「無啦啦多左幾個家姐同細妹 Season 2」: 聚首
阿希：「喂阿明，突然好想打機，一唔一齊去網吧？」
我：「啊…唔啦下次先喇，想返屋企溫書。」
阿希：「屌扮乜勤力，算啦我唔勉強你，係喎有學會想買我地張優先book場券，聽日傾下？」
我：「好，其實呢D野你話事咪得囉你主席黎架嘛，邊洗同我地傾。」
阿希：「唔係幾好既，都係大家傾下先啦。」
我：「嗯好啦，咁我地幾個聽日坐低一齊傾下啦。」
講完之後我就拎住書包，走出去班房。
一行出去，就遇到行緊黎既Ellen，佢見到我即刻笑咗出黎，加快腳步行埋黎。
我：「點呀Ellen，今日洗唔洗留係度睇住學生會？」
Ellen：「唔洗呀，今日有其他野要做，我去埋洗手間就執書包走架啦，你行得？」
我：「我都揹哂書包咯你仲問我行得未，但係你唔係話有野做咩？咁你仲同我一齊走？」
Ellen：「係呀因為件事要去你屋企做囉，我約好哂架。Kathy~~你行得未？」
要去我屋企？仲關Kathy事？
我擰轉臉，見到行緊出黎既Kathy。
Kathy：「行得啦，唔好意思呀麻煩到你地。」
Ellen：「哦唔麻煩~你兩個去Ellie班房等我啦，我去埋個洗手間就行得架啦。唔講啦我好急呀！
」佢講完就推開我，一支箭跑咗去廁所。
我同Kathy見到咁既情況，對望咗一眼，大家擺出一副「無佢收」既樣，之後就一齊行去Ellie班房。
Ellie同Yui已經整裝待發，見到我地係門口就行出黎加入我地，四個人係門口度傾住計等Ellen。
我：「Ellen話今日佢有其他野要做，仲話要係我屋企做？你地知唔知係咩事？」
Ellie：「啊…我同家姐今日lunch time個陣唔記得話你地知添，阿明你一陣可以見到幾個都好耐無見既人。
」我：「好耐無見既人？Ellie你唔好吊我癮啦，快d話我知係咩事好無？
」Ellie「唔…好似有D神秘感會好D？啊，家姐黎啦。」
Ellie就係咁巧妙避開我既問題。
之後我地再搵埋Sarah，Anna，一齊坐車走。
一路上佢地幾個女仔都講個停，但內容似乎同一陣既事無關，講既全部都係d普通閒事。
Ellen同Ellie講D唔講D搞到我成個腦都係關於個件事既猜測添，到底係咩事同咩人呢？
答案好快就會揭曉，因為不知覺間，我地已經返到去。
我帶住緊張又有少少期待既心情，率先打開屋企既大門。
當然無可能一開門就見到人啦，人地又唔會乖乖咁企係門後面等我地，就連人地到咗未都未知啦係咪先。
率先出現係我地面前既係二家姐，佢仲拎住部Macbook。
二家姐：「哦返黎嗱？你地有客人黎咗，家姐招呼咗佢地係飯廳，你地過去搵佢地啦。」
二家姐講完就向飯廳方面行去，而我地都跟住佢，一齊行入去飯廳。
入到去，就見到佢兩個。
諾儀同阿雪。
阿雪：「hi~你地返黎嗱？」
講到好似自己係度住咁都有既，Ellie講既好耐無見既人唔會就係佢地掛。
我：「Ellen，你唔會就係約咗佢地掛…？」
Ellen：「係呀，有D野要拜託佢地幫幫手，所以就約咗佢地黎…不過好似…仲有人未到？」
諾儀：「如果係講愛麗絲既話，佢今日唔得閒唔會黎架啦，不過佢已經交低咗資料比我地，唔會阻到今日要做既野。」
係喎，講咗咁耐都仲係無人講今日到底係因為咩事令兩位七星大駕光臨。
阿雪：「咦晨哥哥呢？佢唔黎？」
Ellen：「晨哥既話，佢話反正自己係呢件事上面都無乜可以做到，所以佢唔黎啦。」
阿雪：「吓…我仲諗住今日可以見到佢添…」
Sarah：「eh…你地講咗咁耐，其實係因為咩事？」
我：「要七星黎…唔通係又有咩…」
二家姐：「唔好意思又要令你失望，今次又唔係你所期待既咩漫畫情節。」
就係我問完之後，坐係飯檯邊既二家姐即刻開聲，令到氣氛變得好尷尬。
Ellen：「哈哈…我唔記得同大家講添，今日請佢地黎係想佢地幫Kathy手搵住既地方。」
叫七星…幫手搵樓？？講真架？
Anna：「Kathy唔係係你度住得好地地架咩，做乜要搬？你趕人走？」
Ellen：「痴線啦我又點會趕Kathy走，係佢自己話係時候要搬走…」
Ellen講完之後，我地全部人都望住企係最後既Kathy，佢既反應就只係苦笑。
Kathy：「咁…總無可能一直打搞住你地架嘛…而且遲D大家又唔同學校，我更加無理由繼續住係Ellen度啦…」
雖然佢講得十分有道理，但Sarah佢地係聽到之後仍然接受唔到，紛紛走埋去叫Kathy唔好搬。
但人地去意已決，又點會因為我地幾句說話而改變主意，佢只係搖搖頭，一一回絕大家既提案。
佢仲反提議我地幫佢揀一個靚又大既屋企，等遲D有機會就可以去佢度，大家聚下。
聽到Kathy咁講，Sarah，Anna仲有Ellen都紛紛話好，話一定會幫Kathy揀一個好靚既屋企。
而我就坐係一邊，二家姐既對邊，睇住呢一切，因為我都唔知自己應該做乜好，而且我總係覺得如果自己加把口會有反效果，所以我先決定咩都唔做。
諾儀：「你D女朋友睇落同呢個女仔關係好好咁喎。」
諾儀同阿雪係Sarah佢地圍威喂既期間，走咗埋黎我呢邊。
我：「啊…都係既，唔好意思呀佢地掛住自己傾計無視咗你地，我而家就過去叫佢地…」
諾儀：「哦唔緊要，由得佢地啦，反正我地都唔趕時間既，我同阿雪只係覺得有D奇怪，有少少好奇所以先過黎搵你傾下啫，唔係催佢地。」
我：「奇怪？好奇？因為咩？」
阿雪：「呢個女仔之前唔係扮神扮鬼搞過你地架咩，雖然佢係被人利用，但點解你地好似咁好感情既？」
我：「嗱講清楚先，係佢地幾個女仔感情好啫，唔關我事架。」
阿雪：「哈哈又唔洗即刻割蓆既，我地都知你份人~~~」
佢既語氣，擺明就係串緊我。
我：「你知就好啦，我諗佢地應該係私底下相處，熟絡咗，再加上Kathy佢本身既背景，佢而家身邊咩親人都無，日常生活都係同Ellen 佢地一齊，所以佢地咪變到咁好感情囉。」
「點講都好，唔好意思呀麻煩到你地，仲要係因為呢D小事。」
阿雪：「原來係咁…呢D就係女人之間既友誼！」
諾儀：「幫朋友又點會有分大事定小事呢，而且你家姐整既蛋糕都好好食，我黎都有收穫。」
阿雪：「不過如果晨哥哥都係度既話就更加好啦，我好耐無見過佢啦。」
我：「你其實知道晨哥其實有女朋友架可？點解你仲對晨哥咁…你明我講乜架啦？」
阿雪：「哈哈原來你當真架，我對佢唔係你諗既咁，我只係當佢係一個好好既哥哥同朋友啫，我自己有男朋友架啦。」
我：「嘩咁真係睇唔出喎，我見你成日提住佢，仲以為你真係鐘意佢添。」
阿雪：「我好細個就識佢架啦，佢係一個好特別既人，就算自己既出生係一個好有錢既家族都好，佢都唔會因為咁而變得驕傲自滿，好似阿偉咁。佢仲有好獨特的眼光，睇到好多我地睇唔到既野。」
的確，晨哥就係咁特別。
我：「晨哥佢真係好厲害，一個中學生已經咁好野，唔知佢第時會有乜成就呢？」
諾儀：「以佢既性格作風，可能會係發明D令人嘩然既創新技術掛？」
我：「可能係都未定啦，至少一定會好出名先。」
Sarah：「阿明！！我地快D幫Kathy揀屋啦！」
佢地終於傾完計，成群結隊咁走埋黎。
阿雪：「好喇，咁我地就睇下我地有乜選擇啦！」
終於開始進入正題，阿雪同諾儀拎出佢地既ipad，好似地產經紀咁show比我地睇一個又一個樓盤。
不過，佢地兩個俾我地睇既，唔係單位，全部都係一間又一間獨立屋。
Kathy：「我一個人住咁大間屋…好似太大…」
阿雪：「太大啊，咁就麻煩啦我地都無為意會有呢個問題添…」
如果比Kathy自己一個住係一間咁大既屋，佢反而可能會覺得更加孤單？
諾儀：「咁不如睇下呢個？愛麗絲準備既單位，又近聖所羅王。」
佢一邊講一邊開咗另一個資料，出黎既終於係一個單位。
呢個單位有哂傢私，間隔又唔錯，好似睇緊大台D地產節目咁。
Kathy：「呢個好！我就係想要呢d，呢d同我以前屋企既感覺好似。」
阿雪：「愛麗絲真係犀利啊，send得一個單位資料黎，但就已經係Kathy想要既，一擊即中呀真係。」
諾儀：「唔犀利又點幫到李Uncle做野吖，咁我地會通知佢架啦，你預兩日後佢就會搵人送所有需要既野黎比你地啦~」
Kathy：「咁…幾錢一個月租？」
係喎，都無諗過呢個問題添。
阿雪：「一蚊一年~~
」What the fuck!?