「無啦啦多左幾個家姐同細妹 Season 2」: 為了你
就算知道二家姐講大話，我都無再講D乜，只係自己返上房做功課。
二家姐點解要講大話呢？有野唔可以比我知？
Sarah：「阿明？做緊功課呀？」
我：「嘩你係幾時入黎架，Yui你咁早返咗黎既？」
無錯，Yui已經返咗黎，仲同Sarah一齊走咗入黎我房。
Yui：「嗯，其實我地係個度都無乜野要做，有晨哥同佢既朋友幫我地手搞起成個Party，所以都係留到D到會黎咗我地就走咗，唔阻佢地玩。」
我：「哦…原來係咁，咁你食咗野未？」
Yui：「我食咗啦，我地去咗附近一間餐廳食，係晨哥推介既，好好食，下次我地可以一齊去…」
我：「可以呀，晨哥真係咩都知，連邊度有咩好野食都知，咦…唔通…」
Sarah：「阿明？係咪有乜事？」
我：「哦無，無事，話時話你地入黎搵我做乜呀？」
Sarah：「啊，我都差D唔記得咗添，頭先二家姐同你講咗D乜呀？會唔會關頭先個件事事？」
我：「係啊，佢問我頭先食飯個陣做乜望住佢，係咪有野想講，之後我就趁機會問咗喇。」
Yui：「個件事？發生咗咩事？」
Sarah：「我地頭先聽到二家姐同人講電話講到好激動，我地想知道二家姐係咪有咩事啫，阿明咁你問唔問到D乜？」
我：「二家姐話自己只係係同朋友為咗一隻戰略Game嗌交，仲叫我唔好同人講，不過我…」
Sarah：「你覺得件事唔係咁簡單？」
我：「簡唔簡單我就唔知，不過我就知道二家姐係度講緊大話，我諗…」
Yui：「你覺得係同晨哥有關？」
我：「咦點解你又會知既？」
Yui：「無啊諗起你講起晨哥就若有所思咁，聽完你講二家姐既事之後我就諗會唔會有關連喇…」
我：「哇好強既觀察力，係啊我覺得係同晨哥有關。晨哥之前同我講過D野，之後我同二家姐傾返呢D野，二家姐叫我唔好太在意晨哥講既野，我記得晨哥再之後就話二家姐一定會好憎佢，再加上頭先佢地講既內容…」
Sarah：「會關晨哥事…？係咩事？」
我：「點講好呢，總知係關我事喇。」
Sarah：「咁即係話二家姐為咗你而嬲晨哥啊…」
我：「係掛…但其實好小事啫，唔洗嘈成咁啊？」
Sarah：「咁證明二家姐好緊張你囉~」
我：「哈哈唔會啦，佢係緊張你地啫。」
「算喇唔好再諗咁多喇，二家姐都話咗唔好再提，早D訓啦。」
話唔諗，就真係唔諗。雖然呢件事一直都係自己心入面，但我唔去諗，專心去做而家應該要做既野。
Ellie之後都有話如果二家姐真係講大話，一定係有佢既原因，有唔想俾人知道既野，咁我地都應該體諒，唔好再追問。
Ellen：「喂喂喂，我地今日去邊度玩好呀？」
我：「吓去玩？今日你唔洗去學生會咩？我記得應該輪到你當值架？」
Ellen：「嘻嘻，我今朝叫咗人幫我當值lu~~用兩包朱奶做代價~~所以我今日可以同阿明你去街~」
我：「喂你咁做唔係幾好wor，身為學生會會長應該做個榜樣先係架。」
Ellen：「哎~~我先唔想俾阿明你教我點做學生會會長囉~為咗阿明你我做咩事，付出咩代價都制~」
「講！你係咪唔想同我去街先咁多藉口？同Sarah兩個人去拍拖就得，同我就唔得呀？」
我：「邊係呢，你咁諗我都有既。個日都係咁岩你地幾個都唔得閒咋嘛，邊係有心只係同Sarah兩個去街啫。」
Ellen：「我唔理呀，邊有理由幾乎次次都係得Sarah或者Anna有得同你單獨出去架~~」
我：「我明…不過你咁樣將D責任交俾人就係為咗去拍拖好似唔係咁好喎…」
搞咩野今日Ellen咁扭計都有既…我仲以為自己同緊羽晨講野…
Ellie：「阿明你咪聽家姐佢亂up啦，今日佢的確係搵咗人代佢當值，不過唔係為咗同你去街。」
Ellen：「喂呀Ellie，唔好講啦。」
我：「咁係為咗咩？話我知吖Ellie。」
Ellie：「因為我地今日屋企有D事，我嫲嫲大壽，所以我地放學就要即刻過去酒店個邊。」
我：「你嫲嫲…佢身體幾好嘛？」
Ellie：「還可以啦，最近精神返D…」
我：「咁就好啦，呀係喎咁不如我地今日…」
Ellen：「呀~~唔想去呀~~又悶又要坐成晚，去黎做咩啫，去街仲好玩啦~~唉去小食部食D野先。」
Ellen一邊講一邊慢慢係我地身邊行開，行去小食部，我地五個就望住佢既背景。
我：「點解Ellen要咁講啊，佢同佢嫲嫲關係唔係好好架咩？」
Ellie：「佢應該係驚一陣會控制唔到自己情緒，見到嫲嫲會忍唔住喊啫。」
Sarah：「Ellie你咁講唔通Ellen佢…」
Ellie：「係啊，佢其實無乜去過探嫲嫲，每次都用唔同既理由推搪，仲講過有我去就夠之類既說話。不過佢今晚應該無得避，如果佢今晚都唔去，Daddy媽咪一定會好嬲。」
我：「嗯…我都覺得佢一定要去先係，但佢而家咁…」
Anna：「你陪佢去咪得囉，有你係佢身邊佢應該會安心好多，唔會咁易喊。」
我：「我啊？我可以咩？我怕我成事不足，敗事有餘咋…」
Yui：「點會呢，有阿明你係Ellen身邊，佢今晚一定可以好好陪住佢嫲嫲。」
連Yui都咁講啊…
我再望一望旁邊既Sarah，Ellie同Anna，佢地個個都點頭。
我：「我明白喇，反正我都打算今晚去恭賀下嫲嫲，而家都係早少少去啫，無乜所謂啦。」
「咁我過去同佢講聲啦。」
就係咁，我走咗過去小食部，搵仲係叫緊野食既Ellen。
我拍拍佢背脊，等佢注意到我。
Ellen：「咦阿明？你又想食野呀？」
我：「唔係呀，我都唔肚餓。」
Ellen：「咁你過黎..」
我：「今晚個壽宴，我陪你去喇。」
Ellen：「嗯，好呀。」
「咦…你頭先話咩話…？」
我：「我係話，今晚你嫲嫲個壽宴，等我陪你一齊去喇，所以你唔洗咁驚，今晚好好咁去同你嫲嫲賀壽，記得著靚D呀。」
Ellen：「嘩！！！
」Ellen聽完我講到之後就突然間，毫無預警咁叫咗出黎，嚇咗周圍既人一大跳，連係小食部後面整緊野食既阿姨都走出黎睇下發生咩事。
我：「喂唔好大叫啦你傻架！你睇下周圍既人都望咗過黎喇！
」我下意識即刻捂住佢個嘴，等佢唔好嘈到人地。佢起初當然係咁反抗，仲好似有野想講，但我有稍微用力，等佢無得再嘈到人。
到佢表情平靜返D，無再點反抗之後我先放返開佢。
我：「冷靜返D啦？」
Ellen：「阿明你隻手好臭啊，你去完洗手間有無洗手架？
」我：「喂！！
」今次到我突然間大叫，而佢既反應亦同我頭先既類似，不過佢係用手指，放咗隻手指係我嘴上。
效果居然比我頭先既更為有效，我即刻就收聲，一秒都唔洗。
Ellen：「點解…你會突然有咁既提議既？
」我：「因為…我覺得你今晚需要我係你身邊囉？唔係咩？如果唔係既話我今晚就唔去啦？但你自己就要自己去架啦，一定要去架。
」Ellen：「唔係，我唔係咁既意思…」
我：「嗯？你講咩呀？咁細聲我聽唔到架。
」Ellen講野既音量突然細聲咗好多，直頭好似mute咗咁，完全聽唔到佢講乜。
Ellen：「無，今晚就拜託你啦。
」我：「嗯，放心交俾我啦，記得要…」
Ellen：「你先要著得靚D呀，唔好令我係我嫲嫲面前失禮呀知唔知？
」我：「係啦係啦，再唔係既你黎我度幫我揀囉。」
Ellen：「我唔得閒喎，我仲要揀套靚衫去見嫲嫲，比嫲嫲見到佢孫女最靚既一面~！無時間幫你揀衫~
」我：「係係~你就專心去扮靚靚啦，我會自己搞掂架啦，今晚見啦。
」講係咁講…但到底點著先好呢…
望住自己衣櫃入面最為體面既幾件衫，居然完全揀唔落手，好似件件都唔夠好咁。
而家係去女朋友嫲嫲既壽宴，呢D衫好似都唔夠咁，點算好呢…
Sarah：「阿明？仲煩緊今晚著乜去啊？」
我：「係啊，好似無一件…咦…你拎住個套衫？
」Sarah居然拎住一套男裝？
Sarah：「嘻嘻~知道你揀唔到衫架喇~~準備咗比你喇！
」我：「嘩，套衫…好正wor。Sarah你揀架？」
Sarah：「eh…哈哈哈哈，其實係二家姐準備架。
」我：「二家姐？」
Sarah：「嗯，頭先同二家姐傾計傾到呢件事，佢之後就㩒咗兩下電話，再打咗個電話，之後過咗陣就有人送咗呢套衫黎啦。」
嘩，原來呢D正裝都有得送外賣？有錢人既世界真係唔同D，深不可測呀…
Sarah：「時間唔多喇，快D換咗佢之後去酒店搵Ellen啦~」
嗯，咁講又係，而家時間唔係淨返好多啦。
我咩都冇講，換上呢套衫。
Sarah：「呢套衫好襯阿明你呀，你著得好好睇~」
我：「嗯，多謝你呀幫我拎套衫黎，順便幫我多謝埋二家姐吖，我要出去啦。」
Sarah：「嗯，交俾我啦，你快D行吧喇~」
我之後就匆匆忙忙出門口，去酒店搵Ellen。
去到酒店門口，我就見到佢。
著住海藍色長裙既佢，企係門口等緊我。
幾耐無見過佢咁落力打扮呢…化妝化到咁靚，對上一次係佢既生日Party？
我：「Hi，我黎咗喇靚女~
」