「無啦啦多左幾個家姐同細妹 Season 2」: 休息
Yui執比我既藥認真夠勁,一訓落床就即刻訓著,仲要訓到佢黎叫我我先識醒。
Yui:「阿明…要起身架啦,差唔多一點啦。Auntie叫我上黎叫醒你去食lunch啊。」
吓一點!?咁晏嗱!?

我即刻彈起身,望下窗外面,好光猛。
我:「嘩Yui你俾我D藥咁勁既,搞到我一訓就訓到而家。」
Yui:「咁食完之後有無好D?」
我:「好似真係好咗好多喎哈哈,你D藥咁神奇既係邊度買架?等我入定一兩打做存貨先。

Yui:「普通藥黎啫,我一陣搵個包裝比你吖…」
我:「講笑咋我,你咁認真都有既,好喇我地落去啦,食完lunch就出去練跑!

我講完就即刻拿拿聲落床,但就係我落床個下,對腳突然無力,差D仆係度,好彩Yui反應夠快扶住我。
Yui:「阿明?你無事吖嘛??」
我:「哦無事,可能岩岩起身無力啫,行啦我地。」
之後Yui就一直扶住我,扶到我去飯廳。途中我講過好多次話無事,但佢都係話唔放心,要扶住我。
最後去到飯廳既時候,大家都望住我地。
啊,除咗Sarah,佢好似仲未酒醒,呆下呆下咁。
老母:「點呀,食完藥都無好D呀要Yui扶住?洗唔洗一陣帶你去睇醫生呀?

我:「哦我無事呀,只係起身腳有D軟,Yui唔放心所以先一直扶住我啫。」
老母:「腳軟?你個衰仔唔會係趁尋晚Sarah飲醉咗就…有無!

老母一講完大家既目光就唔同咗,特別係大家姐同二家姐,大家姐就好興奮問係咪曳曳咗,而二家姐就咩都無講,只係怒啤住我。
我當然馬上澄清啦,而Sarah就仍然呆下呆下,大家姐見到佢咁就去咗廚房,話去整杯解酒茶比Sarah。
大家開開心心係度食lunch,仲係度討論尋晚個「火爐派對」,大家姐,Yui甚至連羽晨都話好開心。
Uncle:「哦?睇黎我尋晚應該推咗個酒會黎Join你地先係,miss咗個好party添。」
大家姐:「哈哈,可能Daddy你係度既話就唔會咁好玩啦~

Uncle:「家晨你咁係意思,嫌Daddy我老?

大家姐:「哈哈係你自己講架~阿明呀,不如一陣陪大家姐我出街?

我:「唔得呀大家姐,我打算食完lunch就練跑,陪唔到你喇唔好意思。」
大家姐:「哎又練跑,做乜你呢星期成日都去練跑架,難得星期六,休息一下喇。

我:「因為我想贏佢囉,所以我一定要俾心機練習先得。

我咁講完之後大家都靜咗一靜,大家姐就係度R頭。
大家姐:「唔…咁喇,如果你唔陪我既話,我就話俾Ellen,Ellie仲有Anna知你尋晚同Sarah曳曳!

嘩!!
我:「大家姐你咁即係明屈架啫!邊有得咁架!

大家姐:「哈哈哈哈,佢地遲早都會知道我係講大話既,不過係佢地發現之前你就…嘻嘻嘻你自己諗啦。

唉點解會變成咁架…
我:「好喇,我明喇我唔去練跑啦好未,求下你唔好冤枉我。


大家姐:「咁咪乖囉~黎啦等我地又幾姐弟一齊去行下街啦~~~

二家姐:「吓我都要?唔好搞我啦我唔似你地咁得閒,我仲有好多assignment同presentation要做架。」
大家姐:「扮乜啫你都已經…eh…哈哈哈都已經做哂架啦扮乜忙啫!



二家姐最後都係不敵大家姐,死死地氣應承,同我一樣。
至於Sarah呢,解酒茶對佢似無乜效果,食完個lunch佢就返咗上房訓,Yui就話留低照顧佢,羽晨都係。
結果,就只係得返我,大家姐同二家姐三個人一齊出去,去咗又一城。

大家姐:「啦啦啦,今日買咩好呢~~衫?袋?定鞋呢哈哈哈,好似好耐無同你一齊shopping啦可阿May?

二家姐:「唉快d買完快D返去啦呢度鬼死咁多大陸人,仲好似有陣臭味咁,最憎架啦。

我:「D臭味係咪因為個邊…

我指向商場既一角,個邊有一對母子,個仔就除咗條褲踎係度,辦緊大事。

二家姐:「嘩屌係真唔係呀,痴線架?

大家姐:「哇哈哈係Facebook睇就睇得多,無諗過可以親眼睇到,快D影低佢放上IG同Snapchat先!

大家姐一邊講一邊拎電話黎影,我都唔執輸影埋一份,仲放咗上幾個whatsapp group。
睇完人辦大事後我地就係大家姐帶領下繼續係又一城行街,其實都係得佢行,我同二家姐只係伴遊。
大家姐:「呀,不如去睇戲?

二家姐:「睇戲?最近好似都無乜好戲好睇,咪啦。

大家姐:「有乜好睇去到戲院咪知囉,黎啦快D行啦~~


我同二家姐邊拒絕到,只可以乖乖跟住大家姐任佢舞。
最後大家姐揀咗套就快開場既喪屍片黎睇,唔知係咪因為時間問題,成間院居然得我地三個人睇,可以話任坐唔嬲。
不過我地都好守規矩,坐返係自己買既位,我就坐係佢兩個中間,負責拎住桶爆谷。
其實套戲我都唔係好知道講乜,因為大家姐一直撟住我,成場戲都食我隻手食波餅,有時甚至仲會壓落黎伸手拎爆谷食,叫人點專心睇戲。

成個腦都係回味緊個種觸感,哇真係不得了,軟綿綿既真係好想一手揸落去。
甚至連阿巨龍哥都俾反應,好彩黑媽媽加上我用桶爆谷遮住,兩位家姐先注意唔到巨龍哥想同佢地打招呼。


至於二家姐,佢成場戲都好靜,一直都托住頭睇,好似就連某D驚嚇埸面都無反應。
終於,套戲終於做完,大家姐都放開咗我,深深伸咗個懶腰,係我面前show佢個副傲人身材。


大家姐:「唔~~都幾好睇吖,有幾幕真係幾鄧主角驚,你話係咪呀阿明?」
我:「eh…都唔錯既,不過不失啦。

大家姐:「不過阿明你同阿May都好勁呀完全無嚇親,我有好幾幕都嚇親,差D就嗌咗黎,不過而家諗返嗌黎都唔緊要啦,反正呢度得我地三個哈哈。」
我無嚇親係因為我其實根本無留心睇…
大家姐:「咦?搞錯呀原來係訓著咗,唔怪得無反應啦。

聽到大家姐咁講,我就望咗去二家姐個邊,見到佢托住頭訓緊覺。
我:「可以係環迴立體既喪屍聲下訓覺…二家姐好攰咩?」
大家姐:「係呢…佢呢排都係咁,所以我今日先帶你兩個出黎放鬆下咋嘛。」
我:「哈哈,我諗我就唔係好需要放鬆啦,我呢排都無乜壓力~

大家姐:「真係咁咩?大家姐我唔係咁諗喎~

「淋D爆谷過去啦。

吓???


大家姐突然做咩呀?叫我淋D爆谷過去??

大家姐:「照做得啦~唔會有事既~

既然大家姐都咁講…
我小心翼翼,係咁倚灑咗D爆谷去二家姐度,但佢都係無反應,只係成身爆谷。
大家姐:「唉呀你咁溫柔做乜呢~要咁先得架嘛~

大家姐一手搶走桶爆谷,兜口兜面潑埋去二家姐度,之後再俾返個空既桶我。
今次二家姐終於醒,佢醒既第一件事就係望住自己身上既爆谷,再怒啤住我地。
二家姐:「搞乜我會成身都係爆谷?

大家姐:「啊終於醒啦,阿明見你完咗場咁耐都唔識醒,咪淋你爆谷囉。」
嘩!大家姐你!!

二家姐:「喂你係咪有病呀?我訓著咗你咪拍醒我囉,淋我爆谷做乜鬼啫,搞我到成身都係啦,妖連頭髮都有!妖!


二家姐好嬲,嬲到痴咗線,好似想食人咁,但明明就唔關我事。

大家姐:「喂唔好嘈住啦,人地要清場架啦,嗱你兩個要清理返D爆谷,唔好麻煩到人啊~

二家姐:「吓明明我係…」
大家姐:「唉呀頭先一直都無去廁所,而家好急添,嗱我而家就去廁所,一陣係出面等啦~

大家姐完全無視二家姐,拍拍屁股就走咗去。
而家戲院就得返我同二家姐,仲有幾個工作人員拎住清潔用品怒啤住我地。
我同二家姐對望咗下,之後就開始默默執返D爆谷。
執既時候二家姐仲係黑口黑面,不時發出嘖嘖聲,我就唯有執快D,等我地可以快D出返去。

搞咗一輪終於執完,出返去既時候,大家姐已經企咗係度等緊我地,仲係度玩緊電話。
大家姐:「咦,搞掂嗱?好喇我地繼續行街喇~~我岩岩收到通知,我朋友返咗批新衫呀,我地快D去喇~

就係咁,我地就離開咗又一城,去咗觀塘一座工廠大廈,大家姐朋友既鋪頭。
佢兩個不斷咁揀衫試衫,而我就坐係一邊負責比意見大家姐,不過我幾乎件件話好睇。

可能本身個人靚,身材又好,真係著乜都可以好好睇。


最後兩位家姐都買咗唔少,而我,因為個度專賣女裝所以我咩都買唔到,但就要幫手拎一袋二袋。

大家姐:「啊真係開心,同細佬妹一齊出街真係特別開心,買野都會買多咗~

「好啦,返去啦~~
