「無啦啦多左幾個家姐同細妹 Season 2」: 有你
我乖乖咁聽從佢地既吩咐，上返自己房沖涼，哇浸係暖暖既水入面既感覺真係好，真係好容易就會訓著。
積壓係身上既倦意一下子都比熱水沖走啦，真係爽。
我仲趁機會久違了咁打咗次丁，素材係乜？唔講啦嘻嘻。
沖完個涼，成個人都精神哂，係時候落返樓睇下佢地點啦。
咦乜咁靜既，唔通Ellen佢地已經返咗去？
落到去大廳，果然已經唔見Ellen佢地，只係見到大家姐訓係梳化度，仲攬住枝空既酒樽。
T-shirt，短褲仔，著到咁少好易凍親架大家姐…唉都係去搵張被比佢喇。
當我轉身想去搵被既時候，就見到Sarah行緊埋黎，佢正正就係拎住張被。
我：「哈哈睇黎我地心有靈犀喎，我岩岩就係想去拎被比大家姐。
」Sarah：「咁不如你幫我疊張被係大家姐度吖好無？」
我：「當然好啦，可以為美女你效勞係我既榮幸。」
Sarah：「唔該你~~
」我接過Sarah手上既被，輕輕手咁放係大家姐身上，仲好小心咁拎走佢一直攬住既酒樽。
點解我會用「好小心」呢個字？因為大家姐攬住支酒係佢心口，我呢D紳士梗係唔會想借醉行兇…係咪咁用呢？唉是旦啦，總知我就只係唔想抽到大家姐水。
不過大家姐實在攬得太實，最後無辦法都係hi到大家姐個胸，嗱我一掂到就即刻縮架，真係無非份之想架。
係安置好大家姐之後，我就同Sarah行咗去飯廳，而家已經執返好哂，好整齊。
我：「Ellen佢地呢？返咗去嗱？」
Sarah：「係啊，佢地原先係想等你沖完涼同你講bye bye先走既，但無諗過你會沖咁耐，所以佢地都係無等你就走咗。」
沖咁耐係因為…
我：「係啊，攰得濟所以沖耐咗自己都唔為意，夜啦你都快D去沖涼啦。」
Sarah：「沖咗啦我，頭先執完野之後就去咗沖lu~」
我：「哈哈係呀？咁睇黎我好似真係沖得太耐咁喎，係喎其他人呢咁？」
Sarah：「Yui就帶咗羽晨上房訓覺，二家姐就…」
Sarah提二家姐既時候指咗去泳池個邊，即係話二家姐又係泳池度hea啦。
大家都係度做自己野，咁我都趁機會去練跑，繼續備戰陸運會先。
我伸一個懶腰，順便再做幾下熱身運動。
Sarah：「咁夜你仲要出去練跑呀？」
我：「嗯，趁仲有時間，我想再操fit D，等決賽個陣表現可以再好D…乞痴！！
」Sarah：「啊差D唔記得，嗱呢D係Yui搵比你既藥呀，快D食咗佢啦，我而家去去酙杯水比你送藥。」
佢放低D藥就急急腳走咗去廚房，好快又拎住杯水走返出黎。
Sarah：「嗱水呀，快D食藥呀。」
佢好似個阿媽咁不斷催我食藥，就連我食藥個下佢都要金精火眼睇到實一實。
我：「食咗喇，咁我出去練跑喇~
」Sarah：「唔得！食咗藥就要多D休息，唔準再出去~~
」我：「吓~~唔好咁啦~~
」Sarah：「乖喇，不如陪我傾下計就算喇，反正我地好似有一排都無乜試過兩個人靜靜地獨處囉~
」傾計？
Sarah講到咁，我都無辦法再堅持話要出去啦係咪先，唯有應承佢，乖乖留係度同佢傾計啦。
佢之後又走咗入廚房，拎咗兩件蛋糕出黎，睇黎係想一邊食一邊傾架啦。
Sarah：「嗱，呢D就係今日大家姐整既蛋糕，我專登留起兩件架。」
咁即係話…佢係一早plan好哂呢一刻？
不過諗返佢講既野又好似岩，好似有一段時間無二人世界，最近D事都係一樣接一樣咁黎，想輕鬆下都唔得。
之前話有時間就會帶佢地去玩，都唔知要等到幾時先得。
講開又講，件蛋糕又真係幾好食，大家姐手勢真係愈來愈好。
Sarah：「件蛋糕好好味吖可？」
我：「嗯，好食到停唔到口添呀。」
Sarah：「你好鐘意食？」
我：「咁好味，點會唔鐘意食呀~~唔通你唔鐘意食咩？」
Sarah：「我都好鐘意食呀，咁不如我跟大家姐學囉，咁之後一有時間我就整比你食，好無？」
我：「好呀有好野食我梗係話好架~~話時話你唔係話想同我傾計咩？有特別野想講？」
Sarah：「無呀只係想普通傾下計咋~見你最近好似好緊張咁。」
我：「哦哦，要練好陸運會吖嘛，如果拎唔到全場總冠軍既話Anna又唔知會點對我架。
」Sarah：「哦~~係喎哈哈，咁你就要加油啦~~我會為你打氣架~~
」我：「係喎話時話點解你今年你唔參加既？我記得你上年都有參加架，仲拎到塊金牌架。」
Sarah：「係啊，上年參加係有D原因，今年唔參加都有D原因。
」我：「原因？咩原因呀講黎聽下~~
」Sarah：「上年我參加係因為我想送塊金牌比你，所以先參加，你仲記唔記得？
」梗係記得，個時佢突然遞出黎，嚇咗我一跳添呀，塊牌而家仲係我櫃桶既。
Sarah：「至於今年我唔參加既原因呢，都係因為你。我有你係我身邊，所以唔參加都得~
」我：「唔？兩者之間有乜關係？好似唔多關事喎~」
Sarah：「你咁蠢架，咁都唔明？我有咗你咪乜都夠囉~~仲洗乜去同人爭獎牌~」
「仲有有人會因為比賽贏咗拎到獎牌而開心，但我開心既原因就係因為你，所以我不如專心為你打氣咪仲好~~」
我：「做乜你今日咁口甜舌滑架，朝早係咁，而家又黎，搞到我好感動添。」
唔係講笑，我每次聽到呢D都係咁，尤其係佢講。
Sarah：「唔知呢，只係有感而發啫，諗起上年陸運會個陣。」
我：「啊…個陣的確係好難過，因為個個仆…」
當我想講出「仆街偉」呢三個字既時候，Sarah即刻伸隻手指放係我嘴邊，唔俾我再講落去。
Sarah：「難得咁開心，就唔好提佢個名喇。」
我：「岩，你講得岩，唔好提佢。」
我乖乖投降之後佢先肯縮手，臨縮之前仲要再拍拍我個嘴唇。
Sarah：「如果當日我係旺角無跟你走，唔知而家會變成咩情況呢？」
又話唔好提既？你自己又講既？
我：「唔知呢，或者一切都唔會發生，我地可能仲讀緊聖所羅王，仲係姊弟相稱囉~」
Sarah：「可能真係咁，哈哈真係唔敢想象到最後我會由三家姐變成你女朋友添。」
我：「做咩呀後悔呀？我都差D唔記得自己當初點解會突然咁有勇氣去PLAN個次lu。而家諗起都緊張刺激。」
Sarah：「係啊，你突然衝入黎帶我走，最後又俾佢同佢D人圍住，你仲俾佢打。」
我：「啊！我記得喇！你個陣仲突然我錫你！激到佢生蝦咁跳！好彩最後得晨哥路見不平幫拖咋。」
Sarah：「而家諗返，我地之所以可以行到呢步，唔多唔少都係多得晨哥，你都係咁諗，係咪？」
的確，我心入面幾乎無時無刻都係咁諗，係佢成就咗而家既我。
Sarah：「但我始終都係鐘意阿明你多D，而唔係晨哥，嘻嘻。」
我：「Sarah？」
佢好似有D奇怪咁既，睇真D塊臉仲紅卜卜咁，搞咩呀？
Sarah：「阿明…嘻嘻…加油…
」佢講完就訓咗係餐檯度。
果然係飲醉咗。
我搖搖頭，走埋去抱起佢，帶佢返上佢房，好好安置佢。
飲醉咗都係咁可愛，你叫我點算。
多謝你。