「無啦啦多左幾個家姐同細妹 Season 2」: 就這樣

我：「你話為咗Sarah佢地…？」

二家姐：「係，仲有我指既佢地意思包括埋Ellen Ellie仲有Anna。」

我：「我唔係好明你意思…為咗佢地D乜？咁同你搞個基金有乜關係？」

二家姐：「係喎，以你既程度要明白係難D既。總知一句講哂，我咁做全部都係為咗保障佢地，個基金就係最好既方法，仲可以賺下錢。」

「我諗再解釋落去你都唔會明，所以我唔多解釋啦，盞浪費大家時間，出返去啦，我仲有其他野要做。」

就算二家姐已經下咗逐客令，但我都仲係企咗原地無郁，只係望住佢。

到底發生咗咩事啊…二家姐好似突然間變咗另一個人咁既。

我：「點解咩都唔話俾我地知？話哂個基金都係…」

二家姐：「你唔係諗住話因為個基金係用你個名，所以你有權知道？Come on唔好咁幼稚好無。」

「放心，我唔會用個基金黎害你，件事亦唔會變到你諗既TVB劇情，同埋而家咁唔好咩，你咩都唔洗做，完全唔洗付出都可以俾人讚，你睇下自己而家名聲幾好？」

「所以，唔好咁多野問啦，走吧啦。」

俾二家姐講到我可以不勞而獲好應該滿足先係，搞到我個心好唔舒服。

好想搵野反駁佢，但又係搵唔到野可以駁，呢下先最攞命。

我帶住前所未有既失望同灰心行開，一踏出佢房身後就傳黎非常響亮既嘭門聲。

擰轉身一睇，門已經閂埋咗。

咁急趕返黎，打算問清楚到底發生咩事，結果連具體少少既野都問唔到之餘，仲要俾二家姐咁樣話…

返學見到Ellie都唔知點同佢講好，仲有Ellen…唉…

Sarah：「阿明，係咪Ellen嫲嫲壽宴有咩事？點解你會咁急趕返黎，仲一黎就跑去二家姐間房…」

Sarah…仲有Yui…二家姐頭先話個基金做咁多野係為想保障佢地…？

Yui：「阿明…？」

Yui用佢溫柔既聲線叫我，我先回過神黎。

Sarah：「係咪出咗咩事啊，你咁既樣既…唔准呃我地架。」

我：「其實呢…」

講咗三個字，我就不自覺望咗去二家姐房門，之後就叫Sarah佢地去細廳先再講，廢事俾二家姐聽到。

係細廳，我將所有野，所有我知道既野講哂出黎，佢地聽到都愕咗然，同頭先我同Ellie既反應一樣。

尤其係「為咗佢地」個part，Sarah直頭吓一聲叫咗出黎。

我：「成件事就係咁喇…」

Sarah：「算啦，學Ellie講既咁，二家姐同我地係屋企人黎架嘛，一定唔會害我地既，二家姐咁做一定有佢既理由，而且暫時都無咩事，唔好因為D未發生或者可能唔會發生既事而煩惱啦。」

咁又有道理既，只係…我真係想知點解要用我個名既慈善基金去「保障」Sarah佢地…咁可以保障到D乜？

Sarah：「好喇好喇，唔準再諗啦，就快要考試，將呢份精神放係溫書仲好啦，你之前唔係話過想今次考好D個試架咩？」

我：「我知道啦我知道啦，我應承你地我唔諗，專心準備考試啦。

」

Sarah：「咁就乖啦

雖然我估阿明你肯定會中途又諗起，不過你肯應承我我都好開心，你話係咪呀Yui？

」

Yui：「嗯，以阿明既性格，未搞清楚既野一定會記掛住唔識放低…

」

我：「嘩乜你地咁睇我架…我先唔會囉。

」

其實佢地講得啱，我真係放唔低。

之後既日子，我都同佢地五個溫書，大家都唔再提基金既事。

但有時見到二家姐，我都係忍唔住會諗起。

今晚又係，溫溫下書見到「可再生能源」又令我諗起個基金，之後就再溫唔到入腦。

落去斟杯野飲，洗個臉再溫過吧喇…

夜深人靜，我都放輕腳步慢慢行去廚房，廢事嘈到其他人休息，但就係我就快行到去廚房既時候，我聽到入面有人聲傳出。

咁夜仲有人未訓？唔會係…

大家姐：「你咁做真係好咩？咩都唔肯話佢地知。」

係大家姐…佢同邊個傾緊計？

二家姐：「話佢知佢反而都會阻手阻腳，倒不如唔講。」

「我而家可以為佢地做既野都只有咁…所以就咁就可以喇。」

真係二家姐…

大家姐：「其實唔係為咗佢地，只係為咗佢咋？

」只係為咗佢…？邊個佢呀？

二家姐：「唔好亂講啦家姐邊係咁啫，我係想Sarah佢地以後唔洗左驚右驚先咁做。」

「佢地咁細個已經發生咗咁多野，之後肯定仲會有好多波折，肯定仲會有人睇上佢，咁到時佢地又會有排煩，以佢既處理手法，好容易令到Sarah唔開心。」

「我最錫就係呢個妹，我唔想佢唔開心，一刻都唔想。」

係既，二家姐最錫既就係Sarah，一直都係，當初都係佢吩咐我做Sarah男朋友，要我係阿偉手上救走Sarah。

大家姐：「哈哈，一年前你講呢番說話既話我都會信既，但係而家既話我就唔太信喇~~係我面前都要講大話都有既。

」

「你而家最重視，最著緊既人已經唔係Sarah喇唔係咩？你之所以用個基金，都係為咗幫佢鋪好條路，唔係咩？

」

大家姐講完呢句之後既一分鐘我都再無聽到有人講野，出於好奇，我伸個頭去睇下入面既情況。

點知就俾大家姐見到我。

好彩既係二家姐係背向我，如果俾二家姐見到我既話，後果真係不敢想象。

不過大家姐見到我都無講D乜，只係笑咗一笑，之後又望返去二家姐度。

大家姐：「阿May呀，唔講個件事住，而家我地終於有個細佬，感覺如何？」

二家姐：「做乜無啦啦…」

大家姐：「無，反正你又唔想再多講個件事咯，咪講下其他野先囉~

」

二家姐：「哦…咁而家過咗一年，你又點睇多咗個細佬？」

大家姐：「我呀？我就覺得好開心囉~終於可以有個細佬，而且阿明佢又咁好，帶俾我地呢個屋企好多歡樂，我好鐘意佢呀~

」

二家姐：「係呀？佢唔惹事既話屋企係幾開心既，佢幫我將Sarah係個賤人手上救返出黎，又周不時剃老豆眼眉，係幾合我心意既。

」

「不過佢真係可以成日都惹到唔同人，帶俾屋企好多麻煩，到底點解呢，家姐你可唔可以解釋到？」

「仲要一次比一次嚴重，真係人都癲，次次都要我幫手先搞得掂。」

大家姐：「你把口講到咁唔鐘意佢，咁點解你仲幫佢既？」

「其實你同我一樣，都係好鐘意阿明既係咪？我仲好記得你係上次阿明以前個朋友阿威個件事講既野啊~~」

阿威件事？二家姐講過乜？

二家姐：「咁始終都係一家人，唔幫佢既話分分鐘會累到成個屋企，而且佢…」

「佢」之後既野我都聽唔到，因為二家姐突然細聲咗好多。

屌…聽唔到呀…

我好想知道二家姐講乜，於是我又行近少少，點知奶野，一行我隻腳就撞到牆腳。

好撚痛，痛到我忍唔住嗌咗出聲。

一出聲，二家姐當然就會注意到我既存在啦，佢即刻擰轉身望過黎。

二家姐：「你幾時係度架？」

我：「啊…岩岩囉，想落黎斟杯水飲。