「無啦啦多左幾個家姐同細妹 Season 2」: 手信
一家人齊齊整整返屋企，程車都坐得開心D，仲逼D。
返到屋企，Sarah佢地第一時間就問二家姐同Uncle拎手信，而我就返上自己房，沖個涼。
今日發生咗咁多野，都係沖個涼早D休息好過。
我：「過去十八歲沒帶錶不過有時間~~夠我沒有後顧野性~貪~玩~
」我沖完涼，一邊唱陀飛輪一邊用毛巾抹頭咁係廁所度行出黎，點知出到黎就見到二家姐係度。
佢就坐咗係我張書檯上面，睇緊張唔知咩紙。
我：「二家姐…？
」多得我叫一叫佢，佢先注意到我已經出咗黎。
二家姐：「哦沖完涼嗱？我仲以為你會唱哂E神所有歌先出黎添。
」我：「乜原來你聽到哂呀…
」二家姐：「嘛，你唱得咁大聲，我估如果隔離房有人既話都會聽到囉。
」唔係掛，乜我真係唱得咁大聲咩？
我：「咁…唔好意思囉嘈到你，你黎就係想叫我靜D？我會注意架啦。」
二家姐：「一來啦，不過見你唱陀飛輪，呢個就比你啦。」
二家姐一邊講一邊指向我張床，我望過去，見到床上面有個盒。
我走埋去打開個盒，打開發現係一隻精工錶。
我：「二家姐，呢隻錶？
」二家姐：「係日本行街咁岩見到，覺得幾靚就買咗。」
我：「所以係…俾我既手信？
」二家姐：「頭先開喼先發現無乜野岩你，所以…唔鐘意就攞返黎啦。
」二家姐終於肯係書檯落黎，走埋黎好似想收返隻錶咁，我當然即刻護住啦。
咁大個仔都係第一次旅行手信收錶…
我：「多謝哂呀二家姐，我會好好珍惜佢。
」我一邊望住隻錶，一邊多謝二家姐。
二家姐：「識講多謝喎，話時話呢張到底係乜黎？上面d野我完全睇唔明。」
被二家姐咁講一講，我都望咗去佢由頭先就一直拎住既個張紙度。
我：「哦，呢D係我之前做定資料搜集，用係今日同佢地去街個陣用架。」
二家姐：「哦…Sarah佢頭先都有同我講，佢仲話咩教訓人，係咩事？」
嘩Sarah講咗俾二家姐聽呀？咁多口都有既…
我之後將我既版本一五一十講哂比二家姐，睇住佢既表情黎個多段變化，最後黑哂口臉，殺氣好重。
我講完就唔敢出聲，望住佢就算。
二家姐：「你呢個人啊…真係成日都惹事…
」照肺要黎啦！！
二家姐：「你明知條友咁衰就咪帶佢地入去啦…係門口串下佢，放低鎖匙咪算囉…
」我：「係既係既…
」二家姐：「聽落雖然你開頭係小學雞咗D，不過我覺得你打柒條友係完全正確。」
「如果自己屋企人講到咁你都無動於衷，我真係會睇你唔起。俾D教訓佢係岩。
」我：「二家姐…」
二家姐：「唔洗咁擔心後果啦，我同家姐會幫你搞掂，不過唔好有下次喇。」
「佢地係下面食緊我買返既野食，你好快D落去，如果唔係可能連盒都無。」
佢講完就放返低張紙，離開咗我間房。
果然，一如二家姐所料，當我落到去大廳個陣，蘭姨已經係度執緊D盒走。
我最後只係食到一件香蕉蛋糕，仲要係一邊聽住佢地係度傾其他手信有幾好食一邊食我既香蕉蛋糕。
真係食到差D喊咗出黎。
之後我俾老母捉咗埋一邊訓話，內容又係圍繞住今日既事，係咁話我做乜咁傻仲要返去個度。
不過佢並無一面倒咁話我，佢其實都係擔心我，佢仲千叮萬囑叫我唔好再返去個度，我都應承咗佢。
話說老母係巴黎買比我既野居然只係一樽果jam，仲以為起碼會有個名牌銀包添。
之後個日，大家都係屋企hea，但係起碼間屋熱鬧好多，明明只係多咗三個人，仲要其中兩個都唔係好鐘意講野。
不過點都好啦，大家開心咪得。
大家姐：「咦，點解今日Ellen佢地無黎既？」
我：「啊，佢兩姐妹今日去咗醫院探佢嫲嫲，Anna就要陪佢Daddy，所以佢地今日都唔會黎。」
大家姐：「噢…佢嫲嫲呢排點啊，有無好D？」
Sarah：「我諗都應該同之前差唔多，畢竟係cancer…」
大家姐：「咁又係…希望佢之後情況可以有機會好返D啦…唔好講呢D住啦，你地有無人有興趣聽E神演唱會？」
我：「E神演唱會？」
大家姐突然提起E神演唱會嚇咗我一跳，同時提醒咗我一件事，就係我仲有一張E神飛。
大家姐：「係啊E神呀，上次係你地陸運會聽完佢唱歌之後就突然想聽lu~如果你地有人都想去既話，我咪幫你地拎埋飛，到時咪一齊坐一齊睇囉~」
我：「哦…Sarah Yui你兩個想唔想去？」
Sarah：「我無所謂呀~」
Yui：「如果阿明你想去既話，我會陪你去架。」
我：「咁呀…難得機會…一齊去喇咁，我一陣就去wts Ellen佢地問埋佢地去唔去啦，大家姐你可唔可以等陣？」
大家姐：「梗係可以啦，不過你唔好去打擾Ellen佢地啦，由佢地專心陪佢地嫲嫲啦。聽日先覆我都未遲，反正我都要去問阿May佢去唔去~
」我：「嗯，咁我就聽日返學先問佢地啦。
」於是，我而家應該點處理我手上個張飛好呢…？
阿希：「吓你即係話你唔會同我地去睇呀？
」第二日返到學校同咗阿希佢地講呢件事之後，阿希第一個反應就好大聲，大聲到班房入面既其他人都望住我地。
我：「係啊，我應該會同屋企人睇，所以你地會唔會有其他人想一齊睇？我可以俾咗張飛佢。
」阿希：「叛徒！！又話一齊去睇！！
」黑仔：「喂睇個演唱會啫，唔洗扯到去叛徒咁嚴重呀。
」我：「咪係，中二病都要有個限度吖你。
」Cody：「咁比我囉，反正你唔要。」
坐係一邊既Cody突然開聲。
我地幾個聽到佢突然加入討論都有少少意外，大家都即刻望住佢。
Cody：「做乜呀？唔想俾我？咁算喇當我無講過~
」我：「唔係唔得，只係有D意外會係你要啫…」
Cody：「咩呀，即係話我唔可以鐘意聽E神？
」我：「咁又唔係，俾你無問題呀，但你唔好拎去炒黃牛呀，講明先。
」Cody：「咁我又唔會咁做，我真係自己想睇。」
我：「咁比你啦，到時你就同兩個柒頭去睇啦。」
我係銀包抽出張演唱會飛，交到Cody手上，不過見到佢接個陣鄒哂眉。
Cody：「要同呢兩隻野一齊坐呀…？咁我反而要諗下喎…
」黑仔：「仲有Kathy架，Kathy都會去。
」Cody：「唔…睇在E神份上我忍下啦，到時比我同Kathy一齊坐呀。」
「講起Kathy，佢幾時走？
」呀，Kathy咁岩唔係度既，佢去咗校務處。
一提起呢個話題，原本好活躍既阿希都即刻靜咗落黎，苦瓜咁口，係佢旁邊既黑仔見到佢咁既面口都縮一縮，唔敢亂講野。
但問題總需要有人黎答，就由我黎答啦。
我：「我諗最快應該都要下個月啦，個邊都要安排入學試。」
Cody：「係啊…佢既事你應該清楚D既呵？咁仲有半個月時間，我都要搵機會約佢食餐飯先。」
佢一邊講一邊起身，好似想去唔知邊度咁。
Cody：「點都好，多謝你張飛，我到時會好好enjoy場演唱會架啦。
」佢揮舞住張演唱會飛咁行出班房，離開我地眾人既視線。
係佢走咗之後，我地三個唔知咩事同時嘆咗口氣，大家見到大家咁都忍唔住笑咗出黎，氣氛終於輕鬆返D。
我：「我仲以為佢唔多鐘意Kathy添。
」黑仔：「我都係，我以為佢妒忌Kathy受歡迎過佢會唔鐘意佢。
」阿希：「可能佢約Kathy食飯係想宣告勝利呢哈哈。
」三個傻仔係班房大聲討論女仔之間既關係，其實唔係一個咁明智既舉動。
我發現Cody居然係門口望住我地，個刻我心跳好似停咗咁。
Cody：「我聽到哂呀你地三個。
」