陣⋯搵到你身上有把軍刀，要唔要挑戰下！！？」說完，他已經把軍刀交上射擊槍作為賭注，公仔想回答的時間都沒有。
「歡迎！下一位挑戰者！！！」射擊場負責人高喊，引起在場不良人留意。
似乎⋯
武器對不良人來說，的確如同大本營的果汁糖這般重要⋯⋯大家都滿目發光的盯住那把十字弓了。