「無啦啦多左幾個家姐同細妹 Season 2」: 改變
之後我地三個比Cody教訓咗一餐，話我地亂講野，講到佢好似好衰，機心好重咁。
Kathy返到黎見到我地三個係咁搓自己個頭問我地發生咩事，但我地無人敢答。
玩下笑下上下堂，話咁快就到小息。
原本我係打算係班房訓一陣，因為尋晚打LOL打到好夜，基本上無乜訓過，不過阿希條友叫我陪佢去學生會買野。
黑仔咁岩又去咗搵人，阿希佢又係咁煩住我，我唯有陪佢去啦。
真係唔明，買支筆芯咋嘛，做乜都要人陪。
落到去學生會，嘩咁多人排隊都有既。
阿希：「屌呀，咁多人排隊既，喂阿明學生會會長係你女朋友，你去叫佢幫我買支筆吖，我唔想排呀。
」我：「諗你都唔好諗呀，想買野就乖乖地排隊啦，咁對其他人邊公平架。
」阿希：「嘩一講曹操曹操就到，阿明你後面。
」阿希咁講我即刻望去後面，「佢」的確行緊過黎，不過「佢」係Ellie，而唔係Ellen。
我：「Ellie你落黎搵Ellen？」
我專登叫佢個名而唔係用「你」黎稱呼，因為我想俾阿希佢又認錯人，但又唔想咁直接。
Ellie：「唔係吖，我塗改帶用唒，落黎買過餅芯咋。嘩不過咁多人既，唔知小息完之前我買唔買到呢？
」我：「嗱阿希，人地係學生會會長個妹都乖乖排隊呀，你識做啦。」
阿希：「知喇，排咪排囉。
」咁岩Ellie係度，親口問佢有無興趣睇E神演唱會啦。
我：「Ellie，你會唔會想睇E神演唱會？
」Ellie：「嗯，可以啊，不過阿明你可唔可以借D Bio書俾我？
」Bio書？
我：「Ellie你讀音樂同VA架喎…你要Bio書做乜？
」Ellie：「因為我想自修埋Bio，第時應該可能都係向呢方面發展。」
我：「Ellie，你…尋日…你嫲嫲點呀？
」Ellie：「唔洗擔心咁多，嫲嫲佢係我地面前仲係好精神，不過我知佢始終好快都會離開我，所以我希望向醫學方面發展，等第時再遇上同類型事情既時候，我可以有能力改變。
」Ellie…何必假裝堅強呢…你咁做我好心痛架你知唔知…
見到佢咁，我忍唔住攬住佢，就算其他人望住我都唔在乎。
我：「我會一直都係你身邊，唔會要你因為呢D事為我擔心…
」Ellie：「嗯，不過有時擔心你都係我其中一種樂趣，所以無乜野架~
」咁講都有既。
不過我諗我都要改變下先得，見到Ellie咁令我覺得自己好似一個細路，好幼稚咁。
之後個兩堂，我都係度諗緊呢個問題，連上堂都無心機上。
我應該點改變先好呢…？向邊一方面發展先岩？
阿希：「喂，咪發夢啦，Miss啤住你喇。」
我：「嘩係喎，你唔講我都唔覺添，Thanks大佬。」
比坐係後面既阿希提一提，我既魂魄終於都返咗黎班房入面。
我：「喂阿希，你有無諗過第時做乜？即係有乜夢想之類？」
阿希：「食軟飯。我最大既夢想就係唔洗做，食軟飯食一世。
」聽到阿希咁講，坐我隔離既Cody即刻「嘖」咗一聲，好似好睇唔起阿希咁講。
我：「屌，認真D啦。你無諗過將來做乜架咩？
」阿希：「唔…將來呀？咁問我既話…我會想做地鐵個D自動賣票機囉。
」唉屌，問你都係哂鳩氣，倒不如問下Cody好過。
我：「Cody你呢？你有無諗過第時讀完書會做乜。」
Cody：「設計師囉。」
佢望都無望過我，望住個黑板咁用四個字黎答我。
我：「設計師係指時裝個D？睇唔出wor真係。」
Cody：「不過都只係夢想啫，到時讀完書出黎做野可能又係另一回事都未定。」
「同埋而家諗咁多呢D野做乜，做好自己本份，讀好D書，考好DSE入大學先仲好啦。」
「下下想望到咁遠反而可能會睇唔清楚自己前面既路，仆親都唔知咩事。」
嘩係，問佢第時想做乜，佢講到人生道理咁撚勁？
不過佢又真係講得岩既…我而家應該要做既野係…
係喇，應該都係呢幾樣，而家既我應該要做好呢幾樣野就岩。
話咁快就到lunch time。
Sarah：「Ellen你去唔去睇E神演唱會？我地打算一齊去睇吖~」
Ellen：「E神演唱會？哈哈好呀，大家一齊去囉，你地拎咗飛未？如果未既話等我去拎吖~我有方法。」
Yui：「大家姐話等阿明今日覆佢，所以應該未買飛？」
Ellen：「嗯咁就等我搞啦，一陣你地俾個人數我吖。
」「話時話，阿明我俾你個張飛最後點？你俾咗邊個？
」我：「俾咗我個班既一個女仔啦，等佢到時同Kathy仲有阿希佢地一齊去。」
Ellen：「哦？我仲以為你會比阿惠，當拉紅線添。
」我：「唔啦，阿希有份去，如果俾阿惠既話到時佢地咪好尷尬，而且遲D佢地都日見夜見啦，會一齊既就點都會一齊既。
」Sarah：「嘩估唔到阿明你會諗得咁長遠喎。
」我：「洗乜…」
Anna：「係鬼，你咪信佢呀，佢借D意溝女咋嘛。
」…